Eblée 4:2 - MAWUXÓWÉMA

² Đó mǐ se Wɛn Ɖagbe ɔ́ lě e mɛ e ɖo gbětótló mɛ ɖ'ayǐ lɛ́ɛ se gbɔn é. Yě se wɛn énɛ́ ɔ́; é ka wa ɖagbe ɖé nú yě ǎ; ɖó hwenu e yě se ɔ́, yě yí kpó nǔɖiɖi kpó ǎ.

Eblée 4:2 Iomraidhean Croise

Mɛsɛ́dó 13:46

Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.

Mɛsɛ́dó 3:26

Hǔn, midɛɛ lɛ́ɛ wɛ nyí mɛ nukɔn tɔn e Mawu sɛ́ Jezu dó é. É sɛ́ ɛ dó bónú é ná lɛ́ kɔ nú ɖokpó ɖokpó mitɔn sín nǔ nyanya e mi nɔ wa lɛ́ɛ gúdo, bó ná xo ɖɛ dó mi jí.

Hlɔ̌manu 2:25

Ényí a nɔ nyi sɛ́n ɔ́, ada e a gbo ɔ́ ɖó le nú we. Amɔ̌, ényí a ma ka nɔ nyi sɛ́n ɔ́ ǎ ɔ́, é cí a ma gbo ada ɖɔhun.

Hlɔ̌manu 3:3

Ényí mɛɖé lɛ́ɛ ɖo yě mɛ, bó ma nɔ gbejí ǎ ɔ́, nɛ̌ è ka ná ɖɔ gbɔn? Mawu ná gbɛ́ ɖɔ émí kún ná nɔ gbejí ó, ɖó yědɛɛ lɛ́ɛ ma nɔ gbejí wútu wɛ a?

1 Kɔlɛ́ntinu 13:3

Nú un ná bó má dɔkun ce lɛ́ɛ bǐ nú mɛ, un na bo sɔ́ agbaza ce dó sá vɔ̌, bɔ è dǒ zo, bɔ un ma ka ɖó wǎn yíyí ǎ ɔ́, nǔɖé ɖ'é mɛ nú mì ǎ.

Galatinu 3:2

Nǔ e un jló ɖɔ mi ní tínmɛ nú mì kpowun ɔ́ ɖíe: nǔ e sɛ́n ɔ́ zɔ́n wiwa lɛ́ɛ wɛ zɔ́n bɔ Mawu ná Yɛsinsɛn tɔn mi a, abǐ Wɛn Ɖagbe e mi se bó ɖi nǔ ná ɔ́ wú wɛ?

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Galatinu 4:13

Mi ní flín ɖɔ azɔn jɛ wɛ un ɖe wú wɛ un jlá Wɛn Ɖagbe ɔ́ mi azɔn nukɔn nukɔntɔn ɔ́.

Sɛ́nflínmɛ 1:32

Mi ka ɖeji dó Mawu Mavɔmavɔ, Mawu mitɔn wú hwenɛ́nu ǎ.

1 Tɛsalonikinu 1:5

Đó mǐ jlá Wɛn Ɖagbe ɔ́ mi; mǐ ka jlá mi ɖó nu wú kpowun ǎ; lo ɔ́, mǐ jlá mi kpódó hlɔ̌nhlɔ́n kpó, kpó alɔgɔ́númɛ Yɛsinsɛn tɔn kpó, kpódó gǎnjɛwú titewungbe e ɖo Wɛn Ɖagbe énɛ́ mɛ ɔ́ kpó. Mi tunwun lě e mǐ zán gbɛ mǐtɔn gbɔn ɖo tɛ́ntin mitɔn, ɖó ɖagbe mitɔn wú é.

1 Tɛsalonikinu 2:13

Mǐ nɔ lɛ́ gɔn kú dó nú Mawu ɖó nǔ élɔ́ wú ǎ; é wɛ nyí ɖɔ hwenu e mǐ jlá Mawuxó ɔ́ mi ɔ́, mi se lobo yí dó ayi mɛ; mi ka yí dó yí gbɛtɔ́ xó ǎ; lo ɔ́ mi yí dó yí Mawuxó ná; Mawuxó ɔ́ wɛ é ka nyí nǔgbó; ée mi yí i mɔ̌ ɔ́, é ɖo azɔ̌ wa ɖo mi mɛ e ɖi nǔ lɛ́ɛ mɛ wɛ.

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

Eblée 4:6

Énɛ́ ɔ́ wú ɔ́, mɛ ɖěvo lɛ́ɛ hɛn ɔ́, yě ná byɔ́ mɛ, ɖó mɛ nukɔntɔn e se Wɛn Ɖagbe ɔ́ lɛ́ɛ byɔ́ gbɔjɛ́ énɛ́ mɛ ǎ, ɖó yě tlí tó.

Jaki 1:21

Énɛ́ ɔ́ wútu ɔ́, mi ní jó nǔ e ná hɛn mɛ kwíji é bǐ kpódó azɔ̌ nyanya bǐ kpán dó. Mi yí xó e Mawu sɔ́ dó ayi mitɔn mɛ ɔ́ kpó xomɛ fífá kpó; ɖó xó ɔ́ hɛn ɔ́, é ná hwlɛ́n mi gán.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.