Eblée 7:5 - MAWUXÓWÉMA

⁵ Mɛ e jɔ ɖo Levíi kún mɛ, bó nyí vɔ̌sánú-xwlémawutɔ́ lɛ́ɛ ɔ́, ɖo sɛ́n ɔ́ mɛ ɔ́, yě ɖó ná nɔ yí mǎɖówǒ nǔ bǐ tɔn ɖo togun Izlayɛ́li tɔn sí. Nú è nǎ ɖɔ ɔ́, yě nɔ yí mǎɖówǒ ɖo nɔví yětɔn lɛ́ɛ sí, có Ablaxámu ví jɛ́n mɛ énɛ́ lɛ́ɛ lɔmɔ̌ nyí.

Eblée 7:5 Iomraidhean Croise

Bǐbɛ́mɛ 35:11

Mawu lɛ́ ɖɔ n'i ɖɔ: “Mawu Nǔbǐwúkpétɔ́ wɛ un nyí. Ji bó gba kún. Vǐ towe lɛ́ɛ ná sukpɔ́ káká bó ná nyí akɔta ɖokpó. Akɔta wɔ̌buwɔ́bú wɛ yě ná tlɛ nyí, lobɔ axɔ́sú ná tɔ́n ɖo vǐ towe lɛ́ɛ mɛ.

Bǐbɛ́mɛ 46:26

Mɛ e xwedó Jakɔ́bu wá Ejípu bó nyí vǐ tɔn kpó vǐvú tɔn kpó lɛ́ɛ ɔ́ bǐ bló gbɛtɔ́ kanɖé koatɔ́n-nukún-ɖokpó (66); è ka xa vǐ tɔn sín asi lɛ́ɛ d'é mɛ ǎ.

1 Axɔ́sú 8:19

Amɔ̌ hwi wɛ ná gbá xwé ɔ́ ǎ, lo ɔ́, vǐ towe jiji wɛ ná gbá nú mì.’

Nɛɛmíi 13:10

Un lɛ́ se ɖɔ nǔ e è ɖǒ ná ná Levíi ví lɛ́ɛ ɔ́, è kún sɔ́ nɔ ná yě ó, bɔ Levíi ví lɛ́ɛ kpó hanjitɔ́ e ɖo azɔ̌ wa wɛ lɛ́ɛ kpó bǐ hɔn yi ayǐkúngban yětɔn yětɔn jí.

Tíntɔ́n 1:5

Jakɔ́bu ví e wá Ejípu lɛ́ɛ bǐ bló kanɖé gban (70). Vǐ tɔn Jozɛ́fu ɔ́ ká kó ɖo Ejípu hwenɛ́nu nɛ́.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Sɛ́nflínmɛ 26:12

Xwe atɔn mɛ atɔn mɛ wɛ mi ná nɔ́ ná mǎɖówǒ. Hǔn xwe atɔn mɛ atɔn mɛ ɔ́, mi mɛ ɖokpó ɖokpó ná nɔ́ ɖe mǎɖówǒ ɖo nǔ e mi dó lɛ́ɛ bǐ jí, bó ná nɔ́ ná Levíi ví lɛ́ɛ, jǒnɔ e ɖo to mitɔn mɛ lɛ́ɛ, tɔ́cyɔvǐ lɛ́ɛ kpó asúkúsi lɛ́ɛ kpó, bɔ yě ná nɔ́ ɖu nǔ gɔ́ xo ɖo gɔ̌n mitɔn.

Eblée 5:4

Mɛ ɖěbǔ nɔ na susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; lo ɔ́, Mawu wɛ nɔ ylɔ́ mɛ lě e é ylɔ́ Aalɔ́ɔn gbɔn é.

Eblée 7:10

Nǔgbó ɔ́, è ko ji Levíi ǎ; amɔ̌, é ɖo tɔ́gbó tɔn Ablaxámu mɛ, hwenu e Mɛlukisedɛ́ki yi kpé Ablaxámu é.