Eblée 4:9 - MAWUXÓWÉMA

⁹ Énɛ́ ɔ́, gbɔjɛ́ ɖé ɖo te nú togun Mawu tɔn, bó cí gbɔjɛ́ e Mawu gbɔjɛ́ azǎn tɛ́nwegɔ́ ɔ́ gbe ɔ́ ɖɔhun.

Eblée 4:9 Iomraidhean Croise

Ɖɛhan 47:9

Mawu wɛ ɖu axɔ́sú ɖo akɔta lɛ́ɛ nu; é jínjɔ́n ayǐ ɖo axɔ́súzinkpo mímɛ́ tɔn jí.

Tíntɔ́n 16:30

Énɛ́ ɔ́, togun ɔ́ gbɔjɛ́ azǎn tɛ́nwegɔ́ ɔ́ gbe.

Ezayíi 11:10

Gbe énɛ́ gbe ɔ́, Jɛsée ví ɔ́ ná cí asyá e è tun te ɔ́ ɖɔhun nú togun e ɖo gbɛ ɔ́ mɛ lɛ́ɛ bǐ. Akɔta lɛ́ɛ ná nɔ́ wá ɖó xó te n'i, bó ná nɔ́ se xó ɖo nu tɔn, bɔ susu Mawu tɔn ná hɔ́n ɖo fí e é ɖe ɔ́.

Ezayíi 57:2

Lo ɔ́, fífá ná wá, bɔ mɛ e nɔ wa nǔ jlɔ́jlɔ́ ɔ́ ná dɔ́ amlɔ tɔn ɖo vivo mɛ.

Matíe 1:21

É ná ji vǐ súnnu ɖokpó, bɔ a nǎ sun nyǐ vǐ ɔ́ ɖɔ Jezu , ɖó é ná hwlɛ́n togun tɔn gán sín hwɛ tɔn lɛ́ɛ mɛ.”

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 11:25

É yí gbe ɖɔ è nǐ dó ya nú émí kpó togun Mawu tɔn kpó; énɛ́ ɔ́ nyɔ́ n'i hú é ní mɔ vǐví e ɖo hwɛhuhu mɛ ɔ́ nú hwenu kpɛɖé.

Eblée 3:11

Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ”

Eblée 4:1

Ée akpá e Mawu dó nú mǐ ɖɔ mǐ ná byɔ́ fí e émí ná ná gbɔjɛ́ mǐ ɖe ɔ́ lɛ́ kpo ɖo te ɔ́, hǔn mǐ ní bó cɔ́ mǐɖée, bónú mi mɛ ɖěbǔ ní ma gɔn gbɔjɛ́ énɛ́ ɔ́ mɛ byɔ́ ó.

Eblée 4:10

Đó mɛ e byɔ́ fí e Mawu ná ná gbɔjɛ́ ɛ ɖe ɔ́, nɔ gbɔjɛ́ ɖo azɔ̌ é ɖésúnɔ tɔn lɛ́ɛ mɛ lě e Mawu gbɔjɛ́ azǎn tɛ́nwegɔ́ ɔ́ gbe hwenu e é bló nǔ lɛ́ɛ bǐ fó gúdo é ɖɔhun.

Eblée 4:3

Mǐ mɛ e ɖi nǔ lɛ́ɛ ɔ́, mǐ ná byɔ́ gbɔjɛ́ énɛ́ ɔ́ mɛ; gbɔjɛ́ énɛ́ e wú Mawu ɖɔ xó dó bó ɖɔ: “Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ” Xó e Mawu ɖɔ é nɛ́; é ká kó wa azɔ̌ tɔn fó sín hwenu e é ko ɖó gbɛ ɔ́ dó é ɖokpóó.

Eblée 4:8

Đó ényí Jozuwée ko kplá togun ɔ́ byɔ́ gbɔjɛtɛn énɛ́ mɛ wɛ ɔ́, Mawu sɔ́ ná lɛ́ wá ɖɔ azǎn ɖěvo xó ǎ.

1 Piyɛ́ɛ 2:10

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.

Nǔɖexlɛ́mɛ 14:13

Un se gbe ɖé bɔ gbe ɔ́ ɖɔ nú mì sín jǐxwé ɖɔ: “Wlǎn nǔ élɔ́: ‘Mɛ e ɖo kúkú wɛ ɖo Aklúnɔ mɛ bɛ́ sín din lɛ́ɛ ɔ́, nǔ nyɔ́ nú yě!’ ” Yɛ ɔ́ ɖɔ: “Ɛɛn nǔgbó wɛ, yě hɛn ɔ́, yě ná gbɔjɛ́ ɖo azɔ̌ syɛ́nsyɛ́n e yě wa lɛ́ɛ mɛ, ɖó ɖagbe e yě wa lɛ́ɛ kpó yě kpo ɖo yiyi wɛ.”

Nǔɖexlɛ́mɛ 21:4

È nǎ súnsún ɖasin bǐ sín nukún yětɔn mɛ; kú sɔ́ ná tíin ǎ, aluwɛ sɔ́ ná tíin ǎ, alěníná sɔ́ ná tíin ǎ, wǔvɛ́ mimɔ sɔ́ ná tíin ǎ; nǔ xóxó lɛ́ɛ ko bú.”