Eblée 5:9 - MAWUXÓWÉMA

⁹ Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 5:9 Iomraidhean Croise

Ɖɛhan 45:17

Vǐ towe lɛ́ɛ ná yi tɔ́gbó towe lɛ́ɛ zinkpo jí; a nǎ sɔ́ gǎn yě gbɔn to ɔ́ bǐ mɛ.

Ɖɛhan 51:6

Hwi ɖokpónɔ géé wɛ un hu hwɛ dó, un wa nǔ e ma nyɔ́ nukún towe mɛ ǎ lɛ́ɛ; a na bo ɖó hwɛ ɖěbǔ nú mì hǔn, hwɛ towe jɔ; mɛɖé ná mɔ hwɛ nú we ǎ.

Ɖɛhan 51:8

Gbɛtɔ́ ɖó sísí nú nǔgbó ɖo ayi mɛ ɔ́, xomɛ nɔ hun we. Blǒ bónú má mɔ nǔ jɛ nǔnywɛ́ towe wú ɖo ayi ce mɛ.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Ezayíi 55:3

Mi ɖótó te, mi wá gɔ̌n ce. Mi ɖótó mì, bó ná nɔ gbɛ.” Mawu ɖɔ: “Un ná jɛ akɔ mavɔ mavɔ ɖokpó xá mi; un ná bló mɔ̌, bó ná dó hɛn ɖagbe e sín akpá un dó nú Davídi é ɖó te káká sɔ́yi.

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

Zakalíi 6:15

Mɛ ɖé lɛ́ɛ ná gosín zɔ wá, bó ná dó alɔ mɛ e ɖo sinsɛnxɔ Mawu Mavɔmavɔ tɔn vɔ́ gbá wɛ lɛ́ɛ. Hwe énɛ́ ɔ́ nu ɔ́, mi ná tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó mi gɔ́n nǔgbó. Nú mi se tónú nú Mawu Mavɔmavɔ, Mawu mitɔn ɔ́, nǔ ná nyí mɔ̌.

Matíe 17:5

Xó énɛ́ ɖɔ wɛ Piyɛ́ɛ ɖe kɛ́ɖɛ́ bɔ akpɔ́kpɔ́ wěwé tété ɖé wá cyɔ́n yě, bɔ gbe ɖé nɔ́ ɖi ɖo akpɔ́kpɔ́ ɔ́ mɛ, bó nɔ́ ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn; mi ɖótó e.”

Luki 13:32

Jezu ka yí gbe nú yě ɖɔ: “Mi yi ɖɔ nú nya nǔhɛngblétɔ́ ayǐsájɛ ɖɔhun énɛ́ ɔ́ ɖɔ égbé kpódó sɔ́ kpán ɔ́, un ná ɖo yɛ nyanya lɛ́ɛ nya sín mɛ lɛ́ɛ jí wɛ, bó ná ɖo azɔn gbɔ nú mɛ lɛ́ɛ wɛ, bɔ azǎn atɔngɔ́ ɔ́ gbe ɔ́, un ná wa azɔ̌ ce fó.

Jǎan 19:30

Ée Jezu nu vɛ̌ɛn sinvɛ́sinvɛ́ ɔ́, é ɖɔ: “Nǔ bǐ fó!” Bó dó kɔ do, bó bɔnu.

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

Mɛsɛ́dó 4:12

É ɖokpónɔ géé jɛ́n sixú hwlɛ́n mɛ gán; ɖó, gbɔn gbɛ ɔ́ bǐ mɛ ɔ́, Mawu sɔ́ ná mɛ ɖěvo gbɛtɔ́ lɛ́ɛ ɖo fí ɖěbǔ, bɔ mi ná mɔ hwlɛngán gbɔn jǐ tɔn ǎ.”

Mɛsɛ́dó 5:32

Mǐ nyí kúnnuɖetɔ́ nǔ énɛ́ lɛ́ɛ tɔn; mǐ kpódó Yɛsinsɛn e Mawu nɔ́ ná mɛ e nɔ se tónú n'i lɛ́ɛ é kpán.”

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

Hlɔ̌manu 10:16

Amɔ̌, mɛ bǐ yí gbe nú Wɛn Ɖagbe ɔ́ ǎ. Nǔgbó ɔ́, Ezayíi ɖɔ: “Aklúnɔ, mɛ̌ ka ɖi nǔ nú Mawuxó e mǐ ɖɔ é?”

Hlɔ̌manu 15:18

Đó ényí un glá bó ɖɔ nǔɖé xó ɔ́, azɔ̌ e Klísu wa gbɔn jǐ ce, bó ná dɔn mɛ e ma nyí Jwifu ǎ lɛ́ɛ, bónú yě ná se tónú nú Mawu ɔ́ sín xó kɛ́ɖɛ́ jɛ́n é ná nyí; é wa azɔ̌ énɛ́ gbɔn xóɖiɖɔ kpó nǔwiwa kpó mɛ,

Hlɔ̌manu 2:8

Lo ɔ́, Mawu ná sin xomɛ ɖésú dó mɛ e nɔ fɔ́n gǔ dó jǐ tɔn, bó ma nɔ́ se tónú nú nǔgbó ɔ́ ǎ, bó nɔ́ kpo nú nǔ nyanya wiwa kɛ́ɖɛ́ lɛ́ɛ é.

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

2 Kɔlɛ́ntinu 10:5

Nǔ e è sɔ́ goyíyí dó glɔ́n ali ná, bónú è ma tunwun Mawu ó lɛ́ɛ bǐ ɔ́, mǐ nɔ́ flí bǐ xwe; mǐ nɔ́ wlí linlin lɛ́ɛ bǐ dó gan, bó ná dɔn yě nú yě ná se tónú nú Klísu.

Filípunu 2:12

Énɛ́ ɔ́, mɛvívɛ́ná ce lɛ́ɛ mi, hwenu e un ɖo kpɔ́ xá mi ɔ́, mi nɔ se tónú nú mì tɛgbɛ; din e un ma ka sɔ́ ɖo kpɔ́ xá mi ǎ ɔ́, é lɛ́ ɖo tají ɖɔ mi ní lɛ́ se tónú nú mì. Mi wa azɔ̌ kpó xɛsi kpó, kpódó sísɔ́sísɔ́ kpán nú hwlɛngán mitɔn ná nyí hwlɛngán kpíkpé.

2 Tɛsalonikinu 2:16

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 11:40

Nǔgbó ɔ́, ée Mawu ko sɔ́ nǔɖé ɖ'ayǐ nú mǐ bɔ é nyɔ́ hú mɔ̌ ɔ́, é jló ɖɔ mɛ énɛ́ lɛ́ɛ ní húzú mɛ mímɛ́ bɔ nǔ bǐ ná vɔ ɖ'é wú mǐdɛɛ lɛ́ɛ mɛ vo ǎ.

Eblée 11:8

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 2:10

Nǔgbó ɔ́, é jɛ xá hwenɛ́nu ɖɔ Mawu e bló nǔ bǐ, bó hɛn nǔ bǐ ɖó tɛn yětɔn yětɔn mɛ ɔ́, ní bló nú Jezu ní mɛ́ yí fó, gbɔn wǔvɛ́mimɔ gbla mɛ. Mawu blǒ mɔ̌, bó ná dɔn vǐ gěgé wá susu tɔn mɛ gbɔn Jezu jí. Đó Jezu wɛ nyí gǎn e nɔ xlɛ́ hwlɛngánli ɔ́ yě ɔ́.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

Judi 1:21

ée mi ɖo te nú Aklúnɔ mǐtɔn Jezu Klísu ná ná gbɛ mavɔ mavɔ mi ɖo xomɛnyínyɔ́ tɔn mɛ ɔ́, mi hɛn miɖée ɖo wǎn yíyí Mawu tɔn mɛ.