Eblée 7:18 - MAWUXÓWÉMA

¹⁸ Ée nǔ nyí mɔ̌ ɔ́, é gbídí sɛ́n xóxó ɔ́, ɖó sɛ́n énɛ́ ɖó gǎn ɖé ǎ, é ka nyí nǔɖé wa nú ǎ.

Eblée 7:18 Iomraidhean Croise

Mɛsɛ́dó 13:39

Đó mɛ ɖěbǔ ɖi nǔ ɔ́, mɛ ɔ́ nɔ́ gosín hwɛ lɛ́ɛ bǐ sín acɛ mɛ gbɔn jǐ tɔn; hwɛ sín acɛ mɛ e Mɔyízi sɛ́n ɔ́ ma sixú ɖe mi sín ǎ é;

Hlɔ̌manu 3:31

Ée mǐ ɖɔ Mawu nɔ sɔ́ mɛ e ɖi nǔ nú Klísu lɛ́ɛ dó húzú hwɛjijɔnɔ na ɔ́ wɛ zɔ́n bɔ è nǎ ɖɔ sɛ́n lɛ́ɛ nyí nǔ yǎyá a? Gbeɖé kpɔ́n! É nyɔ́ wa ɔ́, nǔ e sɛ́n lɛ́ɛ nyí tawun ɔ́ ɖe xlɛ́ wɛ mǐ ɖe.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Galatinu 3:15

Nɔví lɛ́ɛ mi, un ná sɔ́ nǔ e nɔ jɛ tɛgbɛ ɔ́ ɖokpó dó kplɔ́n nǔ mi ná. Ényí mɛɖé ɖɔ lě e è nǎ zán nǔ tɔn lɛ́ɛ gbɔn ɖo kú tɔn gúdo ɔ́ ganjí ɔ́, mɛɖé sɔ́ sixú gbídí ǎ; mɛɖé ka sixú gɔ́ nǔɖé ná ǎ.

Galatinu 3:17

Nǔ e ɖɔ wɛ un ɖe ɔ́ ɖíe: Mawu ko sɔ́ akɔjijɛwéma ɖé ɖ'ayǐ, bó dó akpá ɖɔ émí ná bló ɖ'é jí. Sɛ́n e wá tɔ́n xwe afɔwe gban (430) gúdo ɔ́, sixú gbídí nǔ e ɖo akɔjijɛwéma énɛ́ mɛ lɛ́ɛ, bɔ akpá e Mawu dó ɔ́ ná nyí nǔ yǎyá ǎ.

Galatinu 3:21

Sɛ́n ɔ́ gbɛ́ akpá e Mawu dó lɛ́ɛ ɖɔ wɛ è ɖe a? Gbeɖé kpɔ́n. Ényí è dǒ sɛ́n ɖé, bɔ sɛ́n énɛ́ hɛn ɔ́, é ná ná gbɛ jɔ gbɛ gbɛtɔ́ lɛ́ɛ ɔ́, hǔn mɛ bǐ wɛ sixú nyí hwɛjijɔnɔ ɖo Mawu nukɔn, gbɔn sɛ́n ɔ́ gbla mɛ.

Galatinu 4:21

Nǔ e un jló ná kanbyɔ́ mi ɔ́, mi mɛ e jló ná nɔ sɛ́n ɔ́ sín acɛ mɛ lɛ́ɛ ɔ́, mi se nǔ e sɛ́n ɔ́ ɖɔ ɔ́ ǎ cé?

Galatinu 4:9

Amɔ̌ din e mi tunwun Mawu ɔ́, un ka ná ɖɔ din e mi tunwun Mawu ɔ́ lɔ ǎ; din e Mawu tunwun mi ɔ́, nɛ̌ mi ka sixú lɛ́ lɛ́ kɔ yi nǔmaɖinǔ énɛ́ lɛ́ɛ e má ɖó gǎn ǎ lɛ́ɛ kɔn gbɔn? Étɛ́wú mi ka jló ná lɛ́ húzú kannumɔ nǔ énɛ́ lɛ́ɛ tɔn?

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.