Eblée 7:16 - MAWUXÓWÉMA

¹⁶ Sɛ́n gbɛtɔ́ tɔn lɛ́ɛ ɖě wɛ è xwedó bó sɔ́ ɛ vɔ̌sánú-xwlémawutɔ́ ǎ; hlɔ̌nhlɔ́n gbɛ maɖókpodó tɔn gbla mɛ wɛ é húzú vɔ̌sánú-xwlémawutɔ́ gbɔn.

Eblée 7:16 Iomraidhean Croise

Hlɔ̌manu 7:14

Nǔgbó ɔ́, mǐ tunwun ɖɔ sɛ́n ɔ́, Mawu gɔ́n wɛ é gosín; nyɛ ɔ́, un ka ɖó hwɛhuhu sín ninɔmɛ, bɔ è sa mì nú hwɛhuhu.

Galatinu 4:3

Mɔ̌ ɖokpó ɔ́, mǐ lɔmɔ̌ ɔ́, nǔɖoyɛswímɛ gbɛmɛ fí tɔn lɛ́ɛ sín kannumɔ wɛ mǐ ko nyí ɖ'ayǐ, cóbó wá su ɖo Mawu mɛ.

Galatinu 4:9

Amɔ̌ din e mi tunwun Mawu ɔ́, un ka ná ɖɔ din e mi tunwun Mawu ɔ́ lɔ ǎ; din e Mawu tunwun mi ɔ́, nɛ̌ mi ka sixú lɛ́ lɛ́ kɔ yi nǔmaɖinǔ énɛ́ lɛ́ɛ e má ɖó gǎn ǎ lɛ́ɛ kɔn gbɔn? Étɛ́wú mi ka jló ná lɛ́ húzú kannumɔ nǔ énɛ́ lɛ́ɛ tɔn?

Kolósinu 2:14

Wěma e jí è wlǎn hwɛ mǐtɔn lɛ́ɛ dó, bɔ è ɖo hwɛ dó mǐ wɛ, bɔ tito tɔn lɛ́ɛ ma sɔgbe xá mǐ ǎ ɔ́, Mawu ká wěma ɔ́ nyi aklúzu jí, bó súnsún hwɛ mǐtɔn e ɖ'é jí lɛ́ɛ bǐ.

Kolósinu 2:20

Mi kpó Klísu kpó kó kú, bɔ è ko hwlɛ́n mi sín yɛ e kpa acɛ ɖo gbɛ ɔ́ mɛ lɛ́ɛ sín hlɔ̌nhlɔ́n sí. Ée nǔ nyí mɔ̌ ɔ́, aniwú mi ka lɛ́ ɖo gbɛ zán wɛ gbɛ ɔ́ tɔn wɛ mi lɛ́ nyí ɖɔhun? Aniwútu mi ka yí gbe, bɔ è nɔ lɛ́ ɖo sɛ́n dó nú mi wɛ ɖɔ:

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 7:15

Nǔ e jɛ bó lɛ́ ɖe nǔ énɛ́ lɛ́ɛ xlɛ́ céɖécéɖé d'é jí ɔ́ ɖíe: vɔ̌sánú-xwlémawutɔ́ Mɛlukisedɛ́ki ɖɔhun ɖěvo wá.

Eblée 7:17

Nǔgbó ɔ́, Mawuxówéma ɔ́ ɖɔ: “A nǎ nyí vɔ̌sánú-xwlémawutɔ́ káká sɔ́yi Mɛlukisedɛ́ki ɖɔhun.”

Eblée 7:21

Lo ɔ́, Mawu sɔ́ Jezu vɔ̌sánú-xwlémawutɔ́, bó xwlé nǔ d'é jí hwenu e é ɖɔ n'i ɖɔ: “Aklúnɔ xwlé nǔ bó ɖɔ: ‘A nǎ nyí vɔ̌sánú-xwlémawutɔ́ káká sɔ́yi.’ ” É ka ná húzú gbe ǎ.

Eblée 7:28

Mɔyízisɛ́n ɔ́, gbɛtɔ́ wɛ é nɔ sɔ́ vɔ̌sánú-xwlémawutɔ́ ɖaxó; gbɛtɔ́ ka ɖó gǎn ɖé ǎ; lo ɔ́, xó e Mawu ɖɔ bó xwlé nǔ d'é jí ɖo sɛ́n ɔ́ gúdo ɔ́, Mawu ví ɔ́ wɛ é sɔ́ vɔ̌sánú-xwlémawutɔ́ ɖaxó; é ɖó blɔ̌ ǎ káká sɔ́yi.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Nǔɖexlɛ́mɛ 1:18

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.