Eblée 5:7 - MAWUXÓWÉMA

⁷ Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Eblée 5:7 Iomraidhean Croise

Ɖɛhan 22:24

“Mi mɛ e nɔ sí Mawu Mavɔmavɔ lɛ́ɛ mi, mi kpa susu nú Mawu Mavɔmavɔ; Jakɔ́bu ví e mi, mi bǐ ní sɔ́ Mawu Mavɔmavɔ su; Izlayɛ́li ví e mi, mi bǐ ní sísɔ́ ɖo Mawu Mavɔmavɔ nukɔn.

Ɖɛhan 69:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. È nɔ ji dó han e è nɔ ylɔ́ ɖɔ “Folówa ɖagbe ɖagbe” ɔ́ sín hangbe mɛ.

Ɖɛhan 88:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ; è nɔ ji dó han e è nɔ ylɔ́ ɖɔ “Mahalati Leyanɔti” ɔ́ sín hangbe mɛ. Xó lómílómí Hemani Zeláxi ví ɔ́ tɔn dó han mɛ.

Ezayíi 49:8

Xó e Mawu Mavɔmavɔ ɖɔ ɔ́ ɖíe: “Ée hwenu e nyɔ́ bɔ un ná sɔ ylɔ̌ nú we ɔ́ su ɔ́, ée hwlɛngánzán gbe su ɔ́, un wá gɔ́ alɔ nú we; nyi wɛ bló we, bó ná sɔ́ we dó jɛ akɔ xá togun ɔ́; un ná sɔ́ to ɔ́ sí te, bó ná má ayǐkúngban ɔ́ mɛtɔn mɛtɔn nú mɛ. Égbé din ɔ́, nǔ e ɖo ayǐkúngban énɛ́ jí ɔ́ bǐ wɛ è ka hɛn gblé.

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Ezayíi 53:3

Mɛ bǐ nɔ́ hu tɛ́ n'i bó jó e dó. É nyí mɛ ɖé bó mɔ wǔvɛ́ bó ji ya bɔ é kó dó étɔn; é cí mɛ e sín jɛ jí mɛɖé má nɔ́ ba ná kpɔ́n ǎ é ɖɔhun. Mǐ nɔ́ hu tɛ́ n'i, mǐ sɔ́ ɛ dó mɔ nǔɖé ǎ.

Levíi ví 2:2

bó ná zé wá nú Aalɔ́ɔn sín vǐ súnnu vɔ̌sánú-xwlémawutɔ́ lɛ́ɛ. È nǎ wún linfín e jí è kɔn ami dó ɔ́ alɔgogo ɖokpó, bɔ zǎlínkpɔ́n ɔ́ bǐ ná jɛ jí, bɔ vɔ̌sánú-xwlémawutɔ́ lɛ́ɛ ɖokpó ná dó zo ɖo vɔ̌sákpe ɔ́ jí, bɔ é ná nyí flǐnnú ɖé nú Mawu Mavɔmavɔ. Énɛ́ wɛ nyí vɔ̌ e è nɔ dó zo, bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Matíe 27:46

Ée é wá su hwelɛ́kɔ ɔ́, Jezu sú xó gǎngán ɖé, bó ɖɔ: “Eli, Eli, lama sabakitani.” (Tínmɛ tɔn wɛ nyí: “Mawu ce, Mawu ce, nɛ̌ ka gbɔn bɔ a jǒ mì dó.”)

Matíe 27:50

Jezu lɛ́ sú xó ɖaxó ɖé, bó bɔnu.

Maki 15:34

Ée gan atɔn xo ɔ́, Jezu sú xó tlílí, bó ɖɔ: “Elíi Elíi, lama sabakitani?” (Tínmɛ tɔn wɛ nyí: “Mawu ce, Mawu ce, nɛ̌ ká gbɔn bɔ a jǒ mì dó?”)

Maki 15:37

Jezu ka sú xó ɖaxó ɖé, bó bɔnu.

Luki 23:46

Jezu ka sú xó kpó hlɔ̌nhlɔ́n kpó, bó ɖɔ: “Daá, un sɔ́ lǐndɔ̌n ce dó alɔ mɛ nú we.” Énɛ́ ɔ́ gúdo ɔ́, é bɔnu.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 11:35

Bɔ Jezu ya avǐ.

Jǎan 11:42

Un tunwun ɖɔ a nɔ ɖótó mì tɛgbɛ; amɔ̌, mɛ e lɛ́ lɛ̌ dó mì lɛ́ɛ wútu wɛ un ka ɖo xó ɖɔ wɛ bónú yě ná dó ɖi nǔ ɖɔ hwi wɛ sɛ́ mì dó.”

Jǎan 17:1

Ée Jezu ɖɔ xó énɛ́ lɛ́ɛ ɔ́, é kpɔ́n jǐ, bó ɖɔ: “Daá, hwe ɔ́ nu ɖíe su e; sɔ́ Vǐ towe su, bónú Vǐ towe lɔ ná sɔ́ we su.

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:5

Énɛ́ ɔ́ wú wɛ hwenu e Klísu ɖo gbɛ ɔ́ mɛ ná byɔ́ wɛ ɔ́, é ɖɔ nú Mawu ɖɔ: “A ba vɔ̌sísá ǎ, a ka ba nǔníná ǎ; lo ɔ́, a nǎ agbaza ɖokpó mì.

Eblée 11:7

Nǔɖiɖi e Nɔwée ɖó ɔ́ wɛ zɔ́n bɔ nǔ e ɖo nǎ jɛ wɛ, bɔ Mawu ɖɔ n'i, bɔ mɛɖé ma ka ɖo mimɔ wɛ ǎ lɛ́ɛ ɔ́, é sɔ́ dó ylɔ́ nǔjɔnǔ. É se tónú nú Mawu, bó bló tɔjíhún ɖokpó, bɔ é kpódó xwédo tɔn kpó byɔ́ mɛ bó gán. Énɛ́ ɔ́, é ɖó hwɛ nú gbɛ ɔ́, bɔ Mawu sɔ́ ɛ dó mɔ hwɛjijɔnɔ gbɔn nǔɖiɖi e é ɖó ɔ́ gbla mɛ.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Eblée 13:20

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́,

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

1 Jǎan 4:3

Mɛ ɖěbǔ ma ka yí gbe ɖɔ Jezu Klísu zɔn agbaza mɛ wá ǎ hǔn, mɛ énɛ́ ɖó Yɛ Mawu tɔn ǎ; Kɛntɔ́ Mawu tɔn ɔ́ sín yɛ wɛ é ɖó. Mi ko se ɖɔ yɛ énɛ́ ná wá, bɔ é ka ko ɖo gbɛ ɔ́ mɛ din.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.