Eblée 8:10 - MAWUXÓWÉMA

¹⁰ Azǎn énɛ́ lɛ́ɛ gúdo ɔ́, nǔ e sín akɔ un ná jɛ xá Izlayɛ́li ví lɛ́ɛ é ɖíe: Un ná bló bɔ sɛ́n ce lɛ́ɛ ná nɔ ta yětɔn mɛ; un ná wlán yě dó ayi yětɔn mɛ; un ná nyí Mawu yětɔn, bɔ yě ná nyí togun ce.

Eblée 8:10 Iomraidhean Croise

Tíntɔ́n 24:4

Mɔyízi wlán nǔ e Mawu Mavɔmavɔ ɖɔ n'i lɛ́ɛ bǐ. Ayǐhɔ́ngbe tɔn ɔ́, é fɔ́n zǎn, bó bló vɔ̌sákpe ɖokpó ɖó só ɔ́ kpá, bó fɔ awǐnnya wěwe tun te nyi fínɛ́. Awǐnnya lɛ́ɛ ɖokpó ɖokpó nyi Izlayɛ́li sín akɔta wěwe lɛ́ɛ ɖokpó ɖokpó tɔn.

Tíntɔ́n 24:7

Énɛ́ ɔ́ gúdo ɔ́, é zé akɔjijɛwéma ɔ́, bó zé gbe dó jǐ, lobo xa nú togun ɔ́, bɔ yě ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ, mi ná se tónú n'i.”

Tíntɔ́n 34:1

Mawu Mavɔmavɔ ɖɔ nú Mɔyízi ɖɔ: “Kpa awǐnnyatɛ we nú yě ní cí nukɔntɔn lɛ́ɛ ɖɔhun. Un ná wlán sɛ́n e ɖo nukɔntɔn e a hɛn gba lɛ́ɛ jí ɔ́ dó yě jí.

Tíntɔ́n 34:27

Mawu Mavɔmavɔ lɛ́ ɖɔ nú Mɔyízi ɖɔ: “Wlǎn xó énɛ́ lɛ́ɛ, ɖó xó énɛ́ lɛ́ɛ wɛ un ná xwedó bó ná jɛ akɔ xá hwi kpódó Izlayɛ́li togun ɔ́ kpó.”

Hanvíví 2:16

Wǎnyínámɔ ce ɔ́, ce wɛ é nyí, bɔ nyi lɔ ka nyí étɔn. Amagbo mɛ fí e folówa ɖagbe ɖagbe ɖe é wɛ é nɔ́ kplá gbɔ̌ tɔn lɛ́ɛ gbɔn.

Jelemíi 24:7

Un na ná ayixa yě, bɔ yě ná tunwun ɖɔ nyi wɛ nyí Mawu Mavɔmavɔ; yě ná lɛ́ kɔ wá gɔ̌n ce kpó ayi yětɔn bǐ kpó; énɛ́ ɔ́, yě ná nyí togun ce bɔ un ná nyí Mawu yětɔn.

Jelemíi 31:1

Mawu Mavɔmavɔ ɖɔ: “Hwenɛ́nu su ɔ́, un ná nyí Mawu nú Izlayɛ́li hɛ̌nnu lɛ́ɛ bǐ, bɔ yě ná nyí togun ce.”

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Jelemíi 32:38

Énɛ́ ɔ́, yě ná lɛ́ nyí togun ce, bɔ un ná nyí Mawu yětɔn.

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Ezekiyɛ́li 37:27

Un ná nɔ mi mɛ. Un ná nyí Mawu mitɔn, bɔ mi ná nyí togun ce.

Ezekiyɛ́li 39:22

Bɛ́ sín gbe énɛ́ ɔ́ gbe ɔ́, Izlayɛ́li ví lɛ́ɛ ná tunwun ɖɔ nyi wɛ nyí Mawu Mavɔmavɔ, Mawu yětɔn káká sɔ́yi.”

Ozée 2:23

Gbe énɛ́ ɔ́ gbe ɔ́, mi ná mɔ ɖɔ nyɛ Mawu Mavɔmavɔ nɔ́ yí ɖɛ. Un ná ná nǔ e ba wɛ jǐxwé ɖe lɛ́ɛ jǐxwé, bɔ jǐxwé ná ná nǔ e ba wɛ ayǐkúngban ɖe lɛ́ɛ ayǐkúngban .

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Zakalíi 8:8

Un ná kplá yě sín dɔ̌n wá, bɔ yě ná nɔ Jeluzalɛ́mu; yě ná nyí togun ce, bɔ nyɛ ná nyí Mawu yětɔn. Un ná xwedó nǔgbó kpódó hwɛjijɔ kpó dó ɖu axɔ́sú ɖo yě nu.”

Matíe 22:32

‘Nyɛ wɛ nyí Mawu Ablaxámu tɔn, Mawu Izáki tɔn, Mawu Jakɔ́bu tɔn.’ Mawu nyí Mawu mɛkúkú lɛ́ɛ tɔn ǎ; lo ɔ́, mɛ e ɖo gbɛ lɛ́ɛ sín Mawu wɛ é nyí.”

Hlɔ̌manu 11:27

Akɔ e un ná jɛ xá yě hwenu e un ná ɖe hwɛ yětɔn lɛ́ɛ sín kɔ nú yě ɔ́ nɛ́.”

1 Kɔlɛ́ntinu 6:16

Abǐ mi tunwun ɖɔ súnnu e ɖó kɔnɖókpɔ́ xá nyɔ̌nu agalɛtɔ́ ɔ́, é kpó nyɔ̌nu ɔ́ kpó húzú ɖokpó ɔ́ ǎ cé? Đó Mawuxówéma ɔ́ ɖɔ: “Yě mɛ we lɛ́ɛ ná húzú agbaza ɖokpó géé.”

2 Kɔlɛ́ntinu 3:3

Nǔgbó wɛ! É ɖo wɛn ɖɔ wěma ɖé wɛ mi nyí, bɔ Klísu wlán, bɔ mǐdɛɛ lɛ́ɛ nɔ sɔ́ jó. É nyí kwélesin wɛ è dǒ wlán wěma ɔ́ ná ǎ; lo ɔ́, Yɛ Mawu gbɛɖe ɔ́ tɔn wɛ è dǒ wlán ná; é nyí awǐnnyatɛ jí wɛ è wlǎn ɖó ǎ; lo ɔ́, gbɛtɔ́ lɛ́ɛ sín ayi mɛ wɛ è wlǎn dó .

Sɛ́nflínmɛ 30:6

Mawu Mavɔmavɔ, Mawu mitɔn ná bló bɔ mi ná jó miɖée bǐ n'i; é ná bló bɔ vǐ mitɔn lɛ́ɛ ná jó yěɖée bǐ n'i, bónú mi ná yí wǎn nú Mawu kpódó ayi mitɔn bǐ kpó, kpódó lǐndɔ̌n mitɔn bǐ kpó, bó ná sixú nɔ gbɛ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

Jaki 1:21

Énɛ́ ɔ́ wútu ɔ́, mi ní jó nǔ e ná hɛn mɛ kwíji é bǐ kpódó azɔ̌ nyanya bǐ kpán dó. Mi yí xó e Mawu sɔ́ dó ayi mitɔn mɛ ɔ́ kpó xomɛ fífá kpó; ɖó xó ɔ́ hɛn ɔ́, é ná hwlɛ́n mi gán.

1 Piyɛ́ɛ 1:23

Nǔgbó ɔ́, mi vɔ́ jɔ; é ka nyí nǔkún e nɔ kú ɔ́ jí wɛ mi vɔ́ jɔ gbɔn ǎ; lo ɔ́, nǔkún e ma nɔ kú ǎ ɔ́ jí wɛ mi vɔ́ jɔ gbɔn; xó gbɛɖe, xó mavɔ mavɔ Mawu tɔn ɔ́ wɛ zɔ́n bɔ mi vɔ́ jɔ.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.