Eblée 8:12 - MAWUXÓWÉMA

¹² Un ná sɔ́ nǔ e yě wa nyi do lɛ́ɛ kɛ yě; un sɔ́ ná flín hwɛ e yě hu lɛ́ɛ ǎ.” Xó e Aklúnɔ ɖɔ ɔ́ nɛ́.

Eblée 8:12 Iomraidhean Croise

Ɖɛhan 25:7

Ma flín hwɛ e un ko hu ɖo wǐnnyáwínnyá mɛ lɛ́ɛ ó, ma flín gǔ e un fɔ́n lɛ́ɛ ó, kpɔ́n dó nǔbláwǔkúnúmɛ towe wú, bó flín mì, ɖó Mawu Mavɔmavɔ, xomɛnyɔ́tɔ́ wɛ a nyǐ.

Ɖɛhan 65:3

Hwi wɛ nɔ se ɖɛ, énɛ́ wú ɔ́, gbɛtɔ́ lɛ́ɛ bǐ ná wá gɔ̌n towe.

Ezayíi 43:25

Amɔ̌, nyɛ wɛ sɔ́ hwɛ towe lɛ́ɛ kɛ we, ɖó é jló mì mɔ̌; un ka sɔ́ ná lɛ́ wá jí ǎ.

Ezayíi 44:22

Un ko dɔn nǔ gbɔn gǔ e a fɔ́n dó jǐ ce ɔ́ jí, un dɔn nǔ gbɔn hwɛ e a hu dó mì lɛ́ɛ jí. Bǐ wɛ kó súnsún, bǐ wɛ kó wá yi akpɔ́kpɔ́ ɖɔhun. Un ko hwlɛ́n we gán, lɛ̌ kɔ wá gɔ̌n ce.”

Jelemíi 31:34

Mɛ ɖěbǔ ná ɖo yě mɛ, bó ná ɖɔ émí ná yi mɔ nɔzo émítɔn lɛ́ɛ, nɔví émí tɔn lɛ́ɛ, bó ná kplɔ́n nǔ yě ɖɔ yě ní wá tunwun nyɛ Mawu Mavɔmavɔ ǎ, ɖó yě bǐ na ko tunwun mì, bɛ́ sín yɔkpɔ́vú jí káká yi jɛ mɛxó jí. Un ná sɔ́ nǔ e yě wa nyi do ɔ́ bǐ kɛ yě, bó sɔ́ ná flín hwɛ e yě hu dó mì lɛ́ɛ ǎ.” Xó e Mawu Mavɔmavɔ ɖɔ é nɛ́.

Jelemíi 33:8

Un ná súnsún hwɛ e yě hu dó mì lɛ́ɛ bǐ, bɔ gǔ e yě fɔ́n dó jǐ ce tɛnmɛ tɛnmɛ ɔ́, un ná zé bǐ kɛ yě, lobo ná zé yě dó húzú mɛ mímɛ́.

Jelemíi 50:20

Nyɛ Mawu Mavɔmavɔ ɖɔ: azǎn énɛ́ lɛ́ɛ mɛ ɔ́, è na ba nǔ e Izlayɛ́li wa nyi do ɔ́ kpo. È nǎ mɔ hwɛ e Judáa hu ɔ́ ǎ, ɖó un ná zé hwɛ kɛ mɛ e un ná jó dó nyi gbɛ lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Micée 7:18

Mawu Mavɔmavɔ, è sixú jlɛ́ vodún ɖěbǔ dó wǔ towe ǎ. A sɔ́ hwɛ kɛ mɛ e kpo ɖo gbɛ ɖo togun towe mɛ lɛ́ɛ, bó wɔn hwɛ yětɔn lɛ́ɛ. A nɔ sin xomɛ dó mɛ káká sɔ́yi ǎ, ɖó nǔ e nyɔ́ nukún towe mɛ ɔ́ wɛ nyí ɖɔ a nǎ ɖe xomɛnyínyɔ́ towe xlɛ́ mǐ mɛ e nyí togun towe é.

Micée 7:19

A nǎ lɛ́ kú nǔbláwǔ nú mǐ azɔn ɖokpó gɔ́ ná. A nǎ sɔ́ hwɛ mǐtɔn lɛ́ɛ kɛ mǐ, bó ná sɔ́ hwɛ mǐtɔn lɛ́ɛ nyi dó fí e gɔ́ngɔ́n hú fí bǐ ɖo xu mɛ é.

Hlɔ̌manu 11:27

Akɔ e un ná jɛ xá yě hwenu e un ná ɖe hwɛ yětɔn lɛ́ɛ sín kɔ nú yě ɔ́ nɛ́.”

Efɛ́zinu 1:7

Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛ . Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.

Kolósinu 1:14

Vǐ vívɛ́ná énɛ́ wɛ zɔ́n, bɔ Mawu xɔ mǐ sín kannumɔgbénu, bó sɔ́ hwɛ mǐtɔn lɛ́ɛ kɛ mǐ.