Eblée 5:2 - MAWUXÓWÉMA

² Ée é ɖésúnɔ lɔ nyí mɛ, bó ma ɖó gǎn ǎ gbɔn alɔkpa gěgé mɛ é ɔ́, é sixú kpɔ́n bó ɖɔ xá mɛ e ma tunwun nǔɖé ǎ lɛ́ɛ, kpó mɛ e nɔ wa nǔ nyi do lɛ́ɛ kpán.

Eblée 5:2 Iomraidhean Croise

Tíntɔ́n 32:8

Yě yá wǔ lɛ́ kɔ sín ali e un ɖɔ yě ní gbɔn ɔ́ jí; yě sínsín siká bó dó bló nyibúví ná, bó jɛ kpo ɖo nukɔn tɔn, bó ɖe kɔ́ n'i, bó xwlé vɔ̌sánú i, bó ɖɔ: ‘Izlayɛ́li ví lɛ́ɛ e mi, vodún mǐtɔn e ɖe mǐ tɔ́n sín Ejípu ɔ́ ɖíe!’

Ezayíi 29:24

Yě mɛ e ma sɔ́ tunwun nǔ e wa wɛ yě ɖe ɔ́ ǎ lɛ́ɛ ɔ́, yě ná jɛ tɛn ce mɛ tunwun nú mì jí. Yě mɛ e nɔ fɔ́n, bó nɔ́ ɖo nǔ hlún ɖɔ wɛ lɛ́ɛ ná yí gbe bó yí kplɔ́n.”

Ezayíi 30:11

Mi jó ali e gbɔn wɛ mi ɖe ɔ́ dó, mi gosín ali énɛ́ jí; mi ɖe Mɛ Mímɛ́ Izlayɛ́li tɔn sín nukún mɛ nú mǐ.”

Luki 22:32

Lo ɔ́, un sa vo nú Mawu ɖó ta towe mɛ, bónú nǔɖiɖi má wá hwe dó we ó. Hwenu e a ka ná lɛ́ kɔ wá gɔ̌n ce ɔ́, dǒ wǔsyɛ́n lanmɛ nú nɔví towe lɛ́ɛ.”

2 Kɔlɛ́ntinu 11:30

Nú é byɔ́ ɖɔ ma jlá ajɔ̌ nú nyɛɖée ɔ́, nǔ e nɔ ɖe gǎnmaɖó ce xlɛ́ ɔ́ bǐ wɛ un ná dó jlá ajɔ̌ nú nyɛɖée.

2 Kɔlɛ́ntinu 12:5

Un ná jlá ajɔ̌ nú nyɛɖée ɖó nya énɛ́ tamɛ; lo ɔ́, un ná jlá ajɔ̌ nú nyɛɖée ɖó nyɛ ɖésúnɔ tamɛ ǎ, afi nú ma dó ɖɔ nǔ e nɔ ɖe gǎnmaɖó ce lɛ́ɛ bǐ xlɛ́ é.

Galatinu 4:13

Mi ní flín ɖɔ azɔn jɛ wɛ un ɖe wú wɛ un jlá Wɛn Ɖagbe ɔ́ mi azɔn nukɔn nukɔntɔn ɔ́.

Efɛ́zinu 4:18

Ayi yětɔn nɔ́ mɔ nǔ ɖěbǔ ǎ. Gbɛ jɔ gbɛ e Mawu nɔ́ ná mɛ ɔ́, yědɛɛ lɛ́ɛ ɖó mǐmá ɖěbǔ ɖ'é mɛ ǎ; ɖó yě gǔ, bó tlí tó taala.

1 Timɔtée 1:13

Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

Eblée 12:13

Mi ɖe ali jlɔ́jlɔ́ bó gbɔn jí, bónú afɔ e ɖó blɔ̌ ɔ́ ní ma lílɛ́ ó; lo ɔ́, afɔ énɛ́ ní jɛ afɔ tɛnmɛ.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 2:18

Bɔ din ɔ́, é hɛn ɔ́, é ná dó alɔ mɛ e è tɛ́nkpɔ́n lɛ́ɛ, ɖó è ko tɛ́n é ɖésúnɔ kpɔ́n, bɔ é ko ji ya.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

Eblée 7:28

Mɔyízisɛ́n ɔ́, gbɛtɔ́ wɛ é nɔ sɔ́ vɔ̌sánú-xwlémawutɔ́ ɖaxó; gbɛtɔ́ ka ɖó gǎn ɖé ǎ; lo ɔ́, xó e Mawu ɖɔ bó xwlé nǔ d'é jí ɖo sɛ́n ɔ́ gúdo ɔ́, Mawu ví ɔ́ wɛ é sɔ́ vɔ̌sánú-xwlémawutɔ́ ɖaxó; é ɖó blɔ̌ ǎ káká sɔ́yi.

Eblée 9:7

Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.

Jaki 5:19

Nɔví ce lɛ́ɛ mi, nú mɛɖé zɛ sín nǔgbó sín ali ɔ́ jí ɖo mi mɛ, lobo nú mɛɖé lɛ́ dɔn ɛ wá jí hǔn,

1 Piyɛ́ɛ 2:25

Đó lɛ̌ngbɔ́ e bú lɛ́ɛ ɖɔhun wɛ mi cí ɖ'ayǐ; amɔ̌ din ɔ́, è ko lɛ́ kplá mi wá mɛ e nyí lɛ̌ngbɔ́nyitɔ́ mitɔn, bó nɔ cɔ́ mi ɔ́ gɔ́n.

Hwɛɖɔtɔ́ 2:17

Lo ɔ́, Izlayɛ́li ví lɛ́ɛ se tónú nú hwɛɖɔtɔ́ yětɔn lɛ́ɛ ǎ, ɖó yě lɛ́ kɔ yi vodún lɛ́ɛ kɔn, bó nɔ jɛ kpo bó nɔ ɖe kɔ́ nú yě. Yě yá wǔ lɛ́ kɔ sín ali e tɔ́gbó yětɔn lɛ́ɛ kó xwedó ɔ́ jí, bó sɔ́ nɔ́ nyi sɛ́n e Mawu Mavɔmavɔ dó lɛ́ɛ tɔ́gbó yětɔn lɛ́ɛ ɖɔhun ǎ.