Eblée 7:3 - MAWUXÓWÉMA

³ Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 7:3 Iomraidhean Croise

Tíntɔ́n 6:18

Kexáti ví lɛ́ɛ ɖíe: Amulámu, Yisexáa, Eblɔ́n kpó Wuziyɛ́li kpó. Xwe kantɔn wǎtɔn (133) wɛ Kexáti nɔ gbɛ xɔ.

Kɛ́nsísɔ́ 1:18

Énɛ́ ɔ́ gúdo ɔ́, yě ylɔ́ togun Izlayɛ́li tɔn ɔ́ bǐ kplé, ɖo sun wegɔ́ ɔ́ sín azǎn nukɔn tɔn ɔ́ gbe, bó sɔ́ mɛ e ko ɖó xwe ko lɛ́ɛ, kpódó mɛ ko ɖó hú mɔ̌ lɛ́ɛ kpó sín kɛ́n. Yě sɔ́ hɛ̌nnu nabí e ɖo akɔta ɖokpó ɖokpó mɛ ɔ́ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n,

Matíe 4:3

bɔ mɛtɛ́nkpɔ́ntɔ́ ɔ́ sɛ yá ɛ, bó ɖɔ n'i ɖɔ: “Nú Mawu ví jɛ́n wɛ a nyǐ nǔgbó hǔn, ɖe gbe nú awǐnnya élɔ́ lɛ́ɛ, nú yě ní húzú nǔɖuɖu.”

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 7:1

Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

Eblée 7:17

Nǔgbó ɔ́, Mawuxówéma ɔ́ ɖɔ: “A nǎ nyí vɔ̌sánú-xwlémawutɔ́ káká sɔ́yi Mɛlukisedɛ́ki ɖɔhun.”

Eblée 7:2

Ablaxámu ná nǔ e é hɛn sín ahwangbénu é bǐ sín mǎɖówǒ Mɛlukisedɛ́ki. Nyǐkɔ Mɛlukisedɛ́ki ɔ́, tínmɛ tɔn nukɔntɔn ɔ́ wɛ nyí “Axɔ́sú hwɛjijɔnɔ”. Gɔ́ nú énɛ́ ɔ́, é nyí axɔ́sú Salɛ́mu tɔn; tínmɛ tɔn wɛ nyí: “Axɔ́sú fífánɔ”.

Eblée 7:6

Mɛlukisedɛ́ki nyí Levíi ví ǎ, có é ka yí mǎɖówǒ ɖo Ablaxámu sí; é lɛ́ dó acɛ mɛ e Mawu dó akpá lɛ́ɛ ná ɔ́ jí.