Eblée 6:2 - MAWUXÓWÉMA

² è nǐ lɛ́ kɔ sín nǔkplɔ́nmɛ e kunkplá yɛhwesin lilɛ tɛnmɛ tɛnmɛ lɛ́ɛ kpódó alɔ ɖó mɛ jí kpó ɔ́ gúdo, bó lɛ́ kɔ sín mɛkúkú ná fɔ́n sín kú xó kpódó hwɛɖónúmɛ mavɔ mavɔ sín xó jlájlá kpó gúdo.

Eblée 6:2 Iomraidhean Croise

Nǔnywɛ́tɔ́xó 12:14

Đó Mawu ná ɖɔ hwɛ dó nǔ e è wa lɛ́ɛ bǐ, káká jɛ éé è wa dó nǔglɔ́ lɛ́ɛ jí; é sixú nyí nǔ ɖagbe, é ká sixú nyí nǔ nyanya.

Ezayíi 26:19

Mawu Mavɔmavɔ, mɛ towe e kú lɛ́ɛ ná fɔ́n; togun ce sín mɛ e kú lɛ́ɛ ná fɔ́n. Mi mɛ e ɖo kɔ́ glɔ́ lɛ́ɛ mi, mi fɔ́n; mi j'awǎ, ɖó Mawu Mavɔmavɔ, a nǎ sɛ́ wěziza towe dó ahǔn ɖɔhun, bɔ ayǐkúngban ɔ́ nɔ́ ná gbɛ mɛ e kú lɛ́ɛ.

Daniyɛ́li 12:2

Mɛ e ɖo amlɔ dɔ́ wɛ ɖo yɔdo mɛ lɛ́ɛ gěgé ná fɔ́n; mɛ ɖě ná fɔ́n nú gbɛ mavɔ mavɔ, mɛ ɖě ká ná fɔ́n dó winnyá nu, mɛ ɖě ká ná fɔ́n dó ya mavɔ mavɔ nu.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Matíe 3:14

Jǎan ka gbɛ́, bó ɖɔ: “Nyi wɛ ɖó ná wá gɔ̌n towe, bɔ a nǎ lɛ yɛhwesin nú mì, bɔ hwɛ ka wá gɔ̌n ce a?”

Maki 16:16

Mɛ e ná ɖi nǔ, bɔ è nǎ lɛ yɛhwesin n'i ɔ́ ná gán. Mɛ e ma ka na ɖi nǔ ǎ ɔ́, è nǎ ɖǒ hwɛ n'i.

Maki 7:4

Yě ka gosín kplétɛn fí ɖé bó wá xwé gbe ɔ́, yě ɖó ná slá wǔ hwɛ̌, cóbó ná jɛ nǔ ɖu jí. Yě lɛ́ ɖó su ɖěvo lɛ́ɛ bó nɔ́ nyi, bɔ é nyí hwɛndo nú yě, ɖi kɔ́fu, tɔyizɛ́n kpódó ganvɔzɛ́n kpó e yě ɖó ná klɔ́ ɖó alɔkpa ɖé jí, cóbó zán ɔ́ ɖɔhun.

Maki 7:8

Mi nɔ xo Mawusɛ́n lɛ́ɛ nyi kɛ́n, bó ká nɔ́ jɛ hun dó gbɛtɔ́ lɛ́ɛ tɔn e nyí hwɛndo é jí.”

Luki 11:38

Ée Falizyɛn ɔ́ mɔ ɖɔ Jezu kún klɔ́ alɔ lě e sɛ́n ɔ́ zɔ́n gbɔn ɔ́ cóbó jɛ nǔ ɖu jí ó ɔ́, é kpácá ɛ.

Luki 12:50

Un ɖó ná lɛ yɛhwesin wǔvɛ́ tɔn ɖé, bɔ hǔn ce bǐ ɖo aga káká yi jɛ hwenu e nǔ ná nyí mɔ̌ dó é.

Luki 14:14

Énɛ́ ɔ́, nǔ ná nyɔ́ nú we, ɖó mɛ énɛ́ lɛ́ɛ sixú wá ja axɔ́ tɔn sú we gbé ǎ; amɔ̌, Mawu ná ná ajɔ tɔn we gbe e gbe é ná fɔ́n hwɛjijɔnɔ lɛ́ɛ sín kú é.”

Luki 3:16

Jǎan ka yí xó, bó ɖɔ nú yě ɖɔ: “Nyɛ ɔ́, sin wɛ un sɔ́ dó ɖo yɛhwesin lɛ nú mi wɛ; amɔ̌, mɛɖé ɖo gǔdo ce jǎwe; mɛ énɛ́ ɔ́ hú gǎn mì, bɔ un nyí mɛɖé, bó ná sixú tún afɔkpakan tɔn lɛ́ɛ vɔ́vɔ́ ǎ; éyɛ́ ɔ́, Yɛsinsɛn kpódó zo kpán wɛ é ná sɔ́ dó lɛ yɛhwesin nú mi.

Jǎan 1:33

Mɛ e é ná nyí ɔ́, nyɛ ɖésúnɔ ko tunwun ɖ'ayǐ ǎ. Lo ɔ́, mɛ e sɛ́ mì dó, bónú má wá sɔ́ sin dó lɛ yɛhwesin nú mɛ ɔ́, ko ɖɔ nú mì ɖ'ayǐ ɖɔ: ‘Mɛ e jí a nǎ mɔ Yɛ Mawu tɔn ná jɛ te dó, bó ná cí jǐ tɔn ɔ́, mɛ énɛ́ wɛ ná sɔ́ Yɛsinsɛn dó lɛ yɛhwesin nú mɛ.’

Jǎan 5:29

Yě ná tɔ́n sín yɔdo yětɔn lɛ́ɛ mɛ; mɛ e wa nǔ ɖagbe lɛ́ɛ ɔ́, Mawu ná fɔ́n yě sín kú, bó ná ná yě gbɛ mavɔ mavɔ. Lo ɔ́, mɛ e wa nǔ nyanya lɛ́ɛ ná fɔ́n sín kú, bónú Mawu ná ɖó hwɛ nú yě.”

Mɛsɛ́dó 10:47

“Mɛ élɔ́ lɛ́ɛ e Mawu ná Yɛsinsɛn lě e é ná mǐ lɔmɔ̌ gbɔn ɔ́, è sixú gbɛ́ ɖɔ è ma lɛ yɛhwesin nú yě kpó sin kpó ó a?”

Mɛsɛ́dó 13:3

Ée yě blá nu bó xo ɖɛ gúdo ɔ́, yě ɖǒ alɔ Baanabási kpódó Sólu kpán jí, bó nyi yě.

Mɛsɛ́dó 16:15

É kpódó mɛ tɔn lɛ́ɛ kpó lɛ yɛhwesin; énɛ́ ɔ́ gúdo ɔ́, é sa vo nú mǐ ɖɔ: “Ényí mi mɔ ɖɔ un ɖi nǔ nú Aklúnɔ nǔgbó hǔn, mi wá nɔ xwé ce gbe.” É zín mǐ jǐ bɔ mǐ gbɔ bó yí gbe, bó yi nɔ xwé tɔn gbe.

Mɛsɛ́dó 16:33

É ka kplá yě azɔn ɖokpó ɖo zǎn xóxó énɛ́ mɛ, bó klɔ́ bǎkpa yětɔn lɛ́ɛ nú yě, bɔ tlóló tɛn tɔn mɛ ɔ́, é kpódó mɛ tɔn lɛ́ɛ bǐ kpán lɛ yɛhwesin.

Mɛsɛ́dó 17:18

Glɛ̌sinu nǔnywɛ́tɔ́ e è nɔ ylɔ́ Epikiliɛn lɛ́ɛ kpódó ée è nɔ ylɔ́ ɖɔ Sitoyisiɛn lɛ́ɛ kpán lɔ jɛ xó ɖɔ xá ɛ jí. Mɛ ɖě nɔ́ kanbyɔ́ ɖɔ: “Étɛ́ ɖɔ wɛ nǔxweɖɔtɔ́ énɛ́ ka ɖe?” Mɛ ɖěvo lɛ́ɛ ká se xó e ɖɔ dó Jezu kpódó fínfɔ́n sín kú kpó wú wɛ é ɖe ɔ́, bó nɔ́ ɖɔ: “É cí to ɖěvo mɛ vodún lɛ́ɛ xó ɖɔ nú mǐ wɛ é ɖe ɖɔhun.”

Mɛsɛ́dó 2:38

Piyɛ́ɛ ka yí gbe nú yě ɖɔ: “Mi lɛ́ kɔ sín hwɛ mitɔn lɛ́ɛ gúdo; ɖokpó ɖokpó mitɔn ní lɛ yɛhwesin ɖo Jezu Klísu nyǐkɔ mɛ, bónú Mawu ná sɔ́ hwɛ mitɔn lɛ́ɛ kɛ mi, bɔ mi ná mɔ Yɛsinsɛn e nyí nǔníná Mawu tɔn ɔ́ yí.

Mɛsɛ́dó 2:41

Mɛ e yí Piyɛ́ɛ xó se lɛ́ɛ ka lɛ yɛhwesin. Yě bǐ kplékplé yi afɔwó afatɔ́n (3.000) mɔ̌, bó jɛ yě jí gbe énɛ́ gbe.

Mɛsɛ́dó 23:6

Ée Pɔ́lu ka mɔ ɖɔ, ɖo toxóɖɔgbɛ́ ɔ́ mɛ ɔ́, mɛ ɖě nyí Saduseɛn, mɛ ɖě ka nyí Falizyɛn ɔ́, é sú xó ɖo toxóɖɔgbɛ́ ɔ́ tɛ́ntin, bó ɖɔ: “Nɔví ce lɛ́ɛ mi, nyɛ ɔ́, Falizyɛn gbɛ́ta ɔ́ mɛ wɛ un ɖe, bó ka lɛ́ nyí Falizyɛn ví jiji. Fínfɔ́n mɛkúkú lɛ́ɛ tɔn e ɖó nukún wɛ un ɖe ɔ́ wútu wɛ è ɖo hwɛ ɖɔ xá mì wɛ.”

Mɛsɛ́dó 24:15

Un ka ɖo nukún ɖó Mawu wɛ, lě e yě lɔmɔ̌ ɖo nukún ɖó e wɛ gbɔn é. Mawu ná wá fɔ́n mɛ ɖagbe lɛ́ɛ, kpódó mɛ nyanya lɛ́ɛ kpó sín kú.

Mɛsɛ́dó 24:21

Xó ɖokpó e un nɔ te ɖo nukɔn yětɔn, bó ɖɔ bɔ yě hɛn ɔ́, yě ná ɖɔ ɔ́ ɖíe: ‘Un ɖi nǔ ɖɔ mɛkúkú lɛ́ɛ ná fɔ́n wú wɛ è ɖo hwɛ dó mì wɛ ɖo nukɔn mitɔn égbé.’ ”

Mɛsɛ́dó 24:25

Lo ɔ́, ée Pɔ́lu ɖo xó ɖɔ dó lě e è nǎ zán gbɛ ɖagbe gbɔn é wú wɛ, bó ɖo xó ɖɔ dó lě e è nǎ ɖu ɖo mɛ ɖésúnɔ jí gbɔn é wú wɛ, bó lɛ́ ɖo xó ɖɔ dó lě e Mawu na wá ɖɔ hwɛ xá gbɛtɔ́ lɛ́ɛ gbɔn ɔ́ wú wɛ ɔ́, xɛsi jɛ Felísi jí, bɔ é ɖɔ nú Pɔ́lu ɖɔ: “To yi hwɛ̌; un ko wá mɔ vivo ɔ́, un ná lɛ́ ylɔ́ we.”

Mɛsɛ́dó 26:8

Étɛ́wú mi ka nɔ lin ɖɔ è kún sixú ɖi ɖɔ Mawu ná fɔ́n mɛkúkú lɛ́ɛ ó?

Mɛsɛ́dó 4:2

Nǔ e kplɔ́n togun ɔ́ wɛ mɛsɛ́dó we énɛ́ lɛ́ɛ ɖe, bó ɖɔ Jezu fɔ́n sín kú, lobo dó ɖo ɖiɖe xlɛ́ gbɔn fínɛ́ wɛ ɖɔ mɛkúkú lɛ́ɛ ná fɔ́n sín kú ɔ́, é vɛ́ yě wú,

Mɛsɛ́dó 6:6

Yě wá kplá yě mɛ tɛ́nwe lɛ́ɛ yi mɛsɛ́dó lɛ́ɛ gɔ́n, bɔ mɛsɛ́dó lɛ́ɛ xo ɖɛ, bó ɖó alɔ yě jí.

Hlɔ̌manu 2:16

Nǔ e ná jɛ gbe e gbe Mawu ná gbɔn Jezu Klísu jí, bó ɖɔ hwɛ dó nǔ e gbɛtɔ́ lɛ́ɛ nɔ wa ɖo nǔglɔ́ lɛ́ɛ é nɛ́, lě e Wɛn Ɖagbe e jlá wɛ un ɖe ɔ́ ɖɔ gbɔn é.

1 Kɔlɛ́ntinu 10:2

Yě bǐ wɛ è lɛ yɛhwesin ná, ɖo akpɔ́kpɔ́ kpó xu kpó mɛ, bɔ yɛhwesin lilɛ énɛ́ ɔ́ dɔn yě ɖó bǔ xá Mɔyízi.

1 Kɔlɛ́ntinu 12:13

bɔ mǐ bǐ ɔ́, Jwifu kpó mɛ e ma nyí Jwifu ǎ kpó, kannumɔ kpó mɛ e ɖo é ɖésúnɔ sí ɔ́ kpó ɔ́, mǐ bǐ wɛ è zě Yɛsinsɛn ɖokpó ɔ́ dó lɛ yɛhwesin ná, bónú mǐ ná nyí agbaza ɖokpó; Yɛsinsɛn ɖokpó énɛ́ wɛ mǐ bǐ nu.

2 Kɔlɛ́ntinu 5:10

Đó mǐ bǐ ɔ́, mǐ ɖó ná wá Klísu nukɔn, bɔ é ná ɖɔ hwɛ dó mǐ, bónú mɛ ɖokpó ɖokpó ná mɔ lě e é wa nǔ gbɔn hwenu e é ɖo agbaza tɔn mɛ ɔ́ sín ajɔ yí; nú nǔ ɖagbe wɛ mɛ ɔ́ wa, abǐ nǔ nyanya wɛ mɛ ɔ́ wa ɔ́, é ná mɔ ajɔ tɔn yí.

Filípunu 3:21

Ényí é ko wá ɔ́, é ná zán hlɔ̌nhlɔ́n tɔn e é nɔ dó sɔ́ nǔ lɛ́ɛ bǐ dó acɛ tɔn mɛ ná ɔ́, dó húzú agbaza mǐtɔn ayǐkúngban jí fí tɔn maɖógǎnɖé ɔ́ ná, bɔ agbaza mǐtɔn ná xɔ susu étɔn ɔ́ ɖɔhun.

Kolósinu 2:12

Nǔgbó ɔ́, ée è lɛ yɛhwesin nú mi ɔ́, è ɖi mi kpódó Klísu kpán, bó lɛ́ fɔ́n mi kpó e kpó sín kú, ɖó mi ɖi nǔ nú Mawu e fɔ́n ɛ sín kú é sín hlɔ̌nhlɔ́n.

2 Timɔtée 2:18

Yě lɛ́ kɔ sín nǔgbó ɔ́ gúdo, bó nɔ ɖɔ mɛkúkú lɛ́ɛ ko fɔ́n, bɔ xó énɛ́ ɔ́ ko wá yi. Nǔkplɔ́nmɛ yětɔn énɛ́ ɔ́ zɔ́n bɔ mɛɖé lɛ́ɛ sín nǔɖiɖi jɛ ayǐ.

Eblée 11:35

Gbɔn nǔɖiɖi gbla mɛ ɔ́, nyɔ̌nu ɖé lɛ́ɛ tíin, bɔ è fɔ́n mɛ yětɔn e kú lɛ́ɛ nú yě. Mɛ ɖé lɛ́ɛ tíin, bɔ è dó ya nú yě, bɔ yě kú, ɖó yě gbɛ́ ɖɔ émí kún ná gosín nǔ e ɖɔ wɛ émí ɖe ɔ́ gúdo ó, bó ná sixú wá fɔ́n sín kú, bó ná mɔ gbɛ e ná nyɔ́ hú gbɛ élɔ́ é.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

2 Piyɛ́ɛ 3:7

Lo ɔ́, xó ɖokpó ɔ́ wɛ Mawu dó zé jǐnukúnsin kpó ayǐkúngban din tɔn ɔ́ kpó ɖ'ayǐ, bó ná wá zé myɔ dó vɔ yě ná. É hɛn yě ɖó te nú gbe e gbe é ná wá ɖó hwɛ nú mɛ nyanya lɛ́ɛ, bó ná vɔ yě dó é.