Eblée 4:15 - MAWUXÓWÉMA

¹⁵ Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

Eblée 4:15 Iomraidhean Croise

Tíntɔ́n 23:9

“Mi ma dó ya nú toɖévomɛnu e ɖo to mitɔn mɛ lɛ́ɛ ó; mi tunwun nǔ e nɔ gbo toɖévomɛnu é; mi flín ɖɔ émí lɔ ko nyí jǒnɔ ɖo Ejípu, mɛ ɖěvo to mɛ kpɔ́n.”

Ezayíi 53:9

È ɖi i dó mɛdídá lɛ́ɛ tɛ́ntin, yɔdo tɔn ɖo dɔkunnɔ lɛ́ɛ tɛ́ntin, có é xo dǎka ɖě ǎ, è ká se adingbanxó ɖo nu tɔn kpɔ́n ǎ.

Ozée 11:8

“Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Matíe 12:20

É ná nyínyɛ́ fántín e ko tɔ é ǎ; é ka ná cí myɔ e ko ɖo cící wɛ é ǎ. É ná bló mɔ̌ káká jɛ hwenu e mɛ bǐ ná xwedó Mawusɛ́n ɔ́ dó é.

Matíe 4:1

Énɛ́ ɔ́ gúdo ɔ́, Yɛ ɔ́ kplá Jezu yi gbětótló mɛ bónú awǒvi ná tɛ́n ɛ kpɔ́n.

Luki 22:28

“Midɛɛ lɛ́ɛ ɔ́, mi wɛ nɔ gúdo ce hwebǐnu, ɖo adǎngbomɛ ce lɛ́ɛ mɛ.

Luki 4:2

Fínɛ́ ɔ́, awǒvi tɛ́n ɛ kpɔ́n xɔ azǎn kanɖé (40). Azǎn énɛ́ lɛ́ɛ mɛ ɔ́, é ɖu nǔ ɖěbǔ ǎ, bɔ ée azǎn kanɖé (40) énɛ́ lɛ́ɛ fó ɔ́, xovɛ́ sin i.

Jǎan 8:46

Mɛ̌ ká ɖo mi mɛ, bó ná sixú ɖe xlɛ́ ɖɔ un hu hwɛ kpɔ́n? Ényí un ka ɖo nǔgbó ɖɔ wɛ ɔ́, aniwú wɛ mi ma nɔ ɖi nǔ nú mì ǎ?

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 5:2

Ée é ɖésúnɔ lɔ nyí mɛ, bó ma ɖó gǎn ǎ gbɔn alɔkpa gěgé mɛ é ɔ́, é sixú kpɔ́n bó ɖɔ xá mɛ e ma tunwun nǔɖé ǎ lɛ́ɛ, kpó mɛ e nɔ wa nǔ nyi do lɛ́ɛ kpán.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

1 Piyɛ́ɛ 2:22

É hu hwɛ ǎ, è ka se adingbanxó ɖé ɖo nu tɔn mɛ kpɔ́n gbeɖé ǎ.

1 Jǎan 3:5

Mi ka tunwun ɖɔ Klísu wá, bó ná ɖe hwɛ lɛ́ɛ síin; hwɛ ɖě ka ɖo ayi tɔn mɛ ǎ.