Eblée 6:12 - MAWUXÓWÉMA

¹² Mǐ jló ɖɔ mi ní húzú fɔnlínnɔ ǎ, lo ɔ́, mi ní xwedó xlɛ́ mɛ e ɖi nǔ bó ɖó sɔxwixwe, bó nɔ mɔ nǔ e sín akpá Mawu dó ɔ́ yí, ɖó énɛ́ wú lɛ́ɛ é tɔn.

Eblée 6:12 Iomraidhean Croise

Nǔnywɛ́xó 12:24

Mɛ e nɔ ɖó kan dó nǔ wú bó nɔ́ wa ɔ́ nɔ́ wá nɔ mɛ nu; lo ɔ́, fɔnlínnɔ ɔ́, mɛ kannu wɛ é nɔ́ wá nɔ.

Nǔnywɛ́xó 13:4

Nǔɖé jló fɔnlínnɔ ɔ́, mɛ jɛ́n é nɔ́ mɛ dó wǔ tɔn; nǔɖé ká jló mɛ e yí wǎn nú azɔ̌ ɔ́, é nɔ́ mɔ.

Nǔnywɛ́xó 15:19

Ali e jí fɔnlínnɔ ɖe ɔ́, wunkan wɛ gɔ́; mɛ e nɔ wa nǔ jlɔ́jlɔ́ ɔ́, ali e jí é ɖe ɔ́ ká mɛ́.

Nǔnywɛ́xó 18:9

Mɛ e nɔ dó vɛ̌ nú azɔ̌ é ɖésúnɔ tɔn ɔ́, kpó mɛ e nɔ hɛn azɔ̌ é ɖésúnɔ tɔn gblé ɔ́ kpó ɔ́, nɔví nɔví wɛ yě nyí.

Nǔnywɛ́xó 2:20

Nú a ɖǒtó nǔ e kplɔ́n we wɛ un ɖe lɛ́ɛ ɔ́, a nǎ nɔ mɛ ɖagbe lɛ́ɛ sín ali jí, a nǎ nɔ mɛ e nɔ wa nǔ jlɔ́jlɔ́ lɛ́ɛ sín ali jí.

Nǔnywɛ́xó 26:14

Lě e hɔn nɔ ɖo lǐlɛ́lílɛ́ wɛ ɖo hɔnsóswé jí ɔ́, mɔ̌ wɛ fɔnlínnɔ nɔ ɖo aja húzú wɛ ɖo zan tɔn jí.

Nǔnywɛ́xó 28:10

Mɛ e nɔ dɔn mɛ e nɔ wa nǔ ɖó sɛ́nxwi jí lɛ́ɛ dó ali nyanya jí ɔ́, é ná jɛ mɔ e é ɖésúnɔ ɖó é mɛ; amɔ̌, gbɛtɔ́ gbejínɔtɔ́ lɛ́ɛ ɔ́, nyɔ̌ná wɛ ɖo te nú yě.

Hanvíví 1:8

Tɔ́nnúhwecí ce, a ma tunwun fí ɔ́ ǎ hǔn, bo dó gbɔ̌ lɛ́ɛ sín afɔ, kplá lɛ̌ngbɔ́ví towe lɛ́ɛ gbɔn fí e lɛ̌ngbɔ́nyitɔ́ lɛ́ɛ dó goxɔ gbɔn é.

Jelemíi 6:16

Mi ɖótó mì: Mi nɔ te lobo kpɔ́n ali e gbɔn wɛ mi ɖe lɛ́ɛ ganjí. Mi kan ali e tɔ́gbó mitɔn lɛ́ɛ gbɔn ɔ́ byɔ́. Ali ɖě tɛ́ ká nyí ali ɖagbe ɔ́? Mi ba ali énɛ́ ɔ́ lobo wlí. Énɛ́ ɔ́, lǐndɔ̌n mitɔn ná mɔ vivo. Lo ɔ́, mi ɖɔ: ‘Mǐ ba ná gbɔn ali énɛ́ ǎ.’

Matíe 22:32

‘Nyɛ wɛ nyí Mawu Ablaxámu tɔn, Mawu Izáki tɔn, Mawu Jakɔ́bu tɔn.’ Mawu nyí Mawu mɛkúkú lɛ́ɛ tɔn ǎ; lo ɔ́, mɛ e ɖo gbɛ lɛ́ɛ sín Mawu wɛ é nyí.”

Matíe 25:26

Bɔ gǎn ɔ́ yí gbe n'i ɖɔ: ‘Mɛsɛntɔ́ dídá fɔnlínnɔ wɛ nú we. A tunwun ganjí ɖɔ fí e un ma dó nǔ ɖe ǎ ɔ́ wɛ un nɔ ya nǔkún ɖe; bɔ nǔ e un ma fún ǎ ɔ́ wɛ un nɔ bɛ́.

Luki 16:22

Wamamɔnɔ ɔ́ wá kú, bɔ wɛnsagun Mawu tɔn lɛ́ɛ zé e yi Ablaxámu kpá; dɔkunnɔ ɔ́ lɔ wá kú, bɔ è ɖi i.

Luki 8:15

Nǔkún e jɛ ayǐkúngban ɖagbe jí lɛ́ɛ ɔ́, mɛ e nɔ se Mawuxó ɔ́, bó nɔ́ yí kpódó ayi ɖagbe kpán, kpódó ayijlɔ́jlɔ́ kpán lɛ́ɛ wɛ; lǐnsyɛ́nsyɛ́n yětɔn nɔ́ zɔ́n, bɔ yě nɔ́ ná sínsɛ́n.”

Hlɔ̌manu 12:11

Mi nɔ bí dó azɔ̌ wú; mi ma nɔ ɖi fɔnlín ó. Akpakpa ní nɔ́ sɔ́ mi dó aklúnɔzɔ́ wiwa wú.

Hlɔ̌manu 2:7

É ná ná gbɛ mavɔ mavɔ mɛ e nɔ ɖó kan dó nǔ ɖagbe wiwa wú, bó nɔ́ ɖo susu kpó yɛ̌yi kpó, kpódó jɔmakú kpó ba ɖo gɔ̌n tɔn gbɔn mɔ̌ wɛ lɛ́ɛ.

Hlɔ̌manu 4:12

É lɛ́ nyí mɛ e gbo ada lɛ́ɛ sín tɔ́; é nyí mɛ e gbo ada kpowun lɛ́ɛ wɛ ǎ; lo ɔ́, mɛ e gbo ada, bó nɔ lɛ́ tɛ afɔ afɔdo tɔ́gbó mǐtɔn Ablaxámu tɔn mɛ, ɖo nǔɖiɖi sín alixo lɛ́ɛ wɛ: Ablaxámu ɔ́ kó ɖi nǔ cóbó wá gbo ada.

1 Tɛsalonikinu 1:3

Nǔgbó ɔ́, ɖo Mawu Tɔ́ mǐtɔn nukɔn ɔ́, mǐ nɔ́ flín lě e mi zé nǔɖiɖi mitɔn dó wa azɔ̌ ná sɔ é, mǐ nɔ́ flín lě e mi wa wǎn-yíyízɔ́ sɔ é; bɔ nukún e ɖó Aklúnɔ mǐtɔn Jezu Klísu wɛ mǐ ɖe ɔ́, lě e mi syɛ́nlǐn ɖ'é mɛ sɔ ɔ́, mǐ nɔ́ flín.

2 Tɛsalonikinu 1:4

Énɛ́ ɔ́ wú wɛ mǐ nɔ gó ɖo agun Mawu tɔn lɛ́ɛ mɛ ɖó mi wu; lě e mi dɛ ɖo ya e dó nú mi wɛ yě ɖe lɛ́ɛ kpó wǔvɛ́ e mɔ wɛ mi ɖe lɛ́ɛ kpó nu, lobo ɖó kan dó nǔ wú, bó kpo ɖo nǔ ɖi wɛ ɔ́ lɔ zɔ́n, bɔ mǐ nɔ́ gó.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 10:36

Nǔ e hu dó mi ɔ́ wɛ nyí ɖɔ mi ná dɛ, bó ná wa jlǒ Mawu tɔn, bó ná mɔ akpá e é dó ɔ́ yí.

Eblée 11:33

Nǔɖiɖi e yě ɖó ɔ́ zɔ́n bɔ yě fun ahwan, bó ɖu ɖo to gěgé jí; yě wa nǔ e sɔgbe ɔ́, bó mɔ nǔ e sín akpá Mawu dó ɔ́ yí. Nǔɖiɖi e yě ɖó ɔ́ zɔ́n bɔ yě sú kinnikínní lɛ́ɛ sín nu dó.

Eblée 12:1

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.

Eblée 13:7

Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.

Eblée 5:11

Mǐ ɖó nǔ gěgé bó ná ɖɔ nú mi dó xó énɛ́ ɔ́ wú; lo ɔ́, é ná vɛ́ wǔ ɖésú bɔ è nǎ tínmɛ nú mi, ɖó mi wá húzú mɛ e ma nɔ yá wǔ mɔ nukúnnú jɛ nǔ mɛ ǎ é.

Eblée 6:15

Ablaxámu ɖó sɔxwixwe, bó nɔ te kpɔ́n Mawu, bɔ énɛ́ ɔ́, nǔ e sín akpá Mawu dó ɔ́, é mɔ yí.

Jaki 1:3

ɖó mi tunwun ɖɔ ényí nǔɖiɖi mitɔn lí dǒ ɖo mɛ dó kpɔ́n lɛ́ɛ mɛ ɔ́, é nɔ zɔ́n bɔ è nɔ ɖó suúlu.

2 Piyɛ́ɛ 1:10

Énɛ́ ɔ́ wú ɔ́, nɔví lɛ́ɛ mi, mi lɛ́ dó gǎn d'é jí, bó zán gbɛ mitɔn nú é ní sɔgbe xá ylɔ̌ e Mawu ylɔ́ mi ɔ́ kpó cyán e é cyán mi ɔ́ kpó; ɖó nú mi nɔ wa nǔ gbɔn alɔkpa énɛ́ mɛ ɔ́, mi ná jɛ nǔ nyanya mɛ gbeɖé ǎ.

1 Jǎan 2:25

Nǔ e sín akpá Klísu ka dó nú mǐ ɔ́ wɛ nyí gbɛ mavɔ mavɔ.

Nǔɖexlɛ́mɛ 13:10

Mɛ e ɖo te nú gankpá mɛ ɔ́ ɖó ná yi gankpá mɛ; mɛ e ɖo te nú hwǐ kú ɔ́ ɖó ná kú hwǐ kú; nǔ énɛ́ ɔ́ byɔ́ ɖɔ mɛɖeɖóvo Mawu tɔn lɛ́ɛ ní dɛ, bó ɖó nǔɖiɖi.”