Eblée 6:1 - MAWUXÓWÉMA

¹ Hǔn, mi bo nú mǐ ná yi nukɔn, bó dín zɛ nǔkplɔ́nmɛ nukɔn nukɔntɔn e ɖɔ xó dó Klísu wú lɛ́ɛ wú, bó jɛ nǔ e è nɔ kplɔ́n mɛ e ko su ɖo nǔɖiɖi mɛ lɛ́ɛ ɔ́ kplɔ́n jí. Nǔ e jí nǔkplɔ́nmɛ énɛ́ ɔ́ jínjɔ́n lɛ́ɛ ɖěvo wɛ mǐ ná lɛ́ vɔ ɖ'ayǐ ǎ; yě wɛ nyí ɖɔ: é ɖo dandan mɛ ɖɔ è nǐ lɛ́ kɔ sín azɔ̌ e ma nyí nǔɖé wa nú ǎ lɛ́ɛ gúdo, bó ɖi nǔ nú Mawu;

Eblée 6:1 Iomraidhean Croise

Nǔnywɛ́xó 4:18

Mɛ e nɔ wa nǔ jlɔ́jlɔ́ lɛ́ɛ sín ali cí wěziza zǎnzǎn tɔn ɖɔhun; é nɔ́ ɖo hǐnhɔ́n wɛ, é nɔ́ ɖo hǐnhɔ́n wɛ káká bó nɔ́ wá hɔ́n bǐ, bó nɔ́ cí wěziza hwemɛ tɔn ɖɔhun.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Matíe 21:29

Vǐ ɔ́ ka gbɛ́; zaanɖé ɔ́, é húzú ayixa bó yi wa azɔ̌ ɖo gle ɔ́ mɛ.

Matíe 21:32

Ɖó Jǎan wá mi gɔ́n, bó kplɔ́n nǔ mi dó lě e mi ná wa nǔ jlɔ́jlɔ́ gbɔn ɔ́ wú, bɔ midɛɛ lɛ́ɛ ɔ́, mi ka yí xó tɔn se ǎ. Lo ɔ́, tokwɛ́yítɔ́ lɛ́ɛ kpódó agalɛtɔ́ lɛ́ɛ kpó yí xó tɔn se, bó lɛ́ kɔ sín hwɛ yětɔn lɛ́ɛ gúdo. Mi mɔ nǔ énɛ́ lɛ́ɛ, có é ka ɖɔ nǔ ɖěbǔ nú mi ɖo ayi mɛ, bónú mi lɔmɔ̌ ná yí xó tɔn se, bó lɛ́ kɔ sín hwɛ mitɔn lɛ́ɛ gúdo ǎ.”

Matíe 3:2

bó nɔ́ ɖɔ: “Mi lɛ́ kɔ sín hwɛ mitɔn lɛ́ɛ gúdo, ɖó axɔ́súɖuɖu sɛ́xwé tɔn kó sɛ yá.”

Matíe 4:17

Bɛ́ sín hwenɛ́nu ɔ́, Jezu jɛ Wɛn Ɖagbe ɔ́ jlá jí, bo nɔ ɖɔ: “Mi lɛ́ kɔ sín hwɛ mitɔn lɛ́ɛ gúdo, ɖó axɔ́súɖuɖu sɛ́xwé tɔn ko sɛ yá.”

Matíe 5:48

Ényí mɔ̌ hǔn, mi bo yí wǎn nú mɛ bǐ, lě e Tɔ́ mitɔn e ɖo sɛ́xwé ɔ́ yí wǎn nú mɛ bǐ gbɔn é.”

Matíe 7:25

Jǐ ja, tɔ ɖi sin, jɔhɔn nyi dó xɔ ɔ́ jí kpódó hlɔ̌nhlɔ́n kpó có xɔ ɔ́ ka mu ǎ, ɖó só jí wɛ è dǒ xɔ ɔ́ do nyi.

Maki 1:1

Fí e Wɛn Ɖagbe e ɖɔ xó dó Jezu Klísu Mawu ví ɔ́ wú ɔ́ bɛ́ sín ɔ́ ɖíe.

Maki 6:12

Yě sɔ́ nǔ bó yi, bó jɛ Mawuxó jlá mɛ lɛ́ɛ jí, ɖɔ yě ní lɛ́ kɔ sín hwɛ yětɔn lɛ́ɛ gúdo.

Luki 6:48

È nǎ jlɛ́ ɛ dó nya ɖé wú, bɔ é ja xɔ mɛ gbé, bó kun do káká bó yi mɔ awǐnnya, bó dó xɔ ɔ́ do dó awǐnnya ɔ́ jí. Tɔ wá ɖi sin, bó sa yi gba dó xɔ ɔ́ wú, xɔ ɔ́ ka dán wǔ ǎ, ɖó é mɛ ganjí.

Jǎan 12:44

Jezu zé gbe yi jǐ, bo ɖɔ: “Mɛ e ɖi nǔ nú mì ɔ́, nyɛ kɛ́ɖɛ́ wɛ é ɖi nǔ ná ǎ; é lɛ́ ɖi nǔ nú mɛ e sɛ́ mì dó é.

Jǎan 14:1

Jezu ɖɔ nú ahwanvú tɔn lɛ́ɛ ɖɔ: “Mi ma nú ayi mitɔn gbadó ó. Mi ɖi nǔ nú Mawu, bó ɖi nǔ nú nyɛ lɔmɔ̌.

Jǎan 5:24

“Má ɖɔ nǔgbó nú mi: mɛ e ɖótó xó ce, bó ɖi nǔ nú mɛ e sɛ́ mì dó ɔ́ kó mɔ gbɛ mavɔ mavɔ, bɔ è sɔ́ ná ɖó hwɛ n'i ǎ, ɖó é kó xo kú zlɛ́ wá gbɛ.

Mɛsɛ́dó 11:18

Ée yě se mɔ̌ ɔ́, xomɛ yětɔn fá, bɔ yě jɛ susu kpa nú Mawu jí, bó nɔ́ ɖɔ: “Mawu bló, bɔ mɛ e ma nyí Jwifu ǎ lɛ́ɛ lɔmɔ̌ sixú lɛ́ kɔ sín hwɛ yětɔn lɛ́ɛ gúdo, bó ná sixú mɔ gbɛ mavɔ mavɔ.”

Mɛsɛ́dó 17:30

Nǔ ma nywɛ́ sín gbɛ e gbɛtɔ́ lɛ́ɛ kó zán ɖo hwenu e yě ɖo manywɛ́ mɛ ɔ́, Mawu lɛ́n hwɛ tɔn dó kɔ nú yě ǎ; amɔ̌ din ɔ́, é wá ɖo byɔ̌byɔ́ gbɛtɔ́ lɛ́ɛ bǐ wɛ, ɖo fí ɖěbǔ e yě kó ɖe ɔ́, ɖɔ yě ní lɛ́ kɔ sín hwɛ yětɔn lɛ́ɛ gúdo.

Mɛsɛ́dó 2:38

Piyɛ́ɛ ka yí gbe nú yě ɖɔ: “Mi lɛ́ kɔ sín hwɛ mitɔn lɛ́ɛ gúdo; ɖokpó ɖokpó mitɔn ní lɛ yɛhwesin ɖo Jezu Klísu nyǐkɔ mɛ, bónú Mawu ná sɔ́ hwɛ mitɔn lɛ́ɛ kɛ mi, bɔ mi ná mɔ Yɛsinsɛn e nyí nǔníná Mawu tɔn ɔ́ yí.

Mɛsɛ́dó 20:21

Un ɖɔ nú Jwifu lɛ́ɛ, bó ɖɔ nú mɛ e ma nyí Jwifu ǎ lɛ́ɛ ɖɔ yě ɖó ná lɛ́ kɔ sín hwɛ yětɔn lɛ́ɛ gúdo, bó húzú jɛ Mawu li jí, bó ɖi nǔ nú Aklúnɔ mǐtɔn Jezu.

Mɛsɛ́dó 26:20

Lo ɔ́, un to yi ɖɔ Mawuxó ɔ́ nú Damásinu lɛ́ɛ kpódó Jeluzalɛ́munu lɛ́ɛ kpó hwɛ̌, bó lɛ́ wá yi ɖɔ nú mɛ e ɖo Judée gbé jí lɛ́ɛ bǐ, kpódó mɛ e ma nyí Jwifu ǎ lɛ́ɛ kpán, bó ɖɔ nú yě ɖɔ yě ní lɛ́ kɔ sín hwɛ yětɔn lɛ́ɛ gúdo; yě ní wá Mawu gɔ́n; yě ní nɔ wa nǔ e ná ɖe xlɛ́ ɖɔ yě lɛ́ kɔ sín hwɛ yětɔn lɛ́ɛ gúdo nǔgbó é.

Mɛsɛ́dó 3:19

Hǔn mi bo lɛ́ kɔ sín hwɛ mitɔn lɛ́ɛ gúdo, bó wá Mawu gɔ́n, bónú é ná súnsún hwɛ mitɔn lɛ́ɛ.

1 Kɔlɛ́ntinu 13:10

Amɔ̌, hwenu e nǔ e sɔgbe é ná wá ɔ́, nǔ e ma sɔgbe ǎ ɔ́ ná bú.

1 Kɔlɛ́ntinu 2:6

É ɖo mɔ̌ có, un ɖo nǔnywɛ́ ɖé kplɔ́n klísusɛntɔ́ e ko zin ɖo nǔɖiɖi mɛ lɛ́ɛ wɛ; amɔ̌ nǔnywɛ́ énɛ́ nyí nǔnywɛ́ gbɛmɛ fí tɔn ǎ; é ka nyí hlɔ̌nhlɔ́n e ɖo acɛ kpa wɛ ɖo gbɛ élɔ́ mɛ, bɔ è ka ná wá hu acɛ ná lɛ́ɛ ǎ .

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

2 Kɔlɛ́ntinu 7:10

Đó aluwɛ e Mawu nɔ dó wa azɔ̌ ná ɔ́ nɔ́ ná mɛ jijɔ húzúhúzú e nɔ kplá mɛ bɔ è nɔ mɔ hwlɛngán é, bɔ é sɔ́ nɔ vɛ́ nú mɛ ǎ. Lo ɔ́, aluwɛ e mɛ gbɛ ɔ́ nɔ dɔn mɛ dó ɔ́, kú wɛ é nɔ kplá mɛ hɛn yi.

Efɛ́zinu 2:1

Đ'ayǐ xóxó ɔ́, mɛkúkú ɖɔhun wɛ mi cí, ɖó tónú e mi ma nɔ se nú Mawu é, kpódó hwɛ e mi nɔ hu lɛ́ɛ kpó wú.

Efɛ́zinu 2:5

bɔ hwenu e mǐ kpo ɖo mɛkúkú ɖɔhun cí wɛ ɖo nukɔn tɔn, ɖó hwɛ mǐtɔn lɛ́ɛ wú ɔ́, é bló bɔ mǐ lɛ́ wá gbɛ kpódó Klísu kpó. Fɛ́nú Mawu tɔn mɛ wɛ mi mɔ hwlɛngán ɖe.

Efɛ́zinu 4:12

É bló mɔ̌, bó ná bló mɛɖeɖóvo Mawu tɔn lɛ́ɛ ɖó, bɔ yě ná sixú wa azɔ̌ e nyí klísusɛntɔ́ tɔn é; é ná bló bɔ agun e nyí agbaza Klísu tɔn ɔ́ ná yi nukɔn ɖo nǔɖiɖi mɛ,

Kolósinu 1:28

Énɛ́ ɔ́, mǐ nɔ jlá Klísuxó ɔ́ mɛ bǐ; mǐ nɔ́ zé nǔnywɛ́ e Mawu ná mǐ ɔ́ bǐ dó ɖó afɔ afɔ jí nú mɛ bǐ, dó kplɔ́n nǔ mɛ bǐ, bónú mɛ bǐ ná sixú zin ɖo nǔɖiɖi mɛ, ɖo bǔ e yě ɖe xá Klísu ɔ́ mɛ, ɖo Mawu nukɔn.

Kolósinu 3:14

Mi sɔ́ wǎn yíyí gbá dó nǔ énɛ́ lɛ́ɛ bǐ jí; ɖó wǎn yíyí ɔ́ wɛ nɔ dɔn nǔ énɛ́ lɛ́ɛ bǐ cá, bɔ yě nɔ́ nɔ bǔ ganjí.

Kolósinu 4:12

Epaflasi e nyí mɛ mitɔn ɔ́ lɔmɔ̌ dó gbe sɛ́ dó mi; mɛsɛntɔ́ Klísu Jezu tɔn énɛ́ ɔ́ nɔ gɔn ɖɛ xo, kpódó ayixa tɔn bǐ sésé kpán dó ta mitɔn mɛ ǎ, bónú mi ná dó sixú syɛ́nlǐn, bó ná zin ɖo nǔɖiɖi mɛ, bó ná sɔgbe titewungbe, bó ná wa nǔ e Mawu jló ɔ́ bǐ.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 12:13

Mi ɖe ali jlɔ́jlɔ́ bó gbɔn jí, bónú afɔ e ɖó blɔ̌ ɔ́ ní ma lílɛ́ ó; lo ɔ́, afɔ énɛ́ ní jɛ afɔ tɛnmɛ.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Jaki 1:4

Amɔ̌, mi nɔ acéjí bónú suúlu e mi ɖó ɔ́ ní wa azɔ̌ kpíkpé, bónú mi ná zin, bó ná jɛ ayǐ ɖo nǔ ɖěbǔ mɛ ǎ.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.

1 Jǎan 4:12

Mɛ ɖé mɔ Mawu kpɔ́n gbeɖé ǎ; ényí mǐ yí wǎn nú mǐɖée ɔ́, Mawu ɖo ayi mǐtɔn mɛ, bɔ wǎn yíyí tɔn sɔgbe ɖo mǐ mɛ bɔ nǔ bǐ vɔ ɖ'é wú.