Eblée 5:6 - MAWUXÓWÉMA

⁶ É lɛ́ ɖɔ ɖó fí ɖěvo ɖɔ: “A nǎ nyí vɔ̌sánú-xwlémawutɔ́ káká sɔ́yi, Mɛlukisedɛ́ki ɖɔhun.”

Eblée 5:6 Iomraidhean Croise

Ɖɛhan 110:4

Mawu Mavɔmavɔ wɛ ɖɔ bó xwlé nǔ dó é jí, é sɔ́ ná húzú gbeɖé ǎ, é ɖɔ: “Vɔ̌sánú-xwlémawutɔ́ wɛ a nyǐ káká sɔ́yi mavɔ mavɔ, Mɛlukisedɛ́ki ɖɔhun.”

Eblée 5:10

bɔ Mawu sɔ́ ɛ vɔ̌sánú-xwlémawutɔ́ ɖaxó Mɛlukisedɛ́ki ɖɔhun.

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 7:15

Nǔ e jɛ bó lɛ́ ɖe nǔ énɛ́ lɛ́ɛ xlɛ́ céɖécéɖé d'é jí ɔ́ ɖíe: vɔ̌sánú-xwlémawutɔ́ Mɛlukisedɛ́ki ɖɔhun ɖěvo wá.

Eblée 7:17

Nǔgbó ɔ́, Mawuxówéma ɔ́ ɖɔ: “A nǎ nyí vɔ̌sánú-xwlémawutɔ́ káká sɔ́yi Mɛlukisedɛ́ki ɖɔhun.”

Eblée 7:21

Lo ɔ́, Mawu sɔ́ Jezu vɔ̌sánú-xwlémawutɔ́, bó xwlé nǔ d'é jí hwenu e é ɖɔ n'i ɖɔ: “Aklúnɔ xwlé nǔ bó ɖɔ: ‘A nǎ nyí vɔ̌sánú-xwlémawutɔ́ káká sɔ́yi.’ ” É ka ná húzú gbe ǎ.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 7:8

Levíi ví e nɔ yí mǎɖówǒ lɛ́ɛ ɔ́, gbɛtɔ́ wɛ yě nyí, bó nɔ kú; lo ɔ́, Mɛlukisedɛ́ki e yí mǎɖówǒ ɔ́, mɛ e Mawuxówéma ɔ́ ɖe kúnnu ná ɖɔ é ɖo gbɛ ɔ́ wɛ.