Eblée 4:16 - MAWUXÓWÉMA

¹⁶ Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

Eblée 4:16 Iomraidhean Croise

1 Tan 28:11

Davídi zé Mawu Mavɔmavɔ xwé ɔ́ kpó xɔ e ná nɔ mɛ lɛ́ɛ kpó sín ɖiɖe nú Salomɔ́ɔ: dɔkun xɔ lɛ́ɛ, xɔ e ɖo síngbó jí lɛ́ɛ, xɔ e ɖo do lɛ́ɛ, kpódó xɔ e mɛ akɔjijɛgbá Mawu Mavɔmavɔ tɔn ná nɔ ɔ́ kpó.

Ezayíi 27:11

Atínla xú ɔ́, é nɔ́ fɛ́n j'ayǐ, bɔ nyɔ̌nu lɛ́ɛ nɔ́ wá cyán bó nɔ́ dó zo. Togun énɛ́ ɖó nǔnywɛ́ ɖěbǔ ǎ. Énɛ́ wú wɛ mɛ e ɖó e ɔ́ sɔ́ kú nǔbláwǔ ɖěbǔ n'i ǎ; mɛ e bló e ɔ́, sɔ́ hwɛ kɛ ɛ ǎ.

Levíi ví 16:2

“Đɔ nú nɔví towe Aalɔ́ɔn ɖɔ ní má nɔ byɔ́ tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo hwebǐnu, ɖo fí e akɔjijɛgbá ɔ́ kpódó nusú tɔn kpó ɖe ɔ́ ó. É má nyí mɔ̌ ǎ ɔ́, é ná kú hwenu e un ná tɔ́n ɖo akpɔ́kpɔ́ mɛ, ɖo akɔjijɛgbá ɔ́ sín nusú jí é.

Efɛ́zinu 2:18

Đó Klísu jí wɛ mǐ bǐ ná gbɔn, Jwifu kpódó mɛ e ma nyí Jwifu ǎ é kpó, bó ná sixú yi Mawu Tɔ́ ɔ́ gɔ́n, kpódó Yɛsinsɛn ɖokpó énɛ́ sín alɔdó kpó.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

Eblée 13:6

Énɛ́ ɔ́ wú wɛ mǐ hɛn ɔ́, mǐ ná ɖɔ kpódó jiɖiɖe kpó ɖɔ Aklúnɔ wɛ nyí mɛ e nɔ d'alɔ mǐ é. Un ná ɖi xɛsi nú nǔɖé ǎ. Étɛ́ mɛɖé ka sixú wa nú mì.”

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

Eblée 9:5

Wɛnsagun susunɔ e ɖe xlɛ́ ɖɔ Mawu ɖo tɛn énɛ́ ɔ́ mɛ lɛ́ɛ ɖo akɔjijɛgbá ɔ́ ta, bó kɛ awa yětɔn lɛ́ɛ cyɔ́n fí e è nɔ sá vɔ̌ ɖe, bó nɔ́ mɔ hwɛsɔ́kɛ yí ɖe é. Amɔ̌, hwenu e è nǎ tín nǔ énɛ́ lɛ́ɛ ɖokpó ɖokpó mɛ dó ɔ́ ɖíe ǎ.

1 Piyɛ́ɛ 2:10

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.