Eblée 8:1 - MAWUXÓWÉMA

¹ Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

Eblée 8:1 Iomraidhean Croise

1 Tan 29:11

Mawu Mavɔmavɔ, towe wɛ nyí susu, hlɔ̌nhlɔ́n, acɔ́, axɔ́súɖuɖu kpó wěziza kpó, ɖó nǔ e ɖo jǐnukúnsin kpó ayǐkúngban jí kpó lɛ́ɛ bǐ wɛ nyí towe. Đó hwi wɛ nyí axɔ́sú e kpa acɛ dó atín kpó kan kpó nu é.

Jɔ̌bu 37:22

Wěziza siká ɖɔhun ɖé tɔ́n sín totaligbé, hǐnhɔ́n ɖaxó ɖé ɖi lɛ́ lɛ̌ dó Mawu.

Ɖɛhan 104:1

Lǐndɔ̌n ce ní kpa susu nú Mawu Mavɔmavɔ. Mawu Mavɔmavɔ, Mawu ce, a dǒ agba bɔ é vɛ́ jlɛ́; nǔsacɔ́ kpó nǔjíwǔ kpó wɛ nyí awu e a dǒ é.

Ɖɛhan 110:1

Davídi sín han. Mawu Mavɔmavɔ ɖɔ nú axɔ́sú sɛ́mɛɖó ce ɖɔ: “Jǐnjɔ́n aɖisí ce xwé fí káká jɛ hwenu e un ná sɔ́ kɛntɔ́ towe lɛ́ɛ dó húzú nǔ e jí a nǎ nɔ́ bɛ́ afɔ ɖó é.”

Ɖɛhan 145:12

Énɛ́ ɔ́, yě ná ɖɔ nǔ ɖaxó ɖaxó e a nɔ wa é nú gbɛtɔ́ lɛ́ɛ, bó ná ɖɔ lě e axɔ́súɖuɖu towe xɔ susu sɔ é nú yě.

Ɖɛhan 21:5

É byɔ́ gbɛ we bɔ a nǎ ɛ; bɔ é ná nɔ gbɛ káká yi káká sá.

Ezayíi 24:14

Mɛ ɖokpó ɖokpó e kpo ɖo gbɛ lɛ́ɛ ɖo susu kpa nú Mawu Mavɔmavɔ wɛ, bó ɖo xó sú wɛ kpó awǎjijɛ kpó sín gbadahwe jí.

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Efɛ́zinu 6:20

Un ɖo gankpá mɛ din cóbó ka sɔ́ Wɛn Ɖagbe énɛ́ sín afɔ ɖó te. Hǔn mi bo nɔ xo ɖɛ nú mì, bónú ma sixú jlá Wɛn Ɖagbe ɔ́ kpódó jiɖiɖe kpó lě e un ɖó ná bló gbɔn é.

Kolósinu 3:1

Mawu kó fɔ́n mi sín kú kpó Klísu kpó. Hǔn mi bo ba nǔ e ɖo sɛ́xwé lɛ́ɛ; fínɛ́ wɛ Klísu jínjɔ́n ɖisíxwé nú Mawu ɖe.

Eblée 1:13

Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Jǐnjɔ́n ɖisí ce xwé fí káká nú ma sɔ́ kɛntɔ́ towe lɛ́ɛ dó húzú afɔɖótɛn nú we” ǎ.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.