Eblée 7:25 - MAWUXÓWÉMA

²⁵ Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 7:25 Iomraidhean Croise

Jɔ̌bu 22:17

Yě nɔ́ ɖɔ xó dó Mawu wú ɖɔ é ní gbɔ nú émí; Nǔbǐwúkpétɔ́ wɛ é nyí nǔgbó, amɔ̌, étɛ́ wɛ é sixú wa nú émí a jí.

Jɔ̌bu 23:3

Áo có! Ényí un tunwun fí e un ná mɔ Mawu ɖe ɔ́ wɛ ɔ́, é ná nyɔ́; ényí un sixú hun káká yi nɔtɛn tɔn wɛ ɔ́, é ná nyɔ́.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Ezayíi 45:24

‘Mawu Mavɔmavɔ kɛ́ɖɛ́ gɔ́n wɛ è nɔ mɔ nǔ wa ɖó sɛ́nxwi jí ɖe, é gɔ́n wɛ è nɔ mɔ hlɔ̌nhlɔ́n ɖe.’ Mɛ e tɔ́n ahwan mì lɛ́ɛ bǐ wɛ ná wá gɔ̌n ce, bɔ winnyá ná hú yě.

Ezayíi 53:12

Énɛ́ wɛ zɔ́n bɔ un sɔ́ ɛ ɖó mɛ klogǎnklogǎn lɛ́ɛ há jí, é kpó mɛ e syɛ́n lɛ́ɛ kpó wɛ ná má nǔ e è hɛn sín ahwangbénu wá lɛ́ɛ, ɖó é sɔ́ éɖée hwe káká bó kú; é sɔ́ éɖée ɖó nǔ nyanyawatɔ́ lɛ́ɛ mɛ. É ɖíɖá hwɛgban mɛ gěgé tɔn, é sa vo dó hwɛhutɔ́ lɛ́ɛ tamɛ.”

Ezayíi 59:16

É mɔ ɖɔ mɛɖé kún mɔ nǔ énɛ́ lɛ́ɛ sín do jijɛ ó; ée mɛɖé má ɖo nu kɛ dó nǔ énɛ́ lɛ́ɛ wú wɛ ǎ ɔ́, é nyí nǔɖé bó kpácá ɛ. Énɛ́ ɔ́, é ɖésú sí te d'é wú, bɔ hwɛjijɔ tɔn ka ná ɛ hlɔ̌nhlɔ́n.

Ezayíi 63:1

Mɛ̌ ká nyí mɛ énɛ́ e jǎwe sín Edɔ́mu é? Mɛ énɛ́ e jǎwe sín Bosla toxo ɔ́ mɛ bɔ nǔ vɔvɔ kɔn nyi awu tɔn mɛ mɔ̌ é? É ɖo zɔnlin jí ɖo awu gaga ɖagbe ɖagbe ɖé mɛ bó nɔ́ gó, ɖó é ɖeji dó hlɔ̌nhlɔ́n tɔn wú. Mawu yí gbe ɖɔ: “Nyɛ wɛ; nyɛ wɛ nɔ ɖɔ hwɛ jlɔ́jlɔ́, bó ɖó acɛ bó ná hwlɛ́n mi gán.”

Jelemíi 3:22

Vǐ gbejímánɔtɔ́ e mi, mi lɛ́ kɔ wá! Gbejímánɔ sín azɔn e jɛ wɛ mi ɖe ɔ́, un ná gbɔ nú mi!” Togun ɔ́ ɖɔ: “Mǐ ɖíe! Mǐ ja gɔ̌n towe ɖó hwi wɛ nyí Mawu Mavɔmavɔ, Mawu mǐtɔn.

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:29

Énɛ́ ɔ́ wú wɛ un ɖo gbeta élɔ́ ɖe tɔ́n wɛ: ‘Ényí mɛ ɖěbǔ tíin, mɛ ɔ́ sixú nyí togun ɖěbǔ mɛ nu, é sixú tɔ́n sín akɔta ɖěbǔ mɛ, é sixú nɔ dó gbe alɔkpa alɔkpa ɖěbǔ, bó ɖɔ xó nyanya ɖé dó Mawu Cadlaki kpó Mɛcáki kpó Abɛ́di-Nɛgó kpó tɔn wú gbeɖé ɔ́, è nǎ já mɛ énɛ́ ɔ́, bó ná gúdú xwé tɔn, bɔ é ná húzú zunkɔ́ta. Ɖó vodún ɖěbǔ ɖe bó ná sixú hwlɛ́n mɛ gán Mawu yětɔn ɖɔhun ǎ.’ ”

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Daniyɛ́li 9:16

Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Jǎan 14:13

Bɔ nǔ e mi na byɔ́ gbɔn nyǐkɔ ce mɛ ɔ́, un ná ná bǐ mi, bónú Tɔ́ ɔ́ ná sixú xɔ susu gbɔn Vǐ ɔ́ jí.

Jǎan 14:16

Nyɛ ka ná sa vo nú Tɔ́ ɔ́, bɔ é ná sɛ́ gbɔdónúmɛtɔ́ ɖěvo dó mi, bɔ é ná nɔ kpɔ́ xá mi tɛgbɛ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Hlɔ̌manu 5:10

Kɛntɔ́ Mawu tɔn wɛ mǐ kó nyí ɖ'ayǐ; lo ɔ́, Mawu dó hwɛ gbɔ xá mǐ gbɔn kú e Vǐ tɔn kú ɔ́ gbla mɛ. Din e Mawu dó hwɛ gbɔ xá mǐ ɔ́, é ɖo gannaganna ɖɔ é ná hwlɛ́n mǐ gán gbɔn vǐ tɔn sín gbɛ gbla mɛ.

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Hlɔ̌manu 8:34

Mɛ̌ ka ná ɖó hwɛ nú yě lo? Mɛ ɖé ɖe ǎ, ɖó Klísu Jezu wɛ nyí mɛ e kú é; nǔ e hú gǎn mɔ̌ ɔ́ wɛ nyí é fɔ́n sín kú, bó ɖo tɛn ɖaxó mɛ ɖo ɖisíxwé nú Mawu, bó ɖo vo sa nú Mawu wɛ dó ta mǐtɔn mɛ.

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

Efɛ́zinu 2:18

Đó Klísu jí wɛ mǐ bǐ ná gbɔn, Jwifu kpódó mɛ e ma nyí Jwifu ǎ é kpó, bó ná sixú yi Mawu Tɔ́ ɔ́ gɔ́n, kpódó Yɛsinsɛn ɖokpó énɛ́ sín alɔdó kpó.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

Efɛ́zinu 3:20

Mawu ɖó hlɔ̌nhlɔ́n, bó hɛn ɔ́, é ná wa nǔ nú mǐ hú nǔ e mǐ byɔ́ ɛ ɔ́, abǐ ée lin wɛ mǐ tlɛ ɖe ɔ́ gbɔn hlɔ̌nhlɔ́n e ɖo azɔ̌ wa wɛ ɖo mǐ mɛ ɔ́ jí.

Filípunu 3:21

Ényí é ko wá ɔ́, é ná zán hlɔ̌nhlɔ́n tɔn e é nɔ dó sɔ́ nǔ lɛ́ɛ bǐ dó acɛ tɔn mɛ ná ɔ́, dó húzú agbaza mǐtɔn ayǐkúngban jí fí tɔn maɖógǎnɖé ɔ́ ná, bɔ agbaza mǐtɔn ná xɔ susu étɔn ɔ́ ɖɔhun.

1 Timɔtée 2:5

Đó Mawu ɖokpó géé wɛ tíin; ɖɛ̌mɛnu ɖokpó géé wɛ tíin ɖo Mawu kpódó gbɛtɔ́ lɛ́ɛ kpán tɛ́ntin. Đɛ̌mɛnu ɔ́ wɛ nyí Klísu Jezu e nyí gbɛtɔ́ é.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 13:15

Mi nú mǐ ná kpa susu nú Mawu dó sá vɔ̌ n'i hwebǐnu gbɔn Jezu jí; é wɛ nyí ɖɔ mǐ ní nɔ sɔ́ nu mǐtɔn dó kpa susu nú nyǐkɔ tɔn ɖo togun mɛ agbawungba.

Eblée 2:18

Bɔ din ɔ́, é hɛn ɔ́, é ná dó alɔ mɛ e è tɛ́nkpɔ́n lɛ́ɛ, ɖó è ko tɛ́n é ɖésúnɔ kpɔ́n, bɔ é ko ji ya.

Eblée 2:9

Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

Eblée 5:7

Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Eblée 7:16

Sɛ́n gbɛtɔ́ tɔn lɛ́ɛ ɖě wɛ è xwedó bó sɔ́ ɛ vɔ̌sánú-xwlémawutɔ́ ǎ; hlɔ̌nhlɔ́n gbɛ maɖókpodó tɔn gbla mɛ wɛ é húzú vɔ̌sánú-xwlémawutɔ́ gbɔn.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 7:24

Lo ɔ́, Jezu ɔ́ ɖo gbɛ tɛgbɛ, bɔ vɔ̌sánú-xwlémawutɔ́ sín azɔ̌ tɔn ɔ́, é ná ɖo wiwa wɛ káká sɔ́yi.

Eblée 7:8

Levíi ví e nɔ yí mǎɖówǒ lɛ́ɛ ɔ́, gbɛtɔ́ wɛ yě nyí, bó nɔ kú; lo ɔ́, Mɛlukisedɛ́ki e yí mǎɖówǒ ɔ́, mɛ e Mawuxówéma ɔ́ ɖe kúnnu ná ɖɔ é ɖo gbɛ ɔ́ wɛ.

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

Judi 1:24

Mawu ɖokpó géé e nyí Mɛhwlɛ́ngántɔ́ mǐtɔn gbɔn Aklúnɔ mǐtɔn Jezu Klísu jí ɔ́, é mɛ e kpé wú bó ná cyɔ́n alɔ mi jí, bɔ mi ma ná jɛ ayǐ ǎ ɔ́, é mɛ e kpé wú bó ná ɖe mi xlɛ́ blɔ̌máɖowǔ, bɔ awǎjijɛ ná kpé mi ɖo kpɔ́nɔxámɛ tɔn sín susu mɛ ɔ́, susu, yɛ̌yi, hlɔ̌nhlɔ́n kpódó acɛkpikpa kpó nyí étɔn sín do, bó nyí din, bó lɛ́ nyí káká sɔ́yi. Amǐ.