Eblée 4:14 - MAWUXÓWÉMA

¹⁴ Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 4:14 Iomraidhean Croise

Ezekiyɛ́li 46:10

Hwe ɖokpó ɔ́ nu wɛ gǎn ɔ́ kpó togun ɔ́ kpó ná byɔ́ xwé ɔ́ gbe bó ná lɛ́ tɔ́n hwe ɖokpó ɔ́ nu.”

Matíe 4:3

bɔ mɛtɛ́nkpɔ́ntɔ́ ɔ́ sɛ yá ɛ, bó ɖɔ n'i ɖɔ: “Nú Mawu ví jɛ́n wɛ a nyǐ nǔgbó hǔn, ɖe gbe nú awǐnnya élɔ́ lɛ́ɛ, nú yě ní húzú nǔɖuɖu.”

Maki 1:1

Fí e Wɛn Ɖagbe e ɖɔ xó dó Jezu Klísu Mawu ví ɔ́ wú ɔ́ bɛ́ sín ɔ́ ɖíe.

Maki 16:19

Ée Aklúnɔ ɖɔ xó énɛ́ lɛ́ɛ nú yě gúdo ɔ́, è sɔ́ ɛ yi jǐnukúnsin, bɔ é jínjɔ́n ɖisíxwé nú Mawu.

Luki 24:51

Hwenu e é ɖo ɖɛ xo dó yě jí wɛ ɔ́, é jó yě dó, bɔ Mawu sɔ́ ɛ yi jǐxwé.

Mɛsɛ́dó 1:11

bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”

Mɛsɛ́dó 3:21

Amɔ̌, din ɔ́, Jezu ná to ɖo Mawu gɔ́n hwɛ̌, káká jɛ hwenu e Mawu ná lɛ́ vɔ́ nǔ bǐ húzú dó, lě e é ko ɖɔ gbɔn ɖ'ayǐ xóxó gbɔn gbeyíɖɔ mímɛ́ tɔn lɛ́ɛ jí é.

Hlɔ̌manu 8:34

Mɛ̌ ka ná ɖó hwɛ nú yě lo? Mɛ ɖé ɖe ǎ, ɖó Klísu Jezu wɛ nyí mɛ e kú é; nǔ e hú gǎn mɔ̌ ɔ́ wɛ nyí é fɔ́n sín kú, bó ɖo tɛn ɖaxó mɛ ɖo ɖisíxwé nú Mawu, bó ɖo vo sa nú Mawu wɛ dó ta mǐtɔn mɛ.

2 Kɔlɛ́ntinu 12:2

Un tunwun klísusɛntɔ́ ɖokpó, bɔ xwe wɛ̌nɛ ɖíe ɔ́, è sɔ́ ɛ káká yi jǐnukúnsin e yi jǐ hú jǐnukúnsin lɛ́ɛ bǐ é; un tunwun nú agbaza tɔn wɛ è sɔ́ yi abǐ lǐndɔ̌n tɔn wɛ è sɔ́ yi ǎ; Mawu ɖokpónɔ wɛ tunwun.

2 Kɔlɛ́ntinu 9:13

Azɔ̌ énɛ́ ná ɖe nǔ e mǐ nyí ɔ́ xlɛ́, bɔ mɛ gěgé ná kpa susu nú Mawu ɖó tónú e mi se nú Mawu, bó nɔ ɖe nǔɖiɖi e mi ɖó nú Wɛn Ɖagbe Klísu tɔn ɔ́ xlɛ́ é wú; yě ná lɛ́ kpa susu nú Mawu, ɖó lě e mi nyɔ́ xomɛ, bó nɔ má dɔkun mitɔn lɛ́ɛ xá yě, kpó mɛ ɖě lɛ́ɛ kpó gbɔn é wú.

Efɛ́zinu 4:10

Mɛ e jɛ te wá do ɖo ayǐkúngban jí ɔ́ ɖokpó ɔ́ wɛ yi jǐ aga, bó ná sixú ɖu axɔ́sú ɖo nǔ bǐ nu ɖo fí bǐ.

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 10:23

Mi nú mǐ ná hɛn nukúnɖíɖó e sín xó jlá wɛ mǐ ɖe ɔ́ syɛ́nsyɛ́n, ɖó Mawu e dó akpá nú mǐ ɔ́ ɖo gbejí.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Eblée 2:1

Énɛ́ ɔ́ wú wɛ mǐ ɖó ná hɛn nǔgbó e mǐ se lɛ́ɛ syɛ́nsyɛ́n hú ɖ'ayǐ tɔn, bónú è ma wá dɔn mǐ ɖó zɔ nú nǔgbó ɔ́ ó.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

Eblée 6:20

Fínɛ́ wɛ Jezu jɛ nukɔn nú mǐ, bó yi dó ta mǐtɔn mɛ. É húzú vɔ̌sánú-xwlémawutɔ́ ɖaxó káká sɔ́yi, Mɛlukisedɛ́ki ɖɔhun.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 8:1

Nǔ e ɖo tají hú ɖě lɛ́ɛ bǐ ɖo nǔ e ɖɔ wɛ mǐ ɖe ɔ́ mɛ ɔ́ ɖíe: Vɔ̌sánú-xwlémawutɔ́ ɖaxó mɔ̌hun wɛ mǐ ɖó, bɔ é jínjɔ́n ɖisíxwé nú axɔ́súzinkpo Mawu susu bǐ nɔ ɔ́ tɔn ɖo sɛ́xwé.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.