Eblée 4:6 - MAWUXÓWÉMA

⁶ Énɛ́ ɔ́ wú ɔ́, mɛ ɖěvo lɛ́ɛ hɛn ɔ́, yě ná byɔ́ mɛ, ɖó mɛ nukɔntɔn e se Wɛn Ɖagbe ɔ́ lɛ́ɛ byɔ́ gbɔjɛ́ énɛ́ mɛ ǎ, ɖó yě tlí tó.

Eblée 4:6 Iomraidhean Croise

Ezayíi 65:15

Mɛ e un sɔ́ lɛ́ɛ ɔ́, nyǐkɔ mitɔn wɛ yě ná nɔ́ dó dó nu mɛ, yě ná nɔ́ ɖɔ: ‘Aklúnɔ Mavɔmavɔ ní hu we mɛ lě, abǐ keté lě ɖɔhun.’ Amɔ̌, mɛ e nyí mɛsɛntɔ́ ce lɛ́ɛ ɔ́, nyǐkɔ ɖěvo wɛ un ná ná yě.

Kɛ́nsísɔ́ 14:12

Un ná bló bɔ jɛmɛjí ná byɔ́ yě mɛ, bó ná sú kún yětɔn dó; un ka ná zé we dó bló akɔta ɖé bɔ é ná sukpɔ́, bó ná syɛ́n hú yě.”

Kɛ́nsísɔ́ 14:31

Vǐvú mitɔn e mi ɖɔ ná ɖɔ mɛ e ná ɖu ɖo jǐ mitɔn lɛ́ɛ sín ahwankannumɔ wɛ yě ná nyí lɛ́ɛ ɔ́, un ná kplá yědɛɛ lɛ́ɛ yi to e mi gbɛ́ wǎn ná ɔ́ mɛ, bɔ yě ná tunwun to ɔ́.

Matíe 21:43

Énɛ́ ɔ́ wútu wɛ un ɖo ɖiɖɔ nú mi wɛ ɖɔ: ‘Mawu ná ɖe mi sín axɔ́súɖuto tɔn mɛ, bó ná sɔ́ akɔta e nǔwiwa yětɔn lɛ́ɛ jɛ xá axɔ́súɖuto tɔn lɛ́ɛ d'é mɛ, [

Mɛsɛ́dó 28:28

Pɔ́lu ka lɛ́ ɖɔ nú yě ɖɔ: “Mi bo nywɛ́ ganjí ɖɔ Mawu sɛ́ hwlɛngán tɔn dó mɛ e ma nyí Jwifu ǎ lɛ́ɛ; yědɛɛ lɛ́ɛ ná ɖótó e.” [

1 Kɔlɛ́ntinu 7:29

Nɔví lɛ́ɛ mi, nǔ e ɖɔ wɛ un ɖe, bó ɖɔ mɔ̌ ɔ́ ɖíe: hwenu kpɛɖé wɛ kpo; bɛ́ sín din ɔ́, mɛ e da asi lɛ́ɛ ní zán gbɛ yě ma da asi ɖɔhun.

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 4:2

Đó mǐ se Wɛn Ɖagbe ɔ́ lě e mɛ e ɖo gbětótló mɛ ɖ'ayǐ lɛ́ɛ se gbɔn é. Yě se wɛn énɛ́ ɔ́; é ka wa ɖagbe ɖé nú yě ǎ; ɖó hwenu e yě se ɔ́, yě yí kpó nǔɖiɖi kpó ǎ.

Eblée 4:9

Énɛ́ ɔ́, gbɔjɛ́ ɖé ɖo te nú togun Mawu tɔn, bó cí gbɔjɛ́ e Mawu gbɔjɛ́ azǎn tɛ́nwegɔ́ ɔ́ gbe ɔ́ ɖɔhun.