Eblée 6:9 - MAWUXÓWÉMA

⁹ Mɛvívɛ́ná ce lɛ́ɛ mi, nǔ ɖo mɔ̌ có mǐ ná bó ɖo xó ɖɔ gbɔn mɔ̌ wɛ ɔ́, mǐ ɖeji dó mi wú titewungbe; mǐ tunwun ɖɔ mi ɖo ali ɖagbe ɔ́ jí; hwlɛngán sín ali ɔ́ jí wɛ mi ɖe.

Eblée 6:9 Iomraidhean Croise

Ezayíi 57:15

Mawu mímɛ́ ɔ́, éyɛ́ mɛ e hú gǎn nǔ bǐ, bɔ nɔtɛn tɔn ɖo te káká sɔ́yi é ɔ́, xó e é ɖɔ ɔ́ ɖíe: “Nyɛ Mawu mímɛ́ ɔ́, jǐxwé aga wɛ un nɔ nɔ. Amɔ̌, un ɖo kpɔ́ xá mɛ e nǔ cikɔ ná lɛ́ɛ, mɛ e sɔ́ yěɖée hwe lɛ́ɛ; un ɖo kpɔ́ xá mɛ e sɔ́ yěɖée hwe lɛ́ɛ bó ná ná gbɛ yě; un ɖo kpɔ́ xá mɛ e nǔ cikɔ ná lɛ́ɛ bó ná ná gbɛ yě.

Maki 16:16

Mɛ e ná ɖi nǔ, bɔ è nǎ lɛ yɛhwesin n'i ɔ́ ná gán. Mɛ e ma ka na ɖi nǔ ǎ ɔ́, è nǎ ɖǒ hwɛ n'i.

Mɛsɛ́dó 11:18

Ée yě se mɔ̌ ɔ́, xomɛ yětɔn fá, bɔ yě jɛ susu kpa nú Mawu jí, bó nɔ́ ɖɔ: “Mawu bló, bɔ mɛ e ma nyí Jwifu ǎ lɛ́ɛ lɔmɔ̌ sixú lɛ́ kɔ sín hwɛ yětɔn lɛ́ɛ gúdo, bó ná sixú mɔ gbɛ mavɔ mavɔ.”

Mɛsɛ́dó 20:21

Un ɖɔ nú Jwifu lɛ́ɛ, bó ɖɔ nú mɛ e ma nyí Jwifu ǎ lɛ́ɛ ɖɔ yě ɖó ná lɛ́ kɔ sín hwɛ yětɔn lɛ́ɛ gúdo, bó húzú jɛ Mawu li jí, bó ɖi nǔ nú Aklúnɔ mǐtɔn Jezu.

1 Kɔlɛ́ntinu 10:14

Énɛ́ ɔ́ wú ɔ́, mɛvívɛ́ná ce lɛ́ɛ mi, mi ma sɛn vodún ó.

2 Kɔlɛ́ntinu 12:19

Linlin wɛ mi ka ɖe sín hwe ɖé nu ɖɔ mǐ ɖo biba ná jɛ ahwan mǐɖée jí, ɖo nukɔn mitɔn a? Éeǒ, mǐ ɖo biba ná jɛ ahwan mǐɖée jí wɛ ǎ. Lě e Klísu jló gbɔn ɔ́ wɛ mǐ ɖo xó ɖɔ gbɔn wɛ ɖo Mawu nukɔn. Mɛvívɛ́ná mǐtɔn lɛ́ɛ mi, mǐ ɖo énɛ́ lɛ́ɛ bǐ ɖɔ nú mi wɛ, bó ná dó dɔn mi yi nukɔn ɖo nǔɖiɖi mɛ.

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

2 Kɔlɛ́ntinu 7:10

Đó aluwɛ e Mawu nɔ dó wa azɔ̌ ná ɔ́ nɔ́ ná mɛ jijɔ húzúhúzú e nɔ kplá mɛ bɔ è nɔ mɔ hwlɛngán é, bɔ é sɔ́ nɔ vɛ́ nú mɛ ǎ. Lo ɔ́, aluwɛ e mɛ gbɛ ɔ́ nɔ dɔn mɛ dó ɔ́, kú wɛ é nɔ kplá mɛ hɛn yi.

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Eblée 10:34

Nǔgbó ɔ́, mi kú nǔbláwǔ nú mɛ e è wlǐ dó gankpá mɛ lɛ́ɛ, bɔ hwenu e è wǎ bɛ́ nǔ mitɔn lɛ́ɛ ɔ́, mi yí gbe ná kpódó xomɛhunhun kpó, ɖó mi tunwun ɖɔ dɔkun e nyɔ́ hú dɔkun énɛ́ lɛ́ɛ, bó nɔ́ nɔ ayǐ káká sɔ́yi ɔ́ ɖo émí sí.

Eblée 10:39

Mǐ ɖo mɛ e nɔ jó agɔ dó gúdo, bó nɔ yi dɔn lɛ́ɛ mɛ ǎ; lo ɔ́, mǐ ɖó nǔɖiɖi, bó ɖo hwlɛngán sín ali ɔ́ jí.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

1 Piyɛ́ɛ 2:11

Mɛvívɛ́ná ce lɛ́ɛ mi, mi mɛ e nyí jǒnɔ bó nyí aligbɔntɔ́ ɖo ayǐkúngban jí lɛ́ɛ ɔ́, un ɖo byɔ̌byɔ́ mi wɛ ɖɔ mi ma lɔn nú jlǒ gbɛtɔ́ tɔn e nɔ ɖo ahwan fun xá ayi wɛ lɛ́ɛ ní ɖu ɖo mi jí ó.

2 Piyɛ́ɛ 3:1

Mɛvívɛ́ná ce lɛ́ɛ mi, wěma wegɔ́ ɔ́ ɖíe wlán sɛ́ dó mi wɛ un ɖe e. Đo wěma we lɛ́ɛ bǐ mɛ ɔ́, un nɔ ba ná fɔ́n linlin e sɔgbe lɛ́ɛ ɖo ayixa mitɔn mɛ, gbɔn nǔkplɔ́nmɛ e un nɔ flín mi lɛ́ɛ gbla mɛ.

1 Jǎan 2:7

Mɛvívɛ́ná ce lɛ́ɛ mi, sɛ́n yɔ̌yɔ́ ɖěvo wlán sɛ́ dó mi wɛ un ɖe ǎ; sɛ́n xóxó e mi ko ɖó sín hwenu e mi ɖi nǔ nú Klísu é wɛ. Sɛ́n xóxó énɛ́ ɔ́, xó e mi ko se é wɛ.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.