Eblée 5:4 - MAWUXÓWÉMA

⁴ Mɛ ɖěbǔ nɔ na susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; lo ɔ́, Mawu wɛ nɔ ylɔ́ mɛ lě e é ylɔ́ Aalɔ́ɔn gbɔn é.

Eblée 5:4 Iomraidhean Croise

1 Tan 23:13

Amulámu ví súnnu lɛ́ɛ ɖíe: Aalɔ́ɔn kpó Mɔyízi kpó. È ɖe Aalɔ́ɔn ɖó vo, bɔ é ná nɔ́ wa azɔ̌ ɖo Tɛn mímɛ́ bǐ ɔ́ mɛ, é kpó vǐ tɔn súnnu lɛ́ɛ kpó káká sɔ́yi. Yě wɛ ná nɔ́ dó zǎlínkpɔ́n zo nú Mawu Mavɔmavɔ, bó ná nɔ́ wa azɔ̌ nú Mawu Mavɔmavɔ, lobo ná nɔ́ xo ɖɛ dó mɛ jí ɖo Mawu Mavɔmavɔ nyǐkɔ mɛ.

2 Tan 26:18

Yě byɔ́ xwé ɔ́ gbe, bó húzú kpan nukɔn axɔ́sú Oziyási, bó ɖɔ n'i ɖɔ: “Axɔ́sú Oziyási, a ɖǒ acɛ e xwlé zǎlínkpɔ́n Mawu Mavɔmavɔ ɔ́ ǎ. Vɔ̌sánú-xwlémawutɔ́ Aalɔ́ɔn ví lɛ́ɛ wɛ ɖó acɛ énɛ́; yědɛɛ lɛ́ɛ wɛ è sɔ́ bɔ yě ná nɔ xwlé zǎlínkpɔ́n Mawu Mavɔmavɔ. Tɔ́n, ɖó a ɖo su ɖu wɛ! Đagbe ɖě ká ɖ'é mɛ nú we ɖo Mawu Mavɔmavɔ gɔ́n ǎ.”

Ɛsidlási 7:5

Buki ka nyí Avicua ví, bɔ Avicua nyí Pínxási ví, bɔ Pínxási nyí Eleazáa ví, Eleazáa ka nyí vɔ̌sánú-xwlémawutɔ́ ɖaxó Aalɔ́ɔn sín vǐ.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Levíi ví 8:2

“Kplá Aalɔ́ɔn kpó vǐ tɔn súnnu lɛ́ɛ kpó, bó hɛn awu lɛ́ɛ, ami e è nɔ ɖó ta nú mɛ é, nyibúsú e è nǎ dǒ sá hwɛsɔ́kɛmɛvɔ́ ná é, agbo we lɛ́ɛ, kpódó xasun e mɛ è bɛ̌ wɔ̌xúxú e mɛ è ma dó tɔ́n ǎ é kpó dó é.

Kɛ́nsísɔ́ 16:10

Mawu Mavɔmavɔ yí gbe ɖɔ hwi kpó nɔví towe súnnu Levíi ví lɛ́ɛ bǐ kpó ní sɛkpɔ́ émí, bɔ énɛ́ ɔ́ kpé mi ǎ, bɔ mi lɛ́ ɖo vɔ̌sánú-xwlémawutɔ́ sín azɔ̌ ba ná wa gɔ́ nú énɛ́ ɔ́ wɛ dandan.

Kɛ́nsísɔ́ 16:35

Énɛ́ ɔ́ gúdo ɔ́, Mawu Mavɔmavɔ sɛ́ myɔ dó, bɔ é fyɔ́ yě mɛ afɔɖé kanɖé wǒ (250) e ɖo zǎlínkpɔ́n xwlé e wɛ lɛ́ɛ gbɛɖe gbɛɖe.

Kɛ́nsísɔ́ 16:5

bó ɖɔ nú Kolée kpó ahwan tɔn lɛ́ɛ kpó ɖɔ: “É jɛ sɔ zǎnzǎn ɔ́, Mawu Mavɔmavɔ ná ɖe mɛ e nyí étɔn bɔ é sɔ́ ɖó vo bɔ é ná nɔ́ sɛkpɔ́ ɛ ɔ́ xlɛ́. É ná jó mɛ e é sɔ́ ɔ́ dó bɔ é ná wá gɔ̌n tɔn.

Kɛ́nsísɔ́ 16:7

É jɛ sɔ ɔ́, mi ná bɛ́ myɔkán d'é mɛ, bó ná kɔn zǎlínkpɔ́n d'é jí ɖo Mawu Mavɔmavɔ nukɔn. Énɛ́ ɔ́, è nǎ mɔ mɛ e Mawu Mavɔmavɔ sɔ́ é; è nǎ tunwun mɛ e nyí étɔn é. Mi mɛ Levíi ví lɛ́ɛ wɛ un ná ɖɔ ná ɖɔ é kpé mɔ̌ lo.”

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Kɛ́nsísɔ́ 3:3

È kɔn ami dó ta nú yě, bó sɔ́ yě vɔ̌sánú-xwlémawutɔ́, bɔ yě bɛ̌ azɔ̌.

Jǎan 3:27

Jǎan ka yí gbe nú yě ɖɔ: “Mawu má ná nǔɖé mɛɖé ǎ ɔ́, é sixú mɔ ǎ.