Eblée 5:14 - MAWUXÓWÉMA

¹⁴ Lo ɔ́, nǔɖuɖu syɛ́nsyɛ́n ɔ́, mɛxó lɛ́ɛ tɔn wɛ; mɛxó énɛ́ lɛ́ɛ kó tunwun nǔ ɖagbe ɖo nǔ nyanya mɛ, gbɔn nǔwiwa yětɔn lɛ́ɛ gbla mɛ, bɔ é ko má yě.

Eblée 5:14 Iomraidhean Croise

Bǐbɛ́mɛ 3:5

lo ɔ́, Mawu tunwun ɖɔ gbe e gbe mi ná ɖu ɔ́, mi ná mɔ nukúnnú jɛ lě e nǔ lɛ́ɛ ɖe gbɔn ɔ́ wú, é ɖésúnɔ Mawu ɔ́ ɖɔhun, bó ná tunwun nǔ ɖagbe kpódó nǔ nyanya kpó.”

2 Samuwɛ́li 14:17

Sɛ́mɛɖó, nǔ e un nɔ lin ɔ́ ɖíe: ‘Xó e axɔ́sú ɔ́ ná ɖɔ ɔ́ ná fá xomɛ nú mɛ bǐ, ɖó sɛ́mɛɖó ce ɔ́, wɛnsagun Mawu tɔn ɖɔhun wɛ mɛ cí, mɛ tunwun nǔ e nyɔ́ ɔ́ kpó nǔ e gblé ɔ́ kpó.’ Mawu Mavɔmavɔ, Mawu mɛtɔn ní nɔ kpɔ́ xá mɛ.”

1 Axɔ́sú 3:11

bɔ é ɖɔ n'i ɖɔ: “A byɔ́ jidɔ́ ǎ, a byɔ́ dɔkun ǎ, a ka byɔ́ kɛntɔ́ towe lɛ́ɛ sín kú ǎ; a byɔ́ nǔnywɛ́ bó ná dó wa nǔ jlɔ́jlɔ́ ɖo togun ce nu.

1 Axɔ́sú 3:9

Énɛ́ ɔ́ wú ɔ́, nǎ nǔnywɛ́ e nyɛ mɛsɛntɔ́ towe ná sixú ɖó bó nɔ togun towe nu, bó ná sixú tunwun nǔ ɖagbe kpó nǔ nyanya kpó. Énɛ́ ɔ́ mɛ vo ɔ́, mɛ ɖěbǔ sixú nɔ togun towe wɔ̌buwɔ́bú énɛ́ ɔ́ nu ǎ.”

Jɔ̌bu 12:11

Tó wɛ nɔ se xó, é ɖo ɖě ɔ́ nu wɛ ka nɔ ɖɔ.

Jɔ̌bu 34:3

Tó wɛ nɔ́ se xó, é ɖo ɖě ɔ́ nu wɛ ka nɔ ɖɔ.

Jɔ̌bu 6:30

Xó ce nyí adingban wɛ a? Adǎn ɖo mɛ gbo wɛ nú un mɔ ɔ́, un nɔ tunwun ǎ wɛ a?

Ɖɛhan 119:103

Xó towe víví ɖo nu ce mɛ mɛ nya! É víví ɖo nu ce mɛ hú wǐin.

Hanvíví 1:3

Wǎn towe nyɔ́ se tawun! Nyǐkɔ towe nyí ami wǎnɖagbenɔ ɖé bó gba kpé fí bǐ. Énɛ́ wú wɛ ɖyɔ̌vǐ lɛ́ɛ yí wǎn nú we.

Hanvíví 2:3

Un mɔ wǎnyínámɔ ce ɖo dɔ̌nkpɛ lɛ́ɛ tɛ́ntin ɔ́, é nɔ́ cí atín e è nɔ ɖu sínsɛ́n tɔn ɔ́ ɖo atín e ɖo zungbó mɛ lɛ́ɛ tɛ́ntin ɖɔhun. Xɔ́ntɔn ce ɔ́, un mɔ yɛtɛn tɔn lě ɔ́, ayǐjínjɔ́n jɛ́n nɔ́ jló mì. Sínsɛ́n tɔn nɔ́ víví nu ce kpɔ́n!

Ezayíi 7:15

Vǐ ɔ́ ná ɖo amɔ̌ kpó wǐin kpó ɖu wɛ káká jɛ hwenu e é ná ɖó xwe e ná tunwun nǔ nyanya ɖo nǔ ɖagbe mɛ é.

Matíe 5:48

Ényí mɔ̌ hǔn, mi bo yí wǎn nú mɛ bǐ, lě e Tɔ́ mitɔn e ɖo sɛ́xwé ɔ́ yí wǎn nú mɛ bǐ gbɔn é.”

Hlɔ̌manu 14:1

Mi yí mɛ e ma ɖó gǎn ɖo nǔɖiɖi mɛ ǎ é ganjí, mi ma ɖɔ xó nyanya dó linlin tɔn lɛ́ɛ wú ó.

1 Kɔlɛ́ntinu 2:6

É ɖo mɔ̌ có, un ɖo nǔnywɛ́ ɖé kplɔ́n klísusɛntɔ́ e ko zin ɖo nǔɖiɖi mɛ lɛ́ɛ wɛ; amɔ̌ nǔnywɛ́ énɛ́ nyí nǔnywɛ́ gbɛmɛ fí tɔn ǎ; é ka nyí hlɔ̌nhlɔ́n e ɖo acɛ kpa wɛ ɖo gbɛ élɔ́ mɛ, bɔ è ka ná wá hu acɛ ná lɛ́ɛ ǎ .

Efɛ́zinu 1:18

Un nɔ byɔ́ ɛ ɖɔ ní bló bónú wěziza ní byɔ́ ayi mitɔn mɛ, bónú mi ná tunwun nǔ e nukúnɖíɖó e wútu é ylɔ́ mi ɔ́ nyí é, bó ná tunwun lě e dɔkun e ɖo nǔ ɖagbe ɖagbe e é sɔ́ ɖ'ayǐ nú mɛ e nyí étɔn lɛ́ɛ mɛ ɔ́ sɔ́ é.

Efɛ́zinu 4:13

káká bɔ mǐ ná nɔ bǔ ɖo nǔɖiɖi mɛ, bó ná nɔ bǔ ɖo nukúnnú mɔ jɛ Mawu ví ɔ́ wú mɛ; mǐ ná nyí mɛxó ɖo nǔɖiɖi mɛ, bó ná mɔ hlɔ̌nhlɔ́n, lobo ná sɔ ga Klísu, bɔ nǔ bǐ ná vɔ ɖ'é wú.

Filípunu 3:15

Mǐ mɛ e ko lí dǒ ɖo nǔɖiɖi mɛ lɛ́ɛ bǐ ɔ́, mǐ ní lin nǔ ɖokpó ɔ́. É ka ɖo mɔ̌ có, ényí mɛɖé lɛ́ɛ ɖo mi mɛ, bó ɖó linlin vo ɔ́, Mawu ná ná wěziza mi d'é wú.

1 Tɛsalonikinu 5:21

Lo ɔ́, mi ba do nú nǔ bǐ céɖécéɖé, bó nɔ hɛn ée nyɔ́ lɛ́ɛ dó ayi mɛ.

1 Timɔtée 4:7

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

Eblée 6:1

Hǔn, mi bo nú mǐ ná yi nukɔn, bó dín zɛ nǔkplɔ́nmɛ nukɔn nukɔntɔn e ɖɔ xó dó Klísu wú lɛ́ɛ wú, bó jɛ nǔ e è nɔ kplɔ́n mɛ e ko su ɖo nǔɖiɖi mɛ lɛ́ɛ ɔ́ kplɔ́n jí. Nǔ e jí nǔkplɔ́nmɛ énɛ́ ɔ́ jínjɔ́n lɛ́ɛ ɖěvo wɛ mǐ ná lɛ́ vɔ ɖ'ayǐ ǎ; yě wɛ nyí ɖɔ: é ɖo dandan mɛ ɖɔ è nǐ lɛ́ kɔ sín azɔ̌ e ma nyí nǔɖé wa nú ǎ lɛ́ɛ gúdo, bó ɖi nǔ nú Mawu;

Jaki 3:2

Mǐ mɛ bǐ wɛ nɔ wa nǔ nyi do gbɔn alɔkpa gěgé mɛ. Ényí mɛɖé ma wa nǔ nyi do gbeɖé ɖo xó ɖiɖɔ tɔn lɛ́ɛ mɛ ǎ ɔ́, mɛ ma ɖó blɔ̌ ɖo wǔ wɛ nyí mɛ énɛ́; mɛ énɛ́ hɛn ɔ́, é ná lɛ́ ɖu ɖo agbaza éɖée tɔn bǐ jǐ.