Eblée 5:11 - MAWUXÓWÉMA

¹¹ Mǐ ɖó nǔ gěgé bó ná ɖɔ nú mi dó xó énɛ́ ɔ́ wú; lo ɔ́, é ná vɛ́ wǔ ɖésú bɔ è nǎ tínmɛ nú mi, ɖó mi wá húzú mɛ e ma nɔ yá wǔ mɔ nukúnnú jɛ nǔ mɛ ǎ é.

Eblée 5:11 Iomraidhean Croise

1 Axɔ́sú 10:1

Axɔ́sú nyɔ̌nu Saba tɔn se lě e Salomɔ́ɔ sín nyǐkɔ ɖo jǐ yi wɛ gbɔn é. É wá gɔ̌n tɔn, bó ná nyi nǔbasɔ́ ɖé lɛ́ɛ dó e, dó tɛn ɛ kpɔ́n.

Ezayíi 6:10

Blǒ bónú ayixa yětɔn ní syɛ́n, yě nǐ tlí tó bó tɔ́n nukún; ma lɔn nú nukún yětɔn mɔ nǔ ó, ma lɔn nú tó yětɔn se nǔ ó, ma lɔn nú ayixa yětɔn mɔ nǔ ó; é má nyí mɔ̌ ǎ ɔ́, yě táá lɛ́ kɔ́ wá gɔ̌n ce, bónú azɔn yětɔn ná gbɔ.”

Matíe 13:15

Ɖó togun élɔ́ sín ayixa ko syɛ́n; yě sú tó yětɔn, bó myɔ́ nukún, ɖó nukún yětɔn táá wá mɔ nǔ, bónú tó yětɔn táá wá se nǔ, nú ayixa yětɔn ná wá ja nǔ mɔ jɛ nǔ mɛ gbé, bónú yě ná wá ja kɔ lɛ́ sín hwɛ yětɔn lɛ́ɛ gúdo gbé, nú ma wá gbɔ azɔn nú yě. Xó e Aklúnɔ ɖɔ ɔ́ nɛ́.’

Maki 8:21

Bɔ Jezu ɖɔ nú yě ɖɔ: “Mi nɔ mɔ nukúnnú jɛ nǔ mɛ ǎ cé?”

Luki 24:25

Jezu ka ɖɔ nú yě ɖɔ: “Gbɛtɔ́ nǔnywɛ́hwedónánɔ lɛ́ɛ mi! Hwetɛ́nu wɛ mi ná wá ɖi nǔ nú nǔ e gbeyíɖɔ Mawu tɔn lɛ́ɛ kó ɖɔ ɔ́ bǐ dó?

Jǎan 16:12

“É kpo nǔ gěgé, bɔ un ɖó ná ɖɔ nú mi; lo ɔ́, mi sixú mɔ nukúnnú jɛ yě mɛ ǎ.

Jǎan 6:6

Jezu ɖɔ mɔ̌, bó ná dó kpɔ́n nǔ e Filípu ná ɖɔ ɔ́, ɖó é ɖésúnɔ kó tunwun nǔ e wa gbé é ja é.

Mɛsɛ́dó 28:27

Đó togun élɔ́ sín ayixa ko syɛ́n; yě sú tó yětɔn, bó myɔ nukún, ɖó nukún yětɔn táá wá mɔ nǔ, bónú tó yětɔn táá wá se nǔ, nú ayixa yětɔn ná wá ja nǔ mɔ jɛ nǔ mɛ gbé, bónú yě ná wá ja kɔ lɛ́ sín hwɛ yětɔn lɛ́ɛ gúdo gbé, nú ma wá gbɔ azɔn nú yě. Xó e Aklúnɔ ɖɔ ɔ́ nɛ́.’ ”

Eblée 5:10

bɔ Mawu sɔ́ ɛ vɔ̌sánú-xwlémawutɔ́ ɖaxó Mɛlukisedɛ́ki ɖɔhun.

Eblée 5:12

Mi mɛ e ná kó nyí mɛ̌si sín tɛgbɛ ɔ́, é lɛ́ byɔ́ ɖɔ è ní kplɔ́n nǔ nukɔn nukɔntɔn e ɖo Mawuxó ɔ́ mɛ lɛ́ɛ mi. Mi mɛ e ɖó ná ko ɖo nǔɖuɖu syɛ́nsyɛ́n ɖu wɛ ɔ́, é lɛ́ byɔ́ ɖɔ anɔ̌sin wɛ mi ná nu.

2 Piyɛ́ɛ 3:16

Wěma e mɛ é ɖɔ xó dó nǔ énɛ́ lɛ́ɛ wú ɖe lɛ́ɛ bǐ ɔ́, nǔ e é wlán d'é mɛ lɛ́ɛ nɛ́. Xó ɖé lɛ́ɛ ɖo wěma tɔn lɛ́ɛ mɛ, bɔ nukúnnú-mɔjɛmɛ tɔn nɔ vɛ́ wǔ, bɔ mɛ e ma mɔ do nú nǔɖé ǎ, bó ma ka lí dǒ ǎ lɛ́ɛ nɔ kpé ta do ná, lě e yě ko nɔ bló gbɔn nú Mawuxó ɔ́ ɖo akpá ɖěvo lɛ́ɛ xwé é. Nǔ e yě ná wa, bɔ yě ɖésúnɔ ná yi vɔ ɖ'é mɛ ɔ́ wa wɛ yě ɖe.