Eblée 6:16 - MAWUXÓWÉMA

¹⁶ Ényí gbɛtɔ́ lɛ́ɛ ɖo nǔ ná xwlé wɛ ɔ́, mɛ e hú gǎn yě ɔ́ wɛ yě nɔ xwlé, bɔ nǔ e yě xwlé ɔ́ nɔ nyí gǎnjɛwú, bó nɔ sú nǔ dó nǔdindɔn bǐ ɖo tɛ́ntin yětɔn.

Eblée 6:16 Iomraidhean Croise

Bǐbɛ́mɛ 14:22

Ablámu ka ɖɔ n'i ɖɔ: “Un xwlé Mawu Mavɔmavɔ, Mawu Ajalɔ̌nlɔn e bló jǐnukúnsin kpó ayǐkúngban kpó é:

Bǐbɛ́mɛ 21:23

Énɛ́ ɔ́ wú ɔ́, xwlé Mawu nú mì ɖo fí din ɖɔ émí kún ná blɛ́ nyɛ kpó vǐ ce lɛ́ɛ kpó, kpódó vǐvú ce lɛ́ɛ kpó ó. Xwlé Mawu nú mì ɖɔ émí ná nyɔ́ xomɛ dó nyɛ kpó to e mɛ a nɔ ɔ́ kpó wú lě e nyɛ nyɔ́ xomɛ dó wǔ towe gbɔn é.”

Bǐbɛ́mɛ 21:24

Ée é ɖɔ mɔ̌ ɔ́, Ablaxámu ɖɔ: “Un xwlé Mawu nú we.”

Bǐbɛ́mɛ 31:53

Mawu Ablaxámu tɔn, Mawu Naxɔ́ɔ tɔn ní nɔ́ dó hwɛ gbɔ nú mǐ.” Bɔ Jakɔ́bu xwlé Mawu e nukɔn Izáki tɔ́ tɔn nɔ́ sísɔ́ ɖe é.

2 Samuwɛ́li 21:2

Axɔ́sú ɔ́ ylɔ́ Gabawɔ́ɔnnu lɛ́ɛ, bó ná ɖɔ xó nú yě. Yě nyí Izlayɛ́li ví ǎ; Amɔliti e kpo bɔ Izlayɛ́li ví lɛ́ɛ xwlé nǔ nú yě ɖɔ émí kún ná hu yě ó lɛ́ɛ é wɛ. Nǔ cí mɔ̌ có Sawúlu ɖo hun jɛ dó Izlayɛ́li to ɔ́ kpó Judáa to ɔ́ kpó jí wɛ, bó ɖo lě e é ná sú Gabawɔ́ɔnnu lɛ́ɛ sín kún dó gbɔn ɔ́ ba wɛ.

Tíntɔ́n 22:11

Nú é ká nyí gɔ̌n tɔn wɛ è fin kanlin ɔ́ ɖe ɔ́, é ɖó ná sú axɔ́ tɔn kanlinnɔ ɔ́.

Galatinu 3:15

Nɔví lɛ́ɛ mi, un ná sɔ́ nǔ e nɔ jɛ tɛgbɛ ɔ́ ɖokpó dó kplɔ́n nǔ mi ná. Ényí mɛɖé ɖɔ lě e è nǎ zán nǔ tɔn lɛ́ɛ gbɔn ɖo kú tɔn gúdo ɔ́ ganjí ɔ́, mɛɖé sɔ́ sixú gbídí ǎ; mɛɖé ka sixú gɔ́ nǔɖé ná ǎ.

Eblée 6:13

Hwenu e Mawu dó akpá nú Ablaxámu ɔ́, é xwlé nǔ n'i d'é jí. Ée mɛɖé ma ka tíin, bó hú gǎn éyɛ́ Mawu ɔ́, bɔ é ná xwlé ǎ ɔ́, é xwlé é ɖésúnɔ n'i.