Biblia Todo Logo
Bìoball air-loidhne

- Sanasan -




Eblée 6:11 - MAWUXÓWÉMA

11 Amɔ̌ mǐ jló ɖɔ ɖokpó ɖokpó mitɔn ní ɖe bǐbí dó nǔ wú énɛ́ xlɛ́ káká sɔ́yi vivɔnu, bónú nǔ e ɖó nukún wɛ mi ɖe ɔ́ ná jɛ.

Faic an caibideil Dèan lethbhreac




Eblée 6:11
36 Iomraidhean Croise  

Hwɛjijɔ ná hɛn fífá wá; é ná ná mɛ ayi jɛ ayǐ kpó jiɖiɖe kpó káká sɔ́yi.


Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.


Teofílu! Mɛ gěgé tɛ́nkpɔ́n bó kpi nǔ e jɛ ɖo tɛ́ntin mǐtɔn lɛ́ɛ é sín tan dó wěma mɛ.


Mɛ e ɖó nǔníná e nɔ́ ná akɔ́nkpinkpan mɛ ɔ́ ɖó ná ná akɔ́nkpinkpan mɛ. Mɛ e nɔ ná nǔ mɛ ɔ́ ní nɔ hun alɔ bo nɔ ná mɛ. Mɛ e nyí nukɔntɔ́ ɔ́ ní bí dó azɔ̌ wú. Mɛ e nɔ d'alɔ gbɛ̌dónánɔ lɛ́ɛ ní nɔ́ bló kpódó xomɛhunhun kpó.


Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.


Nǔ atɔn e ná nɔ ayǐ sɔ́yi lɛ́ɛ ɖíe: nǔɖiɖi, nukúnɖíɖó kpó wǎn yíyí kpó; wǎn yíyí wɛ ka hú gǎn yě bǐ.


Énɛ́ ɔ́, nɔví ce vívɛ́ná lɛ́ɛ mi, mi syɛ́nlǐn, bó lí dǒ, lobo nɔ ɖo bǐbí dó Aklúnɔ sín azɔ̌ ɔ́ wú d'é jí wɛ ayǐhɔ́ngbe ayǐhɔ́ngbe; ɖó mi tunwun ɖɔ azɔ̌ e wa wɛ mi ɖe ɖo bǔ e mi ɖe xá Aklúnɔ mɛ ɔ́ kún ná gú mi ó.


Mǐdɛɛ lɛ́ɛ ɔ́, mǐ ɖo nukún ɖó wɛ ɖɔ Mawu ná sɔ́ mǐ dó húzú hwɛjijɔnɔ. Nǔ énɛ́ ɖó nukún wɛ mǐ ɖe gbɔn Yɛsinsɛn e ɖo azɔ̌ wa wɛ gbɔn nǔɖiɖi mɛ ɔ́ sín hlɔ̌nhlɔ́n jí;


Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.


Mǐ mɛ e ko lí dǒ ɖo nǔɖiɖi mɛ lɛ́ɛ bǐ ɔ́, mǐ ní lin nǔ ɖokpó ɔ́. É ka ɖo mɔ̌ có, ényí mɛɖé lɛ́ɛ ɖo mi mɛ, bó ɖó linlin vo ɔ́, Mawu ná ná wěziza mi d'é wú.


É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.


Hwenu e è hɛn xó nǔgbó e nyí Wɛn Ɖagbe ɔ́ wá mi gɔn azɔn nukɔn nukɔntɔn ɔ́, è ɖe nukúnɖíɖó e é nɔ ná mɛ ɔ́ xlɛ́ mi. Énɛ́ ɔ́, nǔɖiɖi mitɔn kpódó wǎn yíyí mitɔn kpán jínjɔ́n nǔ e ɖó nukún wɛ mi ɖe, bɔ Mawu sɔ́ ɖ'ayǐ nú mi ɖo sɛ́xwé ɔ́ jí.


Un ɖo ahwan fun wɛ, bónú yě ní ɖó akɔ́nkpinkpan nǔjɔnǔ tɔn, bónú yě ní nyí ɖokpó ɖo wǎn yíyí mɛ, bónú gǎnjɛwú e nǔnywɛ́ titewungbe ɔ́ nɔ ná mɛ ɔ́ ní gɔ́ ayi mɛ nú yě ganjí; énɛ́ ɔ́, yě ná sixú tunwun nǔbúdo Mawu tɔn; Klísu ɖésú wɛ nyí nǔbúdo énɛ́.


Đó mǐ jlá Wɛn Ɖagbe ɔ́ mi; mǐ ka jlá mi ɖó nu wú kpowun ǎ; lo ɔ́, mǐ jlá mi kpódó hlɔ̌nhlɔ́n kpó, kpó alɔgɔ́númɛ Yɛsinsɛn tɔn kpó, kpódó gǎnjɛwú titewungbe e ɖo Wɛn Ɖagbe énɛ́ mɛ ɔ́ kpó. Mi tunwun lě e mǐ zán gbɛ mǐtɔn gbɔn ɖo tɛ́ntin mitɔn, ɖó ɖagbe mitɔn wú é.


Wǎn yíyí énɛ́ wɛ mi ɖó nú nɔví lɛ́ɛ gbɔn Masedwani to ɔ́ bǐ mɛ. Amɔ̌, nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ wǎn yíyí énɛ́ ní nɔ lɛ́ jɛjí ayǐhɔ́ngbe ayǐhɔ́ngbe.


Nɔví lɛ́ɛ mi, midɛɛ lɛ́ɛ ɔ́, ɖagbewiwa ní ma ci kɔ nú mi ó.


Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.


Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.


Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.


yě lɛ́ kɔ wá ɖɔ nú Jozuwée ɖɔ: “É byɔ́ ɖɔ è nǐ sɛ́ ahwangɔnu ɔ́ bǐ dó ahwan fun xá toxo énɛ́ ɔ́ gbé ǎ. Gbɛtɔ́ afɔwó (2.000) abǐ afɔwó-afatɔ́n (3.000) yi ɔ́, é kó kpé, ɖó mɛ e ɖo toxo ɔ́ mɛ lɛ́ɛ sukpɔ́ ɖěbǔ ǎ. È nǎ xaji dó tagba nú ahwangɔnu mǐtɔn ɔ́ bǐ ǎ.”


É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.


Énɛ́ ɔ́ wú ɔ́, nɔví lɛ́ɛ mi, mi lɛ́ dó gǎn d'é jí, bó zán gbɛ mitɔn nú é ní sɔgbe xá ylɔ̌ e Mawu ylɔ́ mi ɔ́ kpó cyán e é cyán mi ɔ́ kpó; ɖó nú mi nɔ wa nǔ gbɔn alɔkpa énɛ́ mɛ ɔ́, mi ná jɛ nǔ nyanya mɛ gbeɖé ǎ.


Énɛ́ ɔ́ wú ɔ́, nɔví ce vívɛ́ná lɛ́ɛ mi, ée mi ɖo te kpɔ́n nǔ énɛ́ lɛ́ɛ sín jijɛ ɔ́, mi bo ɖo nǔ e wú mi kpé ɔ́ bǐ wa wɛ, bó ná dó nyí mɛ mímɛ́ ma ɖó blɔ̌ ɖo wǔ ɖo Mawu nukɔn, bó ná dó nɔ fífá mɛ kpó Mawu kpó.


Mǐ tunwun ɖɔ mǐ gosín kú wá gbɛ; mǐ tunwun mɔ̌, ɖó mǐ yí wǎn nú nɔví mǐtɔn lɛ́ɛ. Mɛ e ma ka yí wǎn nú mɛ ǎ é kpo ɖo kú.


Lě e mǐ ná tunwun ɖɔ mǐ nyí nǔgbó ɔ́ tɔn gbɔn ɔ́ nɛ́; lě e ayi mǐtɔn ná ɖó gǎnjɛwú ɖo Mawu nukɔn gbɔn é nɛ́.


“Mɛ e ná ɖu ɖ'é jí, bó ná wa nǔ e un jló ɔ́ káká yi vivɔnu ɔ́, un ná ná ɛ acɛ e nyɛ ɖésúnɔ un yí ɖo Tɔ́ ce sí é: un ná ná bɔ é ná kpa acɛ nú akɔta lɛ́ɛ. Acɛkpikpa tɔn ná syɛ́n gankpo ɖɔhun, bó ná gba yě hánnyá lě e è nɔ gba kozɛ́n hánnyá gbɔn é.


Lean sinn:

Sanasan


Sanasan