Eblée 7:6 - MAWUXÓWÉMA

⁶ Mɛlukisedɛ́ki nyí Levíi ví ǎ, có é ka yí mǎɖówǒ ɖo Ablaxámu sí; é lɛ́ dó acɛ mɛ e Mawu dó akpá lɛ́ɛ ná ɔ́ jí.

Eblée 7:6 Iomraidhean Croise

Bǐbɛ́mɛ 12:13

Ényí yě ɖɔ mɔ̌ hǔn, kɛnklɛ́n ɖɔ nú yě ɖɔ nɔví ce wɛ a nyǐ, bónú yě ná kpé nukún dó wǔ ce ganjí ɖó hwɛ wú; énɛ́ ɔ́, é ná sín hwɛ wú bɔ un ná gán.”

Bǐbɛ́mɛ 12:2

Un ná zé we dó bló akɔta ɖaxó ɖokpó ná, bó ná xo ɖɛ dó jǐ towe. Un ná bló bɔ nyǐkɔ towe ná yi jǐ, bɔ a nǎ nyí nyɔ̌ná nú mɛ ɖě lɛ́ɛ bǐ.

Mɛsɛ́dó 3:25

Mi lɔmɔ̌ ɔ́, Jwifu wɛ mi nyí, bɔ akɔ e Mawu jɛ xá tɔ́gbó mitɔn lɛ́ɛ gbɔn gbeyíɖɔ tɔn lɛ́ɛ jí ɔ́ nyí mitɔn, ɖó Mawu ko dó akpá tɔn nú tɔ́gbó mitɔn Ablaxámu ɖɔ jí: “Vǐ towe lɛ́ɛ jí wɛ un ná gbɔn, bó ná xo ɖɛ ɖagbe dó hɛ̌nnu e ɖo wɛ̌kɛ́ ɔ́ mɛ lɛ́ɛ bǐ jí.”

Hlɔ̌manu 4:13

Mawu dó akpá nú Ablaxámu kpódó vǐ tɔn lɛ́ɛ kpó ɖɔ gbɛ ɔ́ ná nyí yětɔn. Sɛ́n e é nɔ nyi ɔ́ wútu wɛ Mawu dó akpá énɛ́ ɔ́ ǎ; lo ɔ́ hwɛjijɔnɔ e é nyí ɖo Mawu nukún mɛ ɖó nǔ e é ɖi n'i ɔ́ wú wɛ Mawu dó akpá énɛ́ n'i.

Hlɔ̌manu 9:4

Yě wɛ nyí Izlayɛ́li ví lɛ́ɛ. Mawu sɔ́ yě dó ɖó vǐ; é ná kpɔ́nɔxámɛ tɔn susunɔ ɔ́ yě; é jɛ akɔ xá yě; é ná sɛ́n yě, é ɖɔ lě e è nǎ sɛn ɛ gbɔn ɔ́ nú yě; é dó akpá tɔn lɛ́ɛ nú yě.

Galatinu 3:16

Mawu dó akpá nú Ablaxámu kpódó vǐ tɔn kpán. Mawuxówéma ɔ́ ɖɔ é kpódó vǐ tɔn lɛ́ɛ kpán, bónú è nǎ vɛdó ɖɔ mɛ gěgé xó ɖɔ wɛ é ɖe sín ǎ. Mawuxó ɔ́ ɖɔ hwi kpódó vǐ towe kpán, bó dó ɖo ɖiɖe xlɛ́ wɛ ɖɔ mɛ ɖokpó xó ɖɔ wɛ é ɖe; mɛ énɛ́ ɔ́ wɛ nyí Klísu.

Eblée 11:13

Yě mɛ énɛ́ lɛ́ɛ bǐ ɔ́, nǔɖiɖi mɛ wɛ yě bǐ kú dó. Yě mɔ nǔ e sín akpá Mawu dó lɛ́ɛ yí ǎ; yě ka mɔ ɖɔ nǔ énɛ́ lɛ́ɛ ná jɛ bɔ xomɛ hun yě tlala. Yě tunwun ɖɔ jǒnɔ wɛ émí nyí ɖo ayǐkúngban jí fí, bó ɖo wiwa yi wɛ.

Eblée 11:17

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu dó e kpɔ́n ɔ́, é sɔ́ vǐ tɔn Izáki bó ná dó sá vɔ̌ nú Mawu. Ablaxámu wɛ nyí mɛ e Mawu dó akpá ɔ́ ná é; có é ka ɖo gbesisɔ mɛ bó ná sɔ́ vǐ ɖokpónɔ tɔn dó sá vɔ̌ nú Mawu.

Eblée 7:1

Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

Eblée 7:7

Mɛ bǐ tunwun din ɖɔ mɛ e dó acɛ mɛ jí ɔ́ hú gǎn mɛ e jí è dǒ acɛ é; é sɔ́ ɖó xokpɔ́n ǎ.