Eblée 6:10 - MAWUXÓWÉMA

¹⁰ Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

Eblée 6:10 Iomraidhean Croise

Nɛɛmíi 13:22

Un ka ɖɔ nú Levíi ví lɛ́ɛ ɖɔ yě ní slá wǔ, bó cɔ́ hɔntogbó lɛ́ɛ gbɔjɛzán gbe, nú gbɔjɛzán ɔ́ ná nyí nǔsísí. “Mawu ce, flín mì ɖó nǔ énɛ́ ɔ́ wú, bó kpɔ́n dó nǔbláwǔkúnúmɛ towe wú, bó cyɔ́n alɔ jǐ ce.”

Nɛɛmíi 13:31

Nakí e è nɔ ná hwe ɖé lɛ́ɛ nu é, kpó jinukún nukɔntɔn e è nɔ ná lɛ́ɛ kpó ɔ́, un lɛ́ flín yě. Mawu ce, flín mì bó sɔ́ nukún ɖagbe dó kpɔ́n mì ná.

Nɛɛmíi 5:19

Mawu ce, kpɔ́n dó nǔ e un wa nú togun élɔ́ é wú, bó ná fífá towe mì.

Ɖɛhan 20:3

É ní nɔ tɛn mímɛ́ tɔn mɛ dɔ̌n, bó sɛ́ alɔgɔ́ dó! É ní nɔ Sinyɔ́ɔ bó dó alɔ we!

Tíntɔ́n 1:20

Énɛ́ wú ɔ́, Mawu wa ɖagbe nú ajinɔtɔ́ lɛ́ɛ. Izlayɛ́li ví lɛ́ɛ ká fɔ́n bó ɖo jiji wɛ, bó sukpɔ́ ɖésú.

Nǔnywɛ́xó 14:31

Mɛ e nɔ gba acɛ lelenɔ wú ɔ́, agɔ tawun wɛ é nyí bɔ é jɛ dó mɛ e bló e é. Mɛ e ka nɔ kú nǔbláwǔ nú wamamɔnɔ ɔ́ sɔ́ mɛ e bló e ɔ́ su.

Nǔnywɛ́xó 19:17

Mɛ e nɔ ná nǔ wamamɔnɔ ɔ́, nǔ wɛ é nya nú Mawu Mavɔmavɔ; Mawu ná ná ajɔ tɔn ɛ.

Nǔnywɛ́tɔ́xó 11:1

È ma sɔ́ nǔ nyi gbě ǎ ɔ́, è nɔ mɔ nǔ sɔ́ ǎ.

Jelemíi 18:20

Yě kun do gɔngɔn bɔ un ná jɛ mɛ. È nɔ wa ɖagbe bo nɔ yí alɔgúdokpɛ́ a? Mawu, flín ɖɔ nukɔn towe wɛ un nɔ, bó byɔ́ ɖɔ hwi ní jó xomɛ e a sin dó yě ɔ́ dó.

Jelemíi 31:16

Lo ɔ́, Mawu Mavɔmavɔ ɖɔ n'i ɖɔ: “Ma ya avǐ ó, súnsún nukún mɛ; un ná dó gbɔ nú we ɖó wǔvɛ́ e a mɔ lɛ́ɛ wú. Nyɛ Mawu Mavɔmavɔ wɛ ɖɔ mɔ̌. Vǐ towe lɛ́ɛ ná gosín kɛntɔ́ yětɔn lɛ́ɛ sín to mɛ bó lɛ́ kɔ wá.”

Matíe 10:42

Bɔ mɛ ɖěbǔ ka ná sin fífá kɔ́fu ɖokpó kpowun yɔkpɔ́vú lěhunkɔtɔn, ɖó é nyí ahwanvú ce wútu ɔ́, má ɖɔ nǔgbó nú mi, é ná ba ajɔ tɔn kpo ǎ.”

Matíe 20:7

Yě yí gbe n'i ɖɔ: ‘Mɛ ɖěbǔ ma yí mǐ dó azɔ̌mɛ nɛ́!’ Glenɔ ɔ́ ka ɖɔ nú yě ɖɔ: ‘Mi lɔmɔ̌, mi bo wá yi vǐwungle ce mɛ bó yi wa azɔ̌.’

Matíe 25:17

Mɔ̌ ɖokpó ɔ́, mɛ e yí sikágankwɛ́ ɖaxó we ɔ́ lɔmɔ̌ ɖu we ɖěvo sín le d'é jí.

Maki 9:41

Má ɖɔ nǔgbó nú mi: mɛ e ná ná sin kɔ́fu ɖokpó mi, ɖó Klísu tɔn e mi nyí ɔ́ wútu ɔ́, é ná ba ajɔ tɔn kpo ǎ.

Jǎan 13:20

Má ɖɔ nǔgbó nú mi: mɛ e yí mɛ e un sɛ́ dó ɔ́ ɖěbǔ sín jǒnɔ ɔ́, nyɛ ɖésúnɔ wɛ é yí, bɔ mɛ e ka yí mì ɔ́, mɛ e sɛ́ mì dó ɔ́ wɛ é yí.”

Mɛsɛ́dó 10:31

Nya ɔ́ ɖɔ nú mì ɖɔ: ‘Kɔnɛ́yi, Mawu yí ɖɛ towe, bó flín nǔ e a nɔ ná wamamɔnɔ lɛ́ɛ é.

Mɛsɛ́dó 10:4

Ée Kɔnɛ́yi mɔ wɛnsagun ɔ́, xɛsi jɛ jǐ tɔn; é ká kpɔ́n ɛ tlítlí, bó kanbyɔ́ ɛ ɖɔ: “Nɛ̌ ká gbɔn Aklúnɔ?” Bɔ wɛnsagun ɔ́ yí gbe n'i ɖɔ: “Đɛ e a nɔ xo lɛ́ɛ, kpódó nǔ e a nɔ ná wamamɔnɔ lɛ́ɛ kpán ɔ́, bǐ wɛ Mawu yí, bó flín we.

Mɛsɛ́dó 11:29

Énɛ́ ɔ́, ahwanvú lɛ́ɛ ɖe gbeta tɔ́n, ɖɔ émí ɖokpó ɖokpó ná ná nǔ e wú émí kpé ɔ́, bɔ è nǎ sɛ́ dó nɔví émítɔn ɖo Klísu mɛ e ɖo Judée lɛ́ɛ, bó dó dó alɔ yě ná.

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

2 Kɔlɛ́ntinu 9:1

Nǔ e è sɛ́ dó mɛɖeɖóvo Mawu tɔn e ɖo Judée lɛ́ɛ, bó dó dó alɔ yě ɔ́, é byɔ́ dandan ɖɔ ma wlán wěma sɛ́ dó mi d'é wú ǎ.

Galatinu 5:13

Nɔví lɛ́ɛ mi, midɛɛ lɛ́ɛ ɔ́, mi ná nɔ mi ɖésúnɔ sí wú wɛ Mawu ylɔ́ mi; amɔ̌ mi ma kpɔ́n ɖɔ émí ko ɖo émí ɖésúnɔ sí, bó wa nǔ e jló mi ɔ́ ó. Lo ɔ́, mi xwedó wǎn yíyí Mawu tɔn, bó húzú mɛsɛntɔ́ nú miɖée.

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Galatinu 6:10

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

Kolósinu 3:17

Mi nɔ wa nǔ e wa wɛ mi ɖe lɛ́ɛ bǐ ɖo Aklúnɔ Jezu sín nyǐkɔ mɛ; mi nɔ ɖɔ xó e ɖɔ wɛ mi lɛ́ɛ bǐ ɖo Aklúnɔ Jezu sín nyǐkɔ mɛ, bó nɔ dó kú nú Mawu Tɔ́ ɔ́ gbɔn jǐ tɔn.

1 Tɛsalonikinu 1:3

Nǔgbó ɔ́, ɖo Mawu Tɔ́ mǐtɔn nukɔn ɔ́, mǐ nɔ́ flín lě e mi zé nǔɖiɖi mitɔn dó wa azɔ̌ ná sɔ é, mǐ nɔ́ flín lě e mi wa wǎn-yíyízɔ́ sɔ é; bɔ nukún e ɖó Aklúnɔ mǐtɔn Jezu Klísu wɛ mǐ ɖe ɔ́, lě e mi syɛ́nlǐn ɖ'é mɛ sɔ ɔ́, mǐ nɔ́ flín.

1 Timɔtée 6:18

Kplɔ́n nǔ yě ɖɔ yě ní nɔ wa ɖagbe, bó kplɔ́n yě ɖɔ yě ní nɔ wa nǔ ɖagbe gěgé. Yě ní nɔ hun alɔ bó ná nǔ mɛ, bó nɔ gbesisɔ mɛ, bó ná má nǔ e yě ɖó ɔ́ xá mɛ ɖě lɛ́ɛ.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 10:32

Mi ní flín nǔ e ko gbo mi ɖ'ayǐ hwenu e mi mɔ wěziza Mawu tɔn é; mi ji ya hwenɛ́nu ɖésú, có bó ka syɛ́nlǐn ɖo ahwan nukɔn.

Eblée 13:16

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

1 Jǎan 1:9

Ényí mǐ ka ɖɔ hwɛ mǐtɔn lɛ́ɛ nú Mawu ɔ́, mǐ hɛn ɔ́, mǐ ná ɖeji dó wǔ tɔn, ɖó nǔ jlɔ́jlɔ́ wɛ é nɔ wa; é ná sɔ́ hwɛ mǐtɔn lɛ́ɛ kɛ mǐ, bó ná lɛ mǐ wé sín nǔ nyanya e mǐ wa lɛ́ɛ bǐ mɛ.