Eblée 5:13 - MAWUXÓWÉMA

¹³ Mɛ e ka ɖo anɔ̌nu ɔ́, vǐ yɛ̌yɛ́ wɛ é nyí; é ko ɖó nukúnnú-mɔjɛnǔmɛ ɖé bó ná tunwun nǔ e sɔgbe é, kpódó nǔ e ma sɔgbe ǎ é kpó ǎ.

Eblée 5:13 Iomraidhean Croise

Ɖɛhan 119:123

Un ɖo nukún ɖó hwlɛngán towe wɛ káká bɔ nukún ce bo. Mɔ̌ ɖokpó ɔ́ wɛ un ɖo nukún ɖó hwɛjijɔ e sín akpá a dǒ é wɛ.

Ezayíi 28:9

Ahannumúnɔ énɛ́ lɛ́ɛ nɔ kanbyɔ́ ɖɔ: “Ezayíi ɔ́, mɛ̌ ná kplɔ́n nǔ wɛ é ka ɖe? Mɛ̌ ná tín nǔ mɛ ná wɛ é ka ɖe? Vǐ e è ɖe anɔ̌ ná yɔ̌yɔ́ ɔ́ wɛ mǐ ká nyí a? Yɔkpɔ́vú e è ɖe sín nɔ tɔn kɔn é wɛ mǐ ká nyí a?

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

Maki 10:15

Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ná sixú byɔ́ mɛ ǎ.”

Hlɔ̌manu 2:20

A mɔ ɖɔ émí nɔ́ kplɔ́n nǔ xlonɔ lɛ́ɛ, kpó mɛ e ma tunwun nǔɖé ǎ lɛ́ɛ kpó, ɖó a ɖeji ɖɔ émí nɔ́ mɔ nǔnywɛ́ titewungbe kpó nǔgbó titewungbe kpó ɖo sɛ́n ɔ́ mɛ.

1 Kɔlɛ́ntinu 13:11

Hwenu e un ɖo yɔkpɔ́vú ɔ́, un nɔ ɖɔ xó yɔkpɔ́vú ɖɔhun, bó nɔ lin nǔ yɔkpɔ́vú ɖɔhun, lobɔ ayixa ce nɔ mɔ nǔ yɔkpɔ́vú ɖɔhun; lo ɔ́, ée un wá húzú mɛxó ɔ́, nǔ e nyí yɔkpɔ́vú tɔn lɛ́ɛ bú.

1 Kɔlɛ́ntinu 14:20

Nɔví lɛ́ɛ mi, mi ma nyí yɔkpɔ́vú ɖo linlin mitɔn lɛ́ɛ mɛ ó; mi ní nyí yɔkpɔ́vú ɖo nǔ e kunkplá nǔ nyanya é mɛ; amɔ̌, mi ní nyí mɛxó ɖo linlin mitɔn lɛ́ɛ mɛ.

1 Kɔlɛ́ntinu 3:1

Nɔví lɛ́ɛ mi, nǔgbó ɔ́, un kpé wú bó ɖɔ xó nú mi lě e è nǎ ɖɔ xó nú mɛ e ɖó Yɛ Mawu tɔn gbɔn é ǎ: lě e è nǎ ɖɔ xó nú mɛ e nyí gbɛ élɔ́ tɔn lɛ́ɛ gbɔn ɔ́ wɛ un ɖɔ xó nú mi gbɔn. Lě e è nǎ ɖɔ xó nú mɛ e nyí vǐ yɛ̌yɛ́ ɖo bǔ e yě ɖe xá Klísu ɔ́ mɛ lɛ́ɛ gbɔn ɔ́ wɛ un ɖɔ xó nú mi gbɔn.

2 Kɔlɛ́ntinu 3:9

Azɔ̌ e nɔ dɔn gbɛtɔ́ lɛ́ɛ yi kú ɔ́ ko ɖó susu; nɛ̌ wɛ azɔ̌ e nɔ zé gbɛtɔ́ lɛ́ɛ dó húzú hwɛjijɔnɔ ɖo Mawu nukɔn ɔ́ ma ká ná ɖó susu hú mɔ̌ ǎ gbɔn?

Efɛ́zinu 4:14

Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.

2 Timɔtée 3:16

Nǔ e è wlán dó Mawuxówéma ɔ́ mɛ ɔ́, Mawu wɛ sɔ́ bǐ dó ayi mɛ nú mɛ lɛ́ɛ; é nyɔ́ nú è nǎ sɔ́ dó kplɔ́n nǔ mɛ, bó ná dó ɖe mɛ dó ali jí, bó ná dó ɖe nǔwanyido lɛ́ɛ xlɛ́, lobo ná dó kplɔ́n lě e è nǎ zǎn gbɛ ɖagbe gbɔn ɔ́ mɛ,

1 Piyɛ́ɛ 2:2

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

2 Jǎan 1:11

Đó mɛ e dó gbe e ɔ́, nǔ nyanya e é nɔ wa lɛ́ɛ wa xá ɛ wɛ é ɖe.