Biblia Todo Logo
Bìoball air-loidhne

- Sanasan -




Eblée 7:26 - MAWUXÓWÉMA

26 Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Faic an caibideil Dèan lethbhreac




Eblée 7:26
39 Iomraidhean Croise  

Ahwankɛkɛ́ Mawu tɔn lɛ́ɛ sukpɔ́ lóóo! Afatɔ́n (1.000) afatɔ́n wɛ è nɔ xa. Aklúnɔ kpó ahwankɛkɛ́ tɔn lɛ́ɛ kpó wá, Sinayíi só ɔ́ ɖo tɛn mímɛ́ ɔ́ mɛ.


“Mɔ̌ ɖokpó ɔ́, a nǎ zé siká akú dó bló gan gbajagbaja ɖokpó ná, bó ná ɖe d'é ji ɖɔ: ‘Mɛɖeɖóvo Mawu Mavɔmavɔ tɔn’. A nǎ ɖe lě e awǐnnyazɔ́watɔ́ nɔ́ kun nǔ dó awǐnnya jí gbɔn é.


È ɖi i dó mɛdídá lɛ́ɛ tɛ́ntin, yɔdo tɔn ɖo dɔkunnɔ lɛ́ɛ tɛ́ntin, có é xo dǎka ɖě ǎ, è ká se adingbanxó ɖo nu tɔn kpɔ́n ǎ.


Gbe e gbe é ná yi kɔ́xota e ɖo xwé ɔ́ ta ɔ́, é ná sá hwɛsɔ́kɛmɛvɔ́ tɔn. Xó e nyɛ Aklúnɔ Mavɔmavɔ ɖɔ ɔ́ nɛ́.


Azǎn atɔ́ɔ́ngɔ́ ɔ́ gbe ɔ́, mi ná ná nyibúsú tɛ́nnɛ, agbo we, lɛ̌ngbɔ́ví e ɖó xwe ɖokpó ɔ́ wǒ-ɛnɛ nyɛ Mawu Mavɔmavɔ. Blɔ̌ ɖěbǔ ká ná ɖo kanlin énɛ́ lɛ́ɛ wú ǎ.


Ɖó é tunwun ganjí ɖɔ mɛnúvɛ́mɛwú wɛ zɔ́n bɔ yě wlí Jezu Klísu ɔ́ wá nú émí.


Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.


Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.


Pilátu ka lɛ́ ɖɔ nú yě azɔn atɔngɔ́ ɔ́ ɖɔ: “Nǔ nyanya tɛ́ é ká wa? Nyɛ mɔ hwɛ ɖě n'i ǎ. Hǔn, un ná xo e, bó ná jó e dó.”


Mǐdɛɛ lɛ́ɛ ɔ́, nǔ e mǐ wa ɔ́ sín axɔ́ sú wɛ mǐ ɖe, bɔ é sɔgbe; éyɛ́ má ká wa nǔ nyanya ɖěbǔ nɛ́!”


Ée sɔ́ja kanwekogán ɔ́ mɔ nǔ énɛ́ lɛ́ɛ e jɛ lɛ́ɛ ɔ́, é jɛ susu kpa nú Mawu jí ɖɔ: “Dandan mɛ ɔ́, nya élɔ́ ɔ́, xomɛvɔ́nɔ wɛ é nyí nǔgbó.”


Klísu ɔ́ má kó ɖó ná ji ya énɛ́ lɛ́ɛ hwɛ̌, cóbó ná dó sixú byɔ́ susu tɔn mɛ ǎ cé?”


É ɖɔ nú yě ɖɔ: “È ko wlán ɖ'ayǐ ɖɔ: Klísu ɔ́ ɖó ná ji ya, káká bó kú, bɔ Mawu ka na lɛ́ fɔ́n ɛ sín kú azǎn tɔn atɔngɔ́ ɔ́ gbe,


Un sɔ́ ɖo xó gěgé ɖé ná ɖɔ xá mi wɛ ǎ, ɖó axɔ́sú gbɛ élɔ́ tɔn ko jǎwe; é ɖó acɛ ɖěbǔ ɖo jǐ ce ǎ.


Mɛ e sɛ́ mì dó ɔ́ ka ɖo kpɔ́ xá mì; é jó mì dó ǎ, ɖó nǔ e nyɔ́ nukún tɔn mɛ ɔ́ wɛ un nɔ bló tɛgbɛ.”


Midɛɛ lɛ́ɛ ɔ́, mi gbɛ́ mɛ e nyí mɛ mímɛ́, bó nyí hwɛjijɔnɔ ɔ́, bó ka byɔ́ ɖɔ è nǐ ɖe mɛ e nyí mɛhutɔ́ ɔ́ nyi te.


Nǔgbó ɔ́, gbe wɛ Elódu kpódó Pɔ́nsu Pilátu kpó ɖó kpɔ́ ɖo tomɛ fí xá mɛ e ma nyí Jwifu ǎ lɛ́ɛ, kpódó Izlayɛ́li ví lɛ́ɛ kpán, bó fɔ́n gǔ dó mɛsɛntɔ́ towe mímɛ́ Jezu, e a sɔ́ Klísu ɔ́ jí.


Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.


É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.


Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.


Nǔgbó ɔ́, é jɛ xá hwenɛ́nu ɖɔ Mawu e bló nǔ bǐ, bó hɛn nǔ bǐ ɖó tɛn yětɔn yětɔn mɛ ɔ́, ní bló nú Jezu ní mɛ́ yí fó, gbɔn wǔvɛ́mimɔ gbla mɛ. Mawu blǒ mɔ̌, bó ná dɔn vǐ gěgé wá susu tɔn mɛ gbɔn Jezu jí. Đó Jezu wɛ nyí gǎn e nɔ xlɛ́ hwlɛngánli ɔ́ yě ɔ́.


Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.


Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.


Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.


Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.


Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.


Éeǒ! Hun xɔ akwɛ́ ɖaxó Klísu tɔn ɔ́ wɛ è dǒ xɔ mi ná; Klísu e cí lɛ̌ngbɔ́ví e ma ɖó blɔ̌ ǎ, bɔ nǔɖé ma ka va dó wútu tɔn ǎ ɔ́ ɖɔhun é wɛ.


É hu hwɛ ǎ, è ka se adingbanxó ɖé ɖo nu tɔn mɛ kpɔ́n gbeɖé ǎ.


Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.


É wɛ sɔ́ éɖée dó sá vɔ̌ ná, bónú Mawu ná sɔ́ hwɛ mǐtɔn lɛ́ɛ kɛ mǐ. É ká nyí hwɛ mǐdɛɛ lɛ́ɛ tɔn kɛ́ɖɛ́ wɛ Mawu ná sɔ́ kɛ mǐ ǎ; é ná lɛ́ sɔ́ gbɛtɔ́ bǐ sín hwɛ kɛ yě.


Mi ka tunwun ɖɔ Klísu wá, bó ná ɖe hwɛ lɛ́ɛ síin; hwɛ ɖě ka ɖo ayi tɔn mɛ ǎ.


“Wlǎn wěma sɛ́ dó agun Klísu tɔn e ɖo Filadɛlufíi ɔ́ sín wɛnsagun, bó ɖɔ n'i ɖɔ: “Mɛ e nyí mɛ mímɛ́, bó nyí mɛ titewungbe ɔ́, mɛ e sí axɔ́sú Davídi sín cávi ɔ́ ɖe ɔ́, mɛ e nɔ hun hɔn bɔ mɛ ɖěbǔ ma nɔ sixú sú ǎ é, mɛ e nɔ sú hɔn bɔ mɛ ɖěbǔ ma nɔ sixú hun ǎ é ɔ́, xó e é ɖɔ ɔ́ ɖíe:


Lean sinn:

Sanasan


Sanasan