Eblée 5:12 - MAWUXÓWÉMA

¹² Mi mɛ e ná kó nyí mɛ̌si sín tɛgbɛ ɔ́, é lɛ́ byɔ́ ɖɔ è ní kplɔ́n nǔ nukɔn nukɔntɔn e ɖo Mawuxó ɔ́ mɛ lɛ́ɛ mi. Mi mɛ e ɖó ná ko ɖo nǔɖuɖu syɛ́nsyɛ́n ɖu wɛ ɔ́, é lɛ́ byɔ́ ɖɔ anɔ̌sin wɛ mi ná nu.

Eblée 5:12 Iomraidhean Croise

2 Samuwɛ́li 16:23

Nǔ e Axitofɛ́li nɔ kplɔ́n mɛ hwenɛ́nu ɔ́ bǐ wɛ è nɔ mɔ dó mɔ nǔjɔnǔ, Mawu wɛ ɖɔ xó ɖɔhun. Nǔ e Axitofɛ́li nɔ kplɔ́n Davídi ɔ́ kpó ée é nɔ́ kplɔ́n Abusalɔ́mu ɔ́ kpó bǐ wɛ è nɔ mɔ dó mɔ nǔjɔnǔ, Mawu wɛ ɖɔ xó ɖɔhun.

Ɛsidlási 7:10

Mawu nya xɛ ɖo jǐ tɔn ɖó, é nɔ kpé nukún dó Mawu Mavɔmavɔ sín sɛ́n ɔ́ wú bó nɔ́ kplɔ́n, bó nɔ bló ɖ'é jí, lobo nɔ kplɔ́n nǔ e sɛ́n ɔ́ zɔ́n lɛ́ɛ kpódó tito e ɖo sɛ́n ɔ́ mɛ lɛ́ɛ kpó Izlayɛ́li ví lɛ́ɛ.

Ɖɛhan 34:11

Kinnikínní ví lɛ́ɛ nɔ́ ba nǔɖuɖu kpo, bó nɔ́ nɔ xovɛ́; lo ɔ́, mɛ e nɔ sú xó ylɔ́ Mawu Mavɔmavɔ lɛ́ɛ ɔ́, nǔ ɖěbǔ nɔ hwedó yě ǎ.

Ezayíi 28:13

Énɛ́ wú ɔ́, Mawu Mavɔmavɔ xó ɔ́ D-A DA...DA D-O DO...DO B-A BA...BA B-O BO...BO tɔn jɛ́n yě ná se. Énɛ́ ɔ́, yě ná nyi agbo bɔ xú yětɔn ná cɛ́; yě ná sɔ́ mɔ bɔ è nǎ wlí kannumɔ yětɔn.

Ezayíi 55:1

Mawu ɖɔ: “Mi mɛ e kɔ xú lɛ́ɛ mi, sin ɖíe, mi bǐ ní wá! Mi na bo ma ɖó akwɛ́ ǎ hǔn, mi wá. Mi wá yí nǔɖuɖu; vɔ̌nu wɛ. Mi wá yí vɛ̌ɛn kpó nyibúnɔ́sin kpó. É byɔ́ ɖɔ mi na hɛn akwɛ́ ǎ, é ká byɔ́ ɖɔ mi ná sú axɔ́ ǎ.

Matíe 17:17

Énɛ́ ɔ́, Jezu ɖɔ: “Gbɛtɔ́ nyanya nǔmaɖitɔ́ e mi, káká jɛ hwetɛ́nu wɛ un ná nɔ mi gɔ́n yi jɛ? Káká jɛ hwetɛ́nu wɛ mi ka ná nɔ kɔ jí nú mì yi jɛ? Mi bo kplá azinzɔnnɔ ɔ́ wá nú mì.”

Maki 9:19

Jezu ka ɖɔ nú yě ɖɔ: “Mi nǔmaɖitɔ́ élɔ́ lɛ́ɛ mi, hwetɛ́nu wɛ mi ka ná wá se nǔ e ɖɔ nú mi wɛ un ɖe é dó? Xwe nabí wɛ un ka na kplɔ́n nǔ mi xɔ? Mi bo yi kplá vǐ ɔ́ wá nú mì.”

Mɛsɛ́dó 7:38

Hwenu e togun ɔ́ kplé ɖo gbětótló mɛ ɔ́, é wɛ nɔ kpɔ́ xá yě; é nɔ kpɔ́ xá tɔ́gbó mǐtɔn lɛ́ɛ, kpó wɛnsagun e ɖɔ xó n'i ɖo Sinayíi só jí ɔ́ kpó, bó yí Mawuxó e nɔ́ ná gbɛ mɛ ɔ́, bó ɖɔ nú mǐ.

Hlɔ̌manu 3:2

Le ɔ́ d'agba ɖo ali bǐ nu; ɖó le nukɔntɔn e Jwifu lɛ́ɛ ɖó ɔ́ wɛ nyí ɖɔ Mawu sɔ́ xó tɔn lɛ́ɛ dó así nú yě.

1 Kɔlɛ́ntinu 14:19

Lo ɔ́, nú un ka ɖo agun mɛ ɔ́, un nɔ ba ná ɖɔ xógbe e è nǎ mɔ nukúnnú jɛ mɛ ɔ́ atɔ́ɔ́n, bó ná dó kplɔ́n nǔ mɛ ɖě lɛ́ɛ hú má ɖɔ xógbe děgba we afɔwó (10.000) dó gbe tɛnmɛ tɛnmɛ mɛ.

1 Kɔlɛ́ntinu 14:20

Nɔví lɛ́ɛ mi, mi ma nyí yɔkpɔ́vú ɖo linlin mitɔn lɛ́ɛ mɛ ó; mi ní nyí yɔkpɔ́vú ɖo nǔ e kunkplá nǔ nyanya é mɛ; amɔ̌, mi ní nyí mɛxó ɖo linlin mitɔn lɛ́ɛ mɛ.

Galatinu 4:3

Mɔ̌ ɖokpó ɔ́, mǐ lɔmɔ̌ ɔ́, nǔɖoyɛswímɛ gbɛmɛ fí tɔn lɛ́ɛ sín kannumɔ wɛ mǐ ko nyí ɖ'ayǐ, cóbó wá su ɖo Mawu mɛ.

Filípunu 3:1

Nɔví ce lɛ́ɛ mi, din ɔ́, mi jɛ awǎ ɖo Klísu mɛ, nú é byɔ́ ɖɔ má lɛ́ vɔ́ nǔ e un ko wlán sɛ́ dó mi ɖ'ayǐ lɛ́ɛ wlán sɛ́ dó mi ɔ́, agbɔ̌n kpé mì d'é wú ǎ; é ná wa ɖagbe nú mi.

Kolósinu 3:16

Klísu sín xó ɔ́ kpódó dɔkun e ɖ'é mɛ ɔ́ bǐ kpán ní nɔ ayi mitɔn mɛ. Mi nɔ sɔ́ nǔnywɛ́ kpíkpé dó kplɔ́n nǔ miɖée, bó nɔ dó gbɛ́ nǔ nú miɖée. Mi ná nɔ zé kúdónúmɛ sín ayixa dó ji han tɛnmɛ tɛnmɛ lɛ́ɛ nú Mawu.

Eblée 10:32

Mi ní flín nǔ e ko gbo mi ɖ'ayǐ hwenu e mi mɔ wěziza Mawu tɔn é; mi ji ya hwenɛ́nu ɖésú, có bó ka syɛ́nlǐn ɖo ahwan nukɔn.

Eblée 5:11

Mǐ ɖó nǔ gěgé bó ná ɖɔ nú mi dó xó énɛ́ ɔ́ wú; lo ɔ́, é ná vɛ́ wǔ ɖésú bɔ è nǎ tínmɛ nú mi, ɖó mi wá húzú mɛ e ma nɔ yá wǔ mɔ nukúnnú jɛ nǔ mɛ ǎ é.

Eblée 5:13

Mɛ e ka ɖo anɔ̌nu ɔ́, vǐ yɛ̌yɛ́ wɛ é nyí; é ko ɖó nukúnnú-mɔjɛnǔmɛ ɖé bó ná tunwun nǔ e sɔgbe é, kpódó nǔ e ma sɔgbe ǎ é kpó ǎ.

Eblée 6:1

Hǔn, mi bo nú mǐ ná yi nukɔn, bó dín zɛ nǔkplɔ́nmɛ nukɔn nukɔntɔn e ɖɔ xó dó Klísu wú lɛ́ɛ wú, bó jɛ nǔ e è nɔ kplɔ́n mɛ e ko su ɖo nǔɖiɖi mɛ lɛ́ɛ ɔ́ kplɔ́n jí. Nǔ e jí nǔkplɔ́nmɛ énɛ́ ɔ́ jínjɔ́n lɛ́ɛ ɖěvo wɛ mǐ ná lɛ́ vɔ ɖ'ayǐ ǎ; yě wɛ nyí ɖɔ: é ɖo dandan mɛ ɖɔ è nǐ lɛ́ kɔ sín azɔ̌ e ma nyí nǔɖé wa nú ǎ lɛ́ɛ gúdo, bó ɖi nǔ nú Mawu;

1 Piyɛ́ɛ 2:2

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

1 Piyɛ́ɛ 4:11

Ényí mɛɖé ɖo Wɛn Ɖagbe jlá wɛ hǔn, ní nyí Mawuxó; ényí mɛɖé ɖo Mawuzɔ́ wa wɛ hǔn, ní wa kpó hlɔ̌nhlɔ́n e Mawu ná ɛ ɔ́ kpó, bónú è nǎ kpa susu nú Mawu ɖo nǔ bǐ mɛ, gbɔn Jezu Klísu e nyí susunɔ, bó nyí hlɔ̌nhlɔ́nnɔ káká sɔ́yi ɔ́ jí! Amǐ!