Eblée 8:2 - MAWUXÓWÉMA

² É ɖo vɔ̌sánú-xwlémawutɔ́ ɖaxó sín azɔ̌ wa wɛ ɖo Tɛn mímɛ́ bǐ ɔ́ mɛ; Tɛn mímɛ́ bǐ e nyí goxɔ titewungbe e gbɛtɔ́ ma gbá ǎ, bɔ Aklúnɔ gbá é.

Eblée 8:2 Iomraidhean Croise

Tíntɔ́n 25:9

Yě ná bló goxɔ ɔ́ kpódó nǔ e ná nɔ mɛ lɛ́ɛ bǐ kpó, bɔ é ná sɔgbe xá ée un ná xlɛ́ we é.”

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Tíntɔ́n 28:35

Awu énɛ́ ɔ́ wɛ Aalɔ́ɔn ná nɔ́ dó dó wa vɔ̌sánú-xwlémawutɔ́zɔ́ tɔn. Hwenu e é ná ɖo Tɛn mímɛ́ ɔ́ mɛ byɔ́ wɛ ɔ́ kpódó hwenu e é ná ɖo tíntɔ́n sín mɛ wɛ ɔ́ kpó ɔ́, è nǎ nɔ se gan e ɖo awu ɔ́ tó lɛ́ɛ sín gbe; énɛ́ ɔ́, nú gan ɔ́ ɖo nǔ ɖɔ wɛ ɔ́, é ná kú ǎ.

Tíntɔ́n 33:7

Hwenu e Izlayɛ́li ví lɛ́ɛ ɖo goxɔ e mɛ yě ná nɔ lɛ́ɛ bló wɛ ɔ́, Mɔyízi zé goxɔ tɔn, bó tɔ́n sín fí e yě ɖe ɔ́ bó kɛ́, bɔ é lín dó fí ɔ́ zaan. É nɔ́ ylɔ́ goxɔ ɔ́ ɖɔ goxɔ e mɛ Mawu Mavɔmavɔ ná nɔ́ kpé togun ɔ́ ɖe é. Mɛ e jló ná kan nǔ byɔ́ Mawu Mavɔmavɔ lɛ́ɛ bǐ nɔ́ tɔ́n sín fí e yě ɖǒ gɔnu ɖó ɔ́, bó nɔ́ ɖidó goxɔ ɔ́ kɔn.

Luki 24:44

bó ka ɖɔ nú yě ɖɔ: “Hwenu e un ɖo kpɔ́ xá mi ɔ́, un ko ɖɔ xó élɔ́ lɛ́ɛ nú mi ɖɔ jí: nǔ e è ko wlán dó wú ce ɖo Mɔyízi sín sɛ́n ɔ́ mɛ, bó wlán dó wú ce ɖo gbeyíɖɔ Mawu tɔn lɛ́ɛ sín wěma mɛ, bó lɛ́ wlán dó wú ce ɖo Ɖɛhanwéma lɛ́ɛ mɛ ɔ́ bǐ ɖó ná jɛ.”

Hlɔ̌manu 15:8

Nǔgbó ɔ́, un ɖo ɖiɖɔ nú mi wɛ ɖɔ Klísu húzú Jwifu lɛ́ɛ sín mɛsɛntɔ́, bó ná dó ɖe akpá e Mawu dó nú tɔ́gbó yětɔn lɛ́ɛ é, bó ná ɖe xlɛ́ gbɔn mɔ̌ ɖɔ Mawu kún nɔ́ dó akpá bó nɔ́ gɔn ɖiɖe ó.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Kolósinu 2:11

È ko gbo ada nú mi ɖo bǔ e mi ɖe xá Klísu é mɛ; é ka nyí ada e gbɛtɔ́ lɛ́ɛ nɔ gbo nú mɛ ɔ́ wɛ ǎ; lo ɔ́, ada e Klísu nɔ gbo nú mɛ ɔ́ wɛ, bɔ é ɖe mi sín agbaza mitɔn hwɛhutɔ́ ɔ́ sín acɛ mɛ.

Eblée 10:11

Vɔ̌sánú-xwlémawutɔ́ ɖé fɔ́n ɔ́, é nɔ ɖo azɔ̌ tɔn wa wɛ; é nɔ ɖo vɔ̌ ɖokpó ɔ́ sá wɛ hwɛhwɛ, có vɔ̌sísá énɛ́ lɛ́ɛ nɔ sixú súnsún hwɛ mɛtɔn lɛ́ɛ síin gbeɖé ǎ.

Eblée 10:21

Mǐ ɖó vɔ̌sánú-xwlémawutɔ́ ɖaxó ɖokpó bɔ é kpa acɛ dó Mawu xwé ɔ́ nu.

Eblée 11:10

Đó Ablaxámu ɖo te kpɔ́n toxo ɖaxó e ɖó dodó syɛ́nsyɛ́n , bɔ Mawu ɖésú ɖe wě tɔn bó bló é.

Eblée 9:1

Akɔjijɛ nukɔntɔn ɔ́ ko ɖó tito lɛ́ɛ nú Mawu sinsɛn, bó ɖó sinsɛnxɔ e gbɛtɔ́ sɔ́ alɔ dó gbá é ɖokpó.

Nǔɖexlɛ́mɛ 21:3

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.