Eblée 5:8 - MAWUXÓWÉMA

⁸ É kplɔ́n tónúsise gbɔn ya e é ji lɛ́ɛ gbla mɛ, có Mawu ví wɛ é ka nyí.

Eblée 5:8 Iomraidhean Croise

Ezayíi 53:5

Lo ɔ́, hwɛ mǐtɔn lɛ́ɛ wú wɛ è gblě wǔ i; nǔwanyido mǐtɔn lɛ́ɛ hu i dó anyǔ mɛ. Tódɔnnúmɛ e ná fífá mǐ ɔ́, é wɛ è dɔn ná, bɔ wǔ e è gblě e ɔ́ gbɔ azɔn nú mǐ.

Matíe 3:15

Jezu ka yí gbe n'i ɖɔ: “Vɛ̌ gbɔ, ní to nyí mɔ̌ hwɛ̌; ɖó lě e mǐ sixú wa nǔ jlɔ́jlɔ́ gbɔn é nɛ́.” Énɛ́ ɔ́, Jǎan yí gbe.

Jǎan 10:18

Mɛɖěbǔ ná yí gbɛ ce sín así ce ǎ; lo ɔ́, nyɛ ɖésú wɛ jló bó sɔ́ jó; ɖó un ɖó acɛ e sɔ́ gbɛ ce jó é, bó ka lɛ́ ɖó acɛ e lɛ́ vɔ́ yí é. Tɔ́ ce wɛ ná acɛ énɛ́ ɔ́ mì. Lě e Tɔ́ ce zɔ́n mì gbɔn ɔ́ nɛ́.”

Jǎan 15:10

Ényí mi nyi sɛ́n ce lɛ́ɛ ɔ́, mi ná nɔ wǎn yíyí ce mɛ, lě e nyɛ nyi Tɔ́ ce sín sɛ́n lɛ́ɛ, bó ɖo wǎn yíyí tɔn mɛ ɔ́ ɖɔhun.

Jǎan 4:34

Jezu ka ɖɔ nú yě ɖɔ: “Nǔɖuɖu ce wɛ nyí ɖɔ ma bló jlǒ mɛ e sɛ́ mì dó ɔ́ tɔn, bó ka wa azɔ̌ e é zɔ́n mì ɔ́ yi kpé.

Jǎan 6:38

Đó un jɛ te sín jǐxwé, bó ná bló jlǒ ce ǎ; lo ɔ́, nǔ e jló mɛ e sɛ́ mì dó ɔ́ bló gbé un ja bo wá.

Filípunu 2:8

É yí gbe bó sɔ́ éɖée hwe, bó se tónú nú Mawu káká yi kú; aklúzu jí wɛ é kú ɖe lɔ .

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Eblée 1:5

Đó Mawu ɖɔ nú wɛnsagun tɔn lɛ́ɛ ɖě gbeɖé ɖɔ: “Vǐ ce wɛ a nyǐ, bɔ égbé ɔ́, un ji we” ǎ. É ka ɖɔ dó wɛnsagun ɖé wú gbeɖé ɖɔ: “Un ná nyí tɔ́ n'i, bɔ éyɛ́ ná nyí vǐ nú mì” ǎ.

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.