Eblée 5:3 - MAWUXÓWÉMA

³ Ée é ɖésúnɔ ma ka ɖó gǎn mɔ̌ ǎ é ɔ́, é nyí hwɛ e togun ɔ́ hu lɛ́ɛ kɛ́ɖɛ́ tamɛ wɛ é ná sá vɔ̌ dó ǎ; lo ɔ́, é ɖó ná sá vɔ̌ dó hwɛ e é ɖésúnɔ hu lɛ́ɛ lɔ tamɛ.

Eblée 5:3 Iomraidhean Croise

Levíi ví 16:15

Énɛ́ ɔ́ gúdo ɔ́, é ná gbo gbe gbǎgbá e è sɔ́ ɖó te nú togun ɔ́ sín hwɛsɔ́kɛmɛ ɔ́, bó ná zé hun tɔn yi xɔmɛgbovɔ ɔ́ gúdo, bó ná zán lě e é zán nyibúsú ɔ́ sín hun gbɔn é.

Levíi ví 16:6

“Aalɔ́ɔn ná zé nyibúsú ɔ́ dó sá hwɛsɔ́kɛmɛvɔ́, bó ná bló lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́ dó súnsún hwɛ é ɖésúnɔ tɔn kpódó xwédo tɔn lɛ́ɛ tɔn kpó.

Levíi ví 9:7

Mɔyízi lɛ́ ɖɔ nú Aalɔ́ɔn ɖɔ: “Sɛkpɔ́ vɔ̌sákpe ɔ́; blǒ lě e è nɔ bló gbɔn, bó nɔ́ xwlé vɔ̌sánú mì ɔ́, bó sá hwɛsɔ́kɛmɛvɔ́, bó sá vɔ̌ e è nɔ dó zo é, bó dó súnsún hwi kpó togun ɔ́ kpó sín hwɛ. Sá vɔ̌ togun ɔ́ tɔn lɔ, bó dó súnsún hwɛ sín kɔ n'i lě e Mawu Mavɔmavɔ zɔ́n gbɔn é.”

1 Kɔlɛ́ntinu 15:3

Nǔ e è kplɔ́n mì ɔ́ wɛ un kplɔ́n mi, nǔkplɔ́nmɛ e ɖo tají hú ɖě lɛ́ɛ é; é wɛ nyí ɖɔ: Klísu kú ɖó hwɛ mǐtɔn lɛ́ɛ tamɛ lě e Mawuxówéma ɔ́ ko ɖɔ gbɔn é.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 9:7

Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.