Eblée 7:13 - MAWUXÓWÉMA

¹³ Aklúnɔ mǐtɔn e wú è ɖɔ xó énɛ́ lɛ́ɛ dó ɔ́, kún ɖěvo mɛ wɛ é jɔ ɖe, bɔ mɛ ɖěbǔ ɖo kún énɛ́ mɛ, bó wa vɔ̌sánú-xwlémawutɔ́ sín azɔ̌ ɖo vɔ̌sákpe jí kpɔ́n gbeɖé ǎ.

Eblée 7:13 Iomraidhean Croise

Kɛ́nsísɔ́ 17:5

Nǔ énɛ́ e è cyɔ́n dó vɔ̌sákpe ɔ́ nɔ́ flín Izlayɛ́li ví lɛ́ɛ ɖɔ mɛ ɖěbǔ kún ɖó acɛ e ná dó zǎlínkpɔ́n zo nú nyɛ Mawu Mavɔmavɔ ɔ́ zɛ kúnkan Aalɔ́ɔn tɔn lɛ́ɛ wú ó. Mɛ ɖěbǔ bló mɔ̌ ɔ́, awě e xo Kolée kpó ahwan tɔn lɛ́ɛ kpó ɔ́ wɛ ná xo mɛ ɔ́, lě e nyɛ Mawu Mavɔmavɔ ko ɖɔ gbɔn Mɔyízi jí é.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 7:12

Đó ényí è ɖyɔ̌ vɔ̌sánú-xwlémawutɔ́zɔ́ sín kanfifɔ ɔ́, é ɖo dandan mɛ bɔ è nǎ ɖyɔ́ sɛ́n ɔ́ lɔmɔ̌.

Eblée 7:14

È tunwun ganjí ɖɔ Judáa kún mɛ wɛ é jɔ ɖe, bɔ Mɔyízi ka ɖɔ xó ɖěbǔ dó kún énɛ́ wú hwenu e é ɖɔ vɔ̌sánú-xwlémawutɔ́ lɛ́ɛ sín xó é ǎ.