Eblée 7:1 - MAWUXÓWÉMA

¹ Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

Eblée 7:1 Iomraidhean Croise

Ɖɛhan 57:2

Sɔ́ nukún ɖagbe dó kpɔ́n mì; Mawu ce, sɔ́ nukún ɖagbe dó kpɔ́n mì, ɖó hwi gɔ́n wɛ un wá bɛ ta ɖe. Un hɔn wá bɛ ta ɖo awa towe lɛ́ɛ glɔ́, káká bɔ adǎn ɖaxó e ɖo gbigbo mì wɛ ɔ́ ná vɔ.

Ɖɛhan 76:2

Mawu ɖe éɖée xlɛ́ ɖo Judáa; nyǐkɔ tɔn yi jǐ tawun ɖo Izlayɛ́li.

Ɖɛhan 78:35

Yě wá flín ɖɔ Mawu wɛ nyí sósyɛ́n émítɔn; yě flín ɖɔ Mawu Ajalɔ̌nlɔn wɛ nyí Mɛhwlɛ́ngántɔ́ émítɔn.

Ɖɛhan 78:56

Lo ɔ́, yě tɛ́n Mawu Ajalɔ̌nlɔn ɔ́ kpɔ́n, yě fɔ́n gǔ dó jǐ tɔn, yě sɔ́ nɔ́ nyi sɛ́n tɔn lɛ́ɛ ǎ.

Daniyɛ́li 4:2

É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Daniyɛ́li 5:21

È nya ɛ sín gbɛtɔ́ lɛ́ɛ mɛ, bɔ é yi nɔ gběkanlin lɛ́ɛ tɛ́ntin, bó nɔ́ ɖu gběhan nyibú ɖɔhun; ahǔn nɔ́ ɖo jija dó jǐ tɔn wɛ. É nɔ mɔ̌ káká jɛ hwenu e é wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ tɔn lɛ́ɛ bǐ jí, bó nɔ́ sɔ́ axɔ́sú mɛ e jló e é.

Micée 6:6

Ényí un wá Mawu Mavɔmavɔ sɛn gbé ɔ́, vɔ̌sánú tɛ́ mɔ̌ un ka ɖó na xwlé Mawu Ajalɔ̌nlɔn ɔ́? Nyibúví e ɖó xwe ɖokpó ɔ́ wɛ un ná nɔ dó sá vɔ̌ kpíkpé n'i a?

Maki 5:7

bó sú xó, bó ɖɔ: “Étɛ́ wɛ nyɛ kpódó hwi kpán kpédó, Jezu Mawu Ajalɔ̌nlɔn ví? Un sɔ́ Mawu ɖó afɔ nú we, ma dó ya nú mì ó.”

Mɛsɛ́dó 16:17

Nyɔ̌nu énɛ́ ɔ́ jɛ Pɔ́lu kpó mǐ kpó gúdo, bó nɔ sú xó ɖɔ: “Mɛ élɔ́ lɛ́ɛ ɔ́, Mawu Ajalɔ̌nlɔn sín mɛsɛntɔ́ wɛ nú yě; hwlɛngán sín ali ɔ́ sín xó ɖɔ nú mi wɛ yě ɖe.”

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:2

Ablaxámu ná nǔ e é hɛn sín ahwangbénu é bǐ sín mǎɖówǒ Mɛlukisedɛ́ki. Nyǐkɔ Mɛlukisedɛ́ki ɔ́, tínmɛ tɔn nukɔntɔn ɔ́ wɛ nyí “Axɔ́sú hwɛjijɔnɔ”. Gɔ́ nú énɛ́ ɔ́, é nyí axɔ́sú Salɛ́mu tɔn; tínmɛ tɔn wɛ nyí: “Axɔ́sú fífánɔ”.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 7:6

Mɛlukisedɛ́ki nyí Levíi ví ǎ, có é ka yí mǎɖówǒ ɖo Ablaxámu sí; é lɛ́ dó acɛ mɛ e Mawu dó akpá lɛ́ɛ ná ɔ́ jí.