Eblée 8:13 - MAWUXÓWÉMA

¹³ Ée Mawu ɖɔ akɔjijɛ yɔ̌yɔ́ ɔ́ xó ɔ́, é bló bɔ akɔ nukɔntɔn ɔ́ húzú nǔ xóxó; nǔ e ka húzú nǔ xóxó, bó lɛ́ fɔ́n bó ɖo xó dó d'é jí wɛ ɔ́ kó ɖo nǎ bú wɛ.

Eblée 8:13 Iomraidhean Croise

Ezayíi 51:6

Mi kpɔ́n jǐxwé aga dɔ̌n sɛ́ dó; mi kpɔ́n do, bó kpɔ́n ayǐkúngban ɔ́; jǐnukúnsin ná kɛn azizɔ ɖɔhun, ayǐkúngban ná gbi avɔ ɖɔhun, bɔ mɛ e ɖo ayǐkúngban ɔ́ jí lɛ́ɛ ná kɔn nyi ayǐ sukpɔ ɖɔhun; amɔ̌, hwlɛngán e un ná hɛn wá ɔ́ ná nɔ ayǐ káká sɔ́yi; hwɛjijɔ ce ná ɖó dogbó ǎ.

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

Luki 22:20

Ée yě ɖu nǔ gúdo ɔ́, é sɔ́ vɛ̌ɛn kɔ́fu ɔ́ lɔmɔ̌ nú yě, bó ɖɔ: “Vɛ̌ɛn élɔ́ ɔ́, hun ce wɛ; hun ce e Mawu dó sɔ́ akɔjijɛ yɔ̌yɔ́ ɔ́ sín afɔ ɖó te ná ɔ́ wɛ; é wɛ kɔn nyi ayǐ dó ta mitɔn mɛ.]

1 Kɔlɛ́ntinu 13:8

Wǎn yíyí ná vɔ gbeɖé ǎ; wɛn Mawu tɔn lɛ́ɛ dídó ka ná vɔ; xó ɖɔ dó gbe tɛnmɛ tɛnmɛ mɛ ná nɔ te; nǔ e mǐ tunwun ɔ́ na vɔ.

2 Kɔlɛ́ntinu 3:6

Đó é wɛ húzú mǐ, bɔ mǐ kpé wú, bó nyí akɔjijɛ yɔ̌yɔ́ ɔ́ sín azɔ̌watɔ́. Akɔjijɛ yɔ̌yɔ́ énɛ́ jínjɔ́n sɛ́n e è wlán lɛ́ɛ jí ǎ; lo ɔ́, Yɛsinsɛn sín nǔwiwa wɛ. Sɛ́n e è wlán ɔ́, mɛ wɛ é nɔ hu; lo ɔ́ Yɛsinsɛn ɔ́, gbɛ wɛ é nɔ ná mɛ.

2 Kɔlɛ́ntinu 5:17

Hǔn ényí mɛɖé jɛ kpɔ́ xá Klísu lě tlóló ɔ́, mɛ ɔ́ nɔ húzú nǔɖíɖó yɔ̌yɔ́: nǔ e nyí xóxó ɔ́ bú, bɔ yɔ̌yɔ́ ɔ́ wá.

Eblée 1:11

Nǔ énɛ́ lɛ́ɛ bǐ ná vɔ; hwɛ ka ná ɖe tɛgbɛ; yě ná dóxó avɔ ɖɔhun.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 7:22

Énɛ́ ɔ́ wú ɔ́, Jezu lɔ nyí akɔjijɛ e nyɔ́ hú akɔjijɛ nukɔntɔn ɔ́ sín gǎnjɛwú nú mǐ.

Eblée 8:6

Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.

Eblée 8:8

Lo ɔ́, Mawu mɔ nǔjɛdo ɖo togun tɔn wú, bó ná kɛ nu d'é wú hwenu e é ɖɔ ɖo Mawuxówéma ɔ́ mɛ ɖɔ: “Azǎn ɖé lɛ́ɛ ná wá, bɔ un ná jɛ akɔ yɔ̌yɔ́ ɖé xá Izlayɛ́li kpódó Judáa kpó sín togun.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.