Eblée 7:19 - MAWUXÓWÉMA

¹⁹ Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 7:19 Iomraidhean Croise

Ɖɛhan 73:28

Nyɛ ɔ́, Mawu kpá ninɔ wɛ nyí ɖagbe nú nyɛ. Aklúnɔ Mawu Mavɔmavɔ, hwi wɛ un dó ɖó bibɛtɛn, bó ná mɔ tɛn dó ɖɔ nǔ e a wa lɛ́ɛ bǐ.

Gbɛvíhan 3:57

Gbe e gbe un sú xó ylɔ́ we ɔ́, a sɛkpɔ́ mì bó ɖɔ nú mì ɖɔ: “Ma ɖi xɛsi ó!”

Jǎan 1:17

Đó Mɔyízi jí wɛ Mawu gbɔn, bó ná sɛ́n lɛ́ɛ mǐ, bó gbɔn Jezu Klísu jí, bó ná fɛ́nú kpódó nǔgbó kpán mǐ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Mɛsɛ́dó 13:39

Đó mɛ ɖěbǔ ɖi nǔ ɔ́, mɛ ɔ́ nɔ́ gosín hwɛ lɛ́ɛ bǐ sín acɛ mɛ gbɔn jǐ tɔn; hwɛ sín acɛ mɛ e Mɔyízi sɛ́n ɔ́ ma sixú ɖe mi sín ǎ é;

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Hlɔ̌manu 7:7

Étɛ́ mǐ ka ná ɖɔ lo? Sɛ́n ɔ́ hwɛhuhu wɛ é nyí a? Gbeɖé kpɔ́n! Sɛ́n ɔ́ wɛ zɔ́n bɔ un tunwun nǔ e nyí hwɛhuhu é; ɖó sɛ́n ɔ́ ma ɖɔ: “Nukún towe ní má nɔ nɔzo towe sín nǔɖé wú ó” ǎ ɔ́, un ná tunwun nǔ e nyí mɛɖévonú jlójló é ǎ.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Galatinu 2:16

có mǐ ka tunwun ɖɔ é kún nyí Mɔyízisɛ́n lɛ́ɛ nyinyi wɛ nɔ zɔ́n, bɔ Mawu nɔ mɔ mɛ dó mɔ hwɛjijɔnɔ ná ó. Lo ɔ́, nǔ ɖi nú Klísu Jezu wɛ nɔ zɔ́n bɔ Mawu nɔ mɔ mɛ dó mɔ hwɛjijɔnɔ ná. Énɛ́ ɔ́ wú wɛ mǐ lɔmɔ̌ ɖi nǔ nú Klísu Jezu, bó ná sixú húzú hwɛjijɔnɔ ɖó nǔɖiɖi e mǐ ɖó nú Klísu ɔ́ wútu. É nyí ɖɔ mǐ nyi sɛ́n lɛ́ɛ wútu wɛ mǐ húzú hwɛjijɔnɔ ǎ; ɖó Mawu ná mɔ mɛ ɖěbǔ dó mɔ hwɛjijɔnɔ ɖó é nɔ nyi sɛ́n lɛ́ɛ wú ǎ.

Galatinu 3:21

Sɛ́n ɔ́ gbɛ́ akpá e Mawu dó lɛ́ɛ ɖɔ wɛ è ɖe a? Gbeɖé kpɔ́n. Ényí è dǒ sɛ́n ɖé, bɔ sɛ́n énɛ́ hɛn ɔ́, é ná ná gbɛ jɔ gbɛ gbɛtɔ́ lɛ́ɛ ɔ́, hǔn mɛ bǐ wɛ sixú nyí hwɛjijɔnɔ ɖo Mawu nukɔn, gbɔn sɛ́n ɔ́ gbla mɛ.

Galatinu 3:24

Énɛ́ ɔ́, sɛ́n ɔ́ ɖo mǐ kplɔ́n wɛ káká jɛ hwenu e Klísu wá dó é, bónú Mawu ná zé mǐ dó húzú hwɛjijɔnɔ gbɔn nǔɖiɖi gbla mɛ.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

1 Timɔtée 1:1

Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 11:40

Nǔgbó ɔ́, ée Mawu ko sɔ́ nǔɖé ɖ'ayǐ nú mǐ bɔ é nyɔ́ hú mɔ̌ ɔ́, é jló ɖɔ mɛ énɛ́ lɛ́ɛ ní húzú mɛ mímɛ́ bɔ nǔ bǐ ná vɔ ɖ'é wú mǐdɛɛ lɛ́ɛ mɛ vo ǎ.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 7:20

Ée lɛ́ hú gǎn mɔ̌ ɔ́ wɛ nyí ɖɔ Mawu xwlé nǔ d'é jí. É ka xwlé nǔɖé dó Levíi lɛ́ɛ jí hwenu e yě húzú vɔ̌sánú-xwlémawutɔ́ é ǎ.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 8:6

Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.

Eblée 9:9

Nǔ énɛ́ ɔ́, xlɛ́ ɖé wɛ é nyí, bó ɖo xó ɖɔ dó hwenu e mǐ ɖe din ɔ́ wú wɛ. Nǔ énɛ́ ɔ́ ɖo tíntín mɛ wɛ ɖɔ nǔ e è nɔ ná Mawu lɛ́ɛ kpó vɔ̌ e è nɔ sɔ́ kanlin dó sá n'i ɔ́ kpó kún sixú bló bónú mɛ e ɖo Mawu sɛn gbɔn mɔ̌ wɛ ɔ́ sín ayi ní mɛ́, bónú nǔ vɔ ɖ'é wú ó.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!