Eblée 6:4 - MAWUXÓWÉMA

^4-6 Nǔgbó ɔ́, mɛ e lɛ́ jɛ gbɛ nyanya zán jí lɛ́ɛ ɔ́, nɛ̌ è ka sixú ɖɔ xó yětɔn gbɔn? È sɔ́ sixú dɔn yě wá hweɖévonu ɖɔ yě ní húzú gbɛ e zán wɛ yě ɖe ɔ́ ǎ, ɖó Mawu ví ɔ́ vɔ́ ká nyi aklúzu jí wɛ yě ɖe, bó ɖo hɛ̌n dó e wɛ agbawungba; ɖó yě ko mɔ wěziza Mawu tɔn yí kpɔ́n; yě ɖɔ̌ nǔníná Mawu tɔn ɔ́ kpɔ́n; yě lɔ mɔ Yɛsinsɛn yí. Yě ɖɔ̌ Mawuxó ɔ́ kpɔ́n, bó mɔ ɖɔ é nyɔ́, bó ɖɔ́ gbɛ e jǎwe ɔ́ sín hlɔ̌nhlɔ́n lɛ́ɛ kpɔ́n, có yě ka lɛ́ jɛ gbɛ nyanya zán jí.

Eblée 6:4 Iomraidhean Croise

Levíi ví 13:55

Énɛ́ ɔ́ gúdo ɔ́, vɔ̌sánú-xwlémawutɔ́ ɔ́ ná vɔ́ nǔ énɛ́ ɔ́ e è ko nya ɔ́ kpɔ́n. Nú é mɔ ɖɔ nǔ e tɔ́n ɖ'é mɛ ɔ́ kún húzú ó ɔ́, é ná bó má gbló d'é jí ǎ ɔ́, nǔ e fun hwa ɔ́ ná nyí nǔblíblí. È ɖǒ ná dó zo. Nú fí e nǔ ɔ́ tɔ́n ɖe ɔ́ ɖu ɖo wěxo, abǐ gǔdo ɔ́, è ɖǒ ná dó zo.

Levíi ví 14:43

“Ényí è ko ɖe awǐnnya e wú nǔ tɔ́n ɖe lɛ́ɛ síin, bó ká xwlɛ́ dǒ ɔ́ bó vɔ́ tlɛ́, bɔ nǔ ɔ́ lɛ́ wá tɔ́n ɔ́,

Kɛ́nsísɔ́ 24:3

bɔ é ɖɔ: “Nyɛ Baláamu, Beɔ́ɔ ví ɔ́, xó e un ɖɔ ɔ́ ɖíe. Nyɛ mɛ e nɔ́ mɔ nǔ e ná jɛ sɔ ɔ́, xó e un ɖɔ ɔ́ ɖíe.

Matíe 12:45

Nú é mɔ mɔ̌ ɔ́, é nɔ́ yi kplá yɛ nyanya ɖěvo e nylá hú é ɖésúnɔ ɔ́ tɛ́nwe dó éɖée jí, bɔ yě nɔ wá sá xwé nyi fínɛ́, bɔ lě e nya énɛ́ sín gbɛ nɔ wá cí ɔ́ nɔ lɛ́ nylá hú lě e é ko ɖe gbɔn ɖ'ayǐ é. Mɔ̌ wɛ é ná nyí gbɔn nú gbɛtɔ́ nyanya din tɔn lɛ́ɛ é nɛ́.”

Matíe 5:13

“Jɛ wɛ mi nyí nú gbɛ ɔ́. Lo ɔ́, ényí jɛ ma ka sɔ́ ɖó tɔ́n ǎ ɔ́, étɛ́ wɛ è nǎ dó lɛ́ na ɛ tɔ́n na? É sɔ́ nyɔ́ nú nǔɖé zɛ è nǎ sɔ́ kɔn nyi gbě, bó ná gbídí kpó afɔ kpó wú ǎ.

Jǎan 15:6

Mɛ e ma ɖo nyɛ mɛ ǎ ɔ́, Mawu nɔ sɔ́ ɛ nyi gbě lě e è nɔ sɛ́n atínla, bɔ yě nɔ xú, bɔ è nɔ bɛ́ kɔn nyi myɔ mɛ, bɔ yě nɔ ji zo é ɖɔhun.

Jǎan 3:27

Jǎan ka yí gbe nú yě ɖɔ: “Mawu má ná nǔɖé mɛɖé ǎ ɔ́, é sixú mɔ ǎ.

Jǎan 4:10

Jezu ka yí gbe n'i ɖɔ: “Ényí a ko tunwun nǔ e Mawu nɔ ná mɛ ɔ́, bó tunwun nyɛ mɛ e ɖɔ nú we ɖɔ: nǎ sin mì ma nu ɔ́ wɛ ɔ́, hwi ɖésú wɛ ná ko byɔ́ sin mì bɔ un ná ko ná sin e nɔ ná gbɛ mɛ ɔ́ we.”

Jǎan 6:32

Jezu ka yí gbe nú yě ɖɔ: “Ma ɖɔ nǔgbó nú mi: Mɔyízi wɛ ná nǔɖuɖu e gosín jǐxwé ɔ́ mi ǎ; lo ɔ́, Tɔ́ ce wɛ ɖo nǔɖuɖu titewungbe e gosín jǐxwé ɔ́ ná mi wɛ.

Mɛsɛ́dó 10:45

Ée Jwifu e ɖi nǔ nú Jezu, bó xwedó Piyɛ́ɛ wá lɛ́ɛ mɔ ɖɔ Yɛsinsɛn e Mawu nɔ́ ná mɛ ɔ́ gba kɔn nyi mɛ e ma nyí Jwifu ǎ lɛ́ɛ lɔmɔ̌ jí ɔ́, é kpácá yě tlala.

Mɛsɛ́dó 11:17

Ényí Mawu ná nǔníná ɖokpó ɔ́ yě, lě e é ná mǐ lɔ gbɔn hwenu e mǐ ɖi nǔ nú Aklúnɔ Jezu Klísu ɔ́, mɛ̌ nyɛ ka nyí, bó ná yi gbɛ́ gbe nú Mawu.”

Mɛsɛ́dó 15:8

Mawu e nɔ mɔ nǔ jɛ mɛ xomɛ ɔ́ ná yě Yɛsinsɛn lě e é ná mǐ gbɔn é, bó dó ɖe xlɛ́ ɖɔ émí yí yě.

Mɛsɛ́dó 8:20

Piyɛ́ɛ ka yí gbe n'i ɖɔ: “Hwi kpódó akwɛ́ towe kpó bǐ ní bó dɔn, ɖó a lin ɖɔ è nɔ sɔ́ akwɛ́ dó xɔ nǔníná Mawu tɔn.

Hlɔ̌manu 1:11

Đó é jló mì ɖésú ɖɔ ma wá mɔ mi, bó hɛn nǔníná Yɛsinsɛn tɔn ɖé wá nú mi, bónú mi ná lí dǒ ɖo nǔ e mi ɖi nú Klísu ɔ́ mɛ.

2 Kɔlɛ́ntinu 4:4

Yě ɖi nǔ ǎ; ɖó gǎn nyanya gbɛ élɔ́ tɔn ɔ́ va nukún ayixa yětɔn. Mawu gbɛ élɔ́ tɔn énɛ́ nɔ lɔn nú yě ná mɔ wěziza e Wɛn Ɖagbe e ɖɔ xó dó susu Klísu tɔn wú ɔ́ nɔ ná mɛ é ǎ. Klísu ɔ́ wɛ nyí akpajlɛ́ Mawu tɔn titewungbe ɔ́.

2 Kɔlɛ́ntinu 4:6

Mawu e ɖɔ: “Wěziza ní kɔ́n sín ablu mɛ” ɔ́, é ɖokpó ɔ́ wɛ lɛ́ nyí mɛ e bló bɔ wěziza tɔn nɔ kɔ́n ɖo ayi mǐtɔn lɛ́ɛ mɛ é, bónú mǐ ná ɖó nǔnywɛ́ wěziza tɔn e nyí susu Mawu tɔn é; susu Mawu tɔn e ɖo kínkɔ́n wɛ ɖo Klísu sín nukún mɛ é.

Galatinu 3:2

Nǔ e un jló ɖɔ mi ní tínmɛ nú mì kpowun ɔ́ ɖíe: nǔ e sɛ́n ɔ́ zɔ́n wiwa lɛ́ɛ wɛ zɔ́n bɔ Mawu ná Yɛsinsɛn tɔn mi a, abǐ Wɛn Ɖagbe e mi se bó ɖi nǔ ná ɔ́ wú wɛ?

Galatinu 3:5

Sɛ́n e mi nɔ nyi ɔ́ wú wɛ Mawu ná Yɛsinsɛn tɔn mi, bó nɔ jlɛ́ nǔ ɖo tɛ́ntin mitɔn a, abǐ Wɛn Ɖagbe e mi se bo ɖi nǔ ná ɔ́ wú wɛ?

Efɛ́zinu 1:18

Un nɔ byɔ́ ɛ ɖɔ ní bló bónú wěziza ní byɔ́ ayi mitɔn mɛ, bónú mi ná tunwun nǔ e nukúnɖíɖó e wútu é ylɔ́ mi ɔ́ nyí é, bó ná tunwun lě e dɔkun e ɖo nǔ ɖagbe ɖagbe e é sɔ́ ɖ'ayǐ nú mɛ e nyí étɔn lɛ́ɛ mɛ ɔ́ sɔ́ é.

Efɛ́zinu 2:8

Đó xomɛnyínyɔ́ Mawu tɔn mɛ wɛ mi mɔ hwlɛngán ɖe, gbɔn nǔ e mi ɖi é gbla mɛ. É nyí mi ɖésúnɔ wɛ hwlɛ́n miɖée gán ǎ; nǔnámɛ Mawu tɔn wɛ.

Efɛ́zinu 3:7

Nǔ e Mawu sɔ́ hlɔ̌nhlɔ́n tɔn, bó ná mì ɖo xomɛnyínyɔ́ tɔn mɛ ɔ́ zɔ́n bɔ azɔ̌ ce nyí Wɛn Ɖagbe jlájlá.

Efɛ́zinu 4:7

Có nǔníná vovo wɛ mǐ mɛ ɖokpó ɖokpó mɔ yí, bɔ é sɔgbe xá ée Klísu ná é.

1 Timɔtée 4:14

Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

2 Timɔtée 4:14

Alɛsándlu fletuntɔ́ ɔ́ wa nǔ nyanya gěgé dó wútu ce; Aklúnɔ ná sú nǔ e é wa ɔ́ sín axɔ́ ɛ.

Eblée 10:32

Mi ní flín nǔ e ko gbo mi ɖ'ayǐ hwenu e mi mɔ wěziza Mawu tɔn é; mi ji ya hwenɛ́nu ɖésú, có bó ka syɛ́nlǐn ɖo ahwan nukɔn.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.