Eblée 7:22 - MAWUXÓWÉMA

²² Énɛ́ ɔ́ wú ɔ́, Jezu lɔ nyí akɔjijɛ e nyɔ́ hú akɔjijɛ nukɔntɔn ɔ́ sín gǎnjɛwú nú mǐ.

Eblée 7:22 Iomraidhean Croise

Bǐbɛ́mɛ 43:9

É ɖo alɔ ce mɛ; nyɛ wɛ a nǎ kan ɛ byɔ́. Ényí un ma kplá ɛ wá nú we ǎ hǔn, hwɛ tɔn ní nɔ kɔ ce káká sɔ́yi.

Bǐbɛ́mɛ 44:32

Nyɛ mɛsɛntɔ́ towe ɔ́ wɛ ká lɛ zin alɔ dó akɔ́n bó ɖɔ nú tɔ́ ce ɖɔ: ‘Ényí un ma kplá vǐ towe wá nú we ǎ hǔn, hwɛ tɔn ní nɔ kɔ ce káká sɔ́yi.’

Ɖɛhan 119:122

Zin alɔ dó akɔ́n nú mì ɖɔ nǔ ce ná nyɔ́; ma jó mì dó nú goyítɔ́ táfú mì ó.

Nǔnywɛ́xó 20:16

Ényí mɛ ɖé ná nɔ te nú mɛ e a ma tunwun ǎ bɔ mɛ ɔ́ ná nya akwɛ́ ɖo gɔ̌n towe hǔn, yǐ awu tɔn ɖó gbanu, ɖó é nɔ te nú mɛ e a ma tunwun ǎ é bɔ é ɖu axɔ́.

Nǔnywɛ́xó 6:1

Vǐ ce, mɛ ɖé ja axɔ́ ɖu gbé bɔ a nɔ te n'i, bó zin alɔ dó akɔ́n ɖɔ émí ná sú a?

Ezayíi 38:14

Un ɖo xó ɖɔ wɛ ɖo kɔ gúdo azɔnxɛ ɖo finfan wɛ ɖɔhun; un ɖo azɔn wɛn wɛ xwelé ɖo finfan wɛ ɖɔhun. Un kpɔ́n jǐxwé káká bɔ nukún ce bo. Aklúnɔ, adǎn élɔ́ e ɖo gbigbo mì wɛ ɔ́, blǒ gbɔn ɖě nú mì.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Matíe 26:28

Ɖó élɔ́ ɔ́, hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ. É wɛ kɔn nyi ayǐ, dó gbɛtɔ́ gěgé tamɛ, nú hwɛ sɔ́ kɛ mɛ.

Maki 14:24

Bɔ é ɖɔ nú yě ɖɔ: “Élɔ́ ɔ́ hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ; é wɛ kɔn nyi ayǐ dó mɛ gěgé tamɛ.

Luki 22:20

Ée yě ɖu nǔ gúdo ɔ́, é sɔ́ vɛ̌ɛn kɔ́fu ɔ́ lɔmɔ̌ nú yě, bó ɖɔ: “Vɛ̌ɛn élɔ́ ɔ́, hun ce wɛ; hun ce e Mawu dó sɔ́ akɔjijɛ yɔ̌yɔ́ ɔ́ sín afɔ ɖó te ná ɔ́ wɛ; é wɛ kɔn nyi ayǐ dó ta mitɔn mɛ.]

1 Kɔlɛ́ntinu 11:25

Mɔ̌ ɖokpó ɔ́, ée yě ɖu nǔ fó ɔ́, é zé kɔ́fu e mɛ vɛ̌ɛn ɖe ɔ́, bó ɖɔ: “Élɔ́ ɔ́, akɔjijɛ yɔ̌yɔ́ Mawu tɔn e sín afɔ hun ce sɔ́ ɖó te ɔ́ wɛ. Ényí mi ɖo nunu wɛ hweɖěbǔnu hǔn, mi nɔ nu dó flín mì ná.”

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 13:20

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́,

Eblée 7:23

Vogbingbɔn ɖěvo lɛ́ tíin: vɔ̌sánú-xwlémawutɔ́ e jɔ ɖo Levíi kún mɛ lɛ́ɛ ɔ́, yě sukpɔ́; amɔ̌ yě nɔ ɖo kúkú wɛ, bɔ azɔ̌ yětɔn sɔ́ nɔ sixú yi nukɔn ǎ.

Eblée 8:13

Ée Mawu ɖɔ akɔjijɛ yɔ̌yɔ́ ɔ́ xó ɔ́, é bló bɔ akɔ nukɔntɔn ɔ́ húzú nǔ xóxó; nǔ e ka húzú nǔ xóxó, bó lɛ́ fɔ́n bó ɖo xó dó d'é jí wɛ ɔ́ kó ɖo nǎ bú wɛ.