Eblée 7:11 - MAWUXÓWÉMA

¹¹ Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 7:11 Iomraidhean Croise

Galatinu 2:21

Un ná hɔn fɛ́nú Mawu tɔn nyi gbě ǎ. Đó nú sɛ́n ɔ́ wɛ nɔ zɔ́n bɔ è nɔ nyí hwɛjijɔnɔ ɖo Mawu nukɔn ɔ́, hǔn Klísu kú dó wǔvɔ́ nɛ́.

Galatinu 4:3

Mɔ̌ ɖokpó ɔ́, mǐ lɔmɔ̌ ɔ́, nǔɖoyɛswímɛ gbɛmɛ fí tɔn lɛ́ɛ sín kannumɔ wɛ mǐ ko nyí ɖ'ayǐ, cóbó wá su ɖo Mawu mɛ.

Galatinu 4:9

Amɔ̌ din e mi tunwun Mawu ɔ́, un ka ná ɖɔ din e mi tunwun Mawu ɔ́ lɔ ǎ; din e Mawu tunwun mi ɔ́, nɛ̌ mi ka sixú lɛ́ lɛ́ kɔ yi nǔmaɖinǔ énɛ́ lɛ́ɛ e má ɖó gǎn ǎ lɛ́ɛ kɔn gbɔn? Étɛ́wú mi ka jló ná lɛ́ húzú kannumɔ nǔ énɛ́ lɛ́ɛ tɔn?

Eblée 5:10

bɔ Mawu sɔ́ ɛ vɔ̌sánú-xwlémawutɔ́ ɖaxó Mɛlukisedɛ́ki ɖɔhun.

Eblée 5:6

É lɛ́ ɖɔ ɖó fí ɖěvo ɖɔ: “A nǎ nyí vɔ̌sánú-xwlémawutɔ́ káká sɔ́yi, Mɛlukisedɛ́ki ɖɔhun.”

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:10

Nǔgbó ɔ́, è ko ji Levíi ǎ; amɔ̌, é ɖo tɔ́gbó tɔn Ablaxámu mɛ, hwenu e Mɛlukisedɛ́ki yi kpé Ablaxámu é.

Eblée 7:12

Đó ényí è ɖyɔ̌ vɔ̌sánú-xwlémawutɔ́zɔ́ sín kanfifɔ ɔ́, é ɖo dandan mɛ bɔ è nǎ ɖyɔ́ sɛ́n ɔ́ lɔmɔ̌.

Eblée 7:13

Aklúnɔ mǐtɔn e wú è ɖɔ xó énɛ́ lɛ́ɛ dó ɔ́, kún ɖěvo mɛ wɛ é jɔ ɖe, bɔ mɛ ɖěbǔ ɖo kún énɛ́ mɛ, bó wa vɔ̌sánú-xwlémawutɔ́ sín azɔ̌ ɖo vɔ̌sákpe jí kpɔ́n gbeɖé ǎ.

Eblée 7:15

Nǔ e jɛ bó lɛ́ ɖe nǔ énɛ́ lɛ́ɛ xlɛ́ céɖécéɖé d'é jí ɔ́ ɖíe: vɔ̌sánú-xwlémawutɔ́ Mɛlukisedɛ́ki ɖɔhun ɖěvo wá.

Eblée 7:21

Lo ɔ́, Mawu sɔ́ Jezu vɔ̌sánú-xwlémawutɔ́, bó xwlé nǔ d'é jí hwenu e é ɖɔ n'i ɖɔ: “Aklúnɔ xwlé nǔ bó ɖɔ: ‘A nǎ nyí vɔ̌sánú-xwlémawutɔ́ káká sɔ́yi.’ ” É ka ná húzú gbe ǎ.

Eblée 8:7

Ényí akɔjijɛ nukɔntɔn ɔ́ ma ko ɖó blɔ̌ ǎ ɔ́, é sɔ́ ná byɔ́ ɖɔ è nǎ sɔ́ akɔjijɛ wegɔ́ ɔ́ dó ɖyɔ́ ná ǎ.

Eblée 9:6

È to nǔ lɛ́ɛ bǐ gbɔn mɔ̌, bɔ vɔ̌sánú-xwlémawutɔ́ lɛ́ɛ nɔ byɔ́ tɛn nukɔntɔn ɔ́ mɛ ayǐhɔ́ngbe ayǐhɔ́ngbe, bó nɔ wa azɔ̌ yětɔn.