Eblée 4:13 - MAWUXÓWÉMA

¹³ Nǔ ɖěbǔ tíin bɔ è sixú sɔ́ hwlá dó Mawu ǎ. Nǔ e Mawu bló lɛ́ɛ ɖěbǔ ɖo hwlǎhwlá n'i ǎ; nǔ lɛ́ɛ bǐ wɛ é nɔ mɔ ɖo mɛ̌, bó nɔ mɔ yě ɖo wěxo; é wɛ mǐ bǐ ɖó ná ɖó gbe ná.

Eblée 4:13 Iomraidhean Croise

1 Tan 28:9

Vǐ ce Salomɔ́ɔ, hwɛ ɔ́, a ɖǒ ná tunwun Mawu nyɛ tɔ́ towe tɔn, lobo sɛn é ɖokpónɔ géé, kpódó ayixa towe bǐ kpó. Đó Mawu Mavɔmavɔ nɔ́ mɔ nukúnnú jɛ ayixa lɛ́ɛ bǐ mɛ, é tunwun nǔ e lin wɛ è ɖe lɛ́ɛ bǐ. Ényí a ba ɛ ɔ́, é ná jó éɖée dó bɔ a nǎ mɔ ɛ. Lo ɔ́ ényí a jǒ e dó ɔ́, é ná jó we dó bǐ gbídígbídí.

2 Tan 16:9

Mawu Mavɔmavɔ bló mɔ̌, ɖó nukún tɔn ɖo ayǐkúngban ɔ́ bǐ jí, bɔ é nɔ́ dó wǔsyɛ́n lanmɛ nú mɛ e yí wǎn n'i kpó ayixa yětɔn bǐ kpó lɛ́ɛ. Din ɔ́, a wa nǔ mɛ e ayixa ma sɔgbe ná ǎ ɖɔhun; énɛ́ wú ɔ́, ahwan fun wɛ jɛ́n a nǎ nɔ ɖe.”

2 Tan 6:30

nɔ jǐ, fí e a nɔ nɔ é, bó ɖótó e, bó sɔ́ hwɛ tɔn lɛ́ɛ kɛ ɛ. Blǒ nǔ e jɛ xá mɛ ɖokpó ɖokpó é, nú é ní sɔgbe xá lě e é zán gbɛ tɔn gbɔn é, ɖó a tunwun ayixa tɔn; hwi ɖokpónɔ géé wɛ tunwun gbɛtɔ́ lɛ́ɛ bǐ sín ayixa.

Jɔ̌bu 26:6

Đó kútomɛ ɔ́ ɖo wěxo ɖo Mawu nukɔn, avɔ ɖěbǔ cyɔ́n ɛ ǎ.

Jɔ̌bu 34:21

Đó Mawu nɔ mɔ lě e zán gbɛ gbɔn wɛ mɛ bǐ ɖe ɔ́, nukún tɔn ɖo afɔ e ɖe wɛ mɛ ɖokpó ɖokpó ɖe ɔ́ wú.

Jɔ̌bu 38:17

Kútomɛ sín hɔn lɛ́ɛ ɔ́, è xlɛ́ yě we kpɔ́n a? A mɔ ablu gɔngɔn sín hɔn lɛ́ɛ kpɔ́n a?

Ɖɛhan 139:4

Mawu Mavɔmavɔ, xó ɔ́ nɔ́ kó tɔ́n sín nu ce mɛ, cóbónú a nɔ ko tunwun xó e ɖɔ gbé un ja é bǐ ǎ.

Ɖɛhan 44:21

Nú mǐ kó wɔn hwi Mawu mǐtɔn ɔ́, bó yi sɛn nǔmɛsɛn to ɖěvo mɛ nu lɛ́ɛ tɔn wɛ ɔ́,

Ɖɛhan 7:9

Mawu Mavɔmavɔ, hwi wɛ nɔ ɖɔ hwɛ xá togun lɛ́ɛ, Mawu Mavɔmavɔ, ɖe xlɛ́ ɖɔ hwɛ ce jɔ, ɖó nǔ jlɔ́jlɔ́ wɛ un wa, xomɛvɔ́nɔ wɛ un nyí.

Ɖɛhan 90:8

A nɔ ɖe hwɛ e mǐ hu lɛ́ɛ bǐ gba; nǔ e mǐ wa ɖo nǔglɔ́ lɛ́ɛ bǐ wɛ ɖo wěziza nu ɖo nukɔn towe.

Nǔnywɛ́xó 15:11

Mawu Mavɔmavɔ mɔ nǔ jɛ kútomɛ, é mɔ jɛ domaɖó-azan ɔ́ mɛ; ani ka sɔ́ nyí gbɛtɔ́ sín ayi mɛ tɔn?

Nǔnywɛ́xó 15:3

Mawu Mavɔmavɔ sín nukún mɔ nǔ jɛ fí bǐ; é nɔ́ ɖo mɛdídá kpó mɛ ɖagbe kpó kpɔ́n wɛ.

Nǔnywɛ́xó 5:21

Flín ɖɔ Mawu Mavɔmavɔ ɖo nǔ e wa wɛ mɛ ɖokpó ɖokpó ɖe ɔ́ kpɔ́n wɛ. É mɔ nǔ e wa wɛ mɛ ɖokpó ɖokpó ɖe lɛ́ɛ ɖokpó ɖokpó.

Nǔnywɛ́tɔ́xó 12:14

Đó Mawu ná ɖɔ hwɛ dó nǔ e è wa lɛ́ɛ bǐ, káká jɛ éé è wa dó nǔglɔ́ lɛ́ɛ jí; é sixú nyí nǔ ɖagbe, é ká sixú nyí nǔ nyanya.

Jelemíi 16:17

Đó nǔ e wa wɛ yě ɖe lɛ́ɛ bǐ mɔ wɛ un ɖe, ɖě ɖo nǔglɔ́ nú mì ǎ; hwɛ e hu wɛ yě ɖe lɛ́ɛ bǐ mɔ wɛ un ɖe.

Jelemíi 17:10

Nyɛ Mawu Mavɔmavɔ ɔ́, un nɔ tunwun nǔ e lin wɛ gbɛtɔ́ ɖe ɖo ayi tɔn mɛ é. Nǔ e ɖo mɛ xomɛ ɔ́, un nɔ mɔ bó nɔ́ da kpɔ́n. Énɛ́ ɔ́, un nɔ wa nǔ nú mɛ lě e walɔ mɛ ɔ́ tɔn byɔ́ gbɔn é; nǔ e mɛɖé wa ɔ́ sín axɔ́ wɛ un nɔ sú mɛ ɔ́.

Jelemíi 23:24

Mɛ ɖé hɔn yi bɛ ɖo fí ɖé ɔ́, un nɔ mɔ ɛ jɛ́n wɛ. Un ɖo fí bǐ ɖo jǐxwé, bó lɛ́ ɖo fí bǐ ɖo ayǐkúngban ɔ́ jí. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 29:23

Nǔ nǎ cí mɔ̌ nú yě, ɖó yě wa hɛ̌nnú ɖo Izlayɛ́li: yě ba nɔzo yětɔn sín asi, nǔ e un ma sɛ́ yě dó ɖɔ yě ní yi ɖɔ ǎ ɔ́, yě nɔ́ yi ɖɔ; adingban ka wɛ. Un mɔ do nú nǔ énɛ́ lɛ́ɛ bǐ, ɖě nyí gúdo ce nú ǎ.’ ” Mawu Mavɔmavɔ wɛ ɖɔ mɔ̌.

Daniyɛ́li 2:22

É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Matíe 6:4

bónú nǔ e ná wɛ a ɖe ɔ́ ná dó nɔ wi mɛ; énɛ́ ɔ́, Tɔ́ towe e nɔ mɔ nǔ jɛ wi mɛ ɔ́ ná ná ajɔ tɔn we.”

Jǎan 2:24

Jezu ka gán jɛ yě wú ǎ, ɖó é tunwun yě bǐ ganjí;

Jǎan 21:17

Jezu lɛ́ kanbyɔ́ ɛ azɔn atɔngɔ́ ɔ́ ɖɔ: “Sinmɔ́ɔ Jǎan ví, a yǐ wǎn nú mì a?” Ée Piyɛ́ɛ mɔ ɖɔ Jezu kanbyɔ́ émí azɔn atɔngɔ́ ɔ́ ɖɔ é yí wǎn nú émí a jí ɔ́, wǔ kú i, bɔ é gbɔ bó yí gbe n'i ɖɔ: “Aklúnɔ, a tunwun nǔ bǐ; a tunwun ɖɔ un yí wǎn nú we.” Jezu ka ɖɔ n'i ɖɔ: “Nǎ nǔɖuɖu lɛ̌ngbɔ́ ce lɛ́ɛ.

Jǎan 4:16

Jezu ka ɖɔ n'i ɖɔ: “Yi ylɔ́ asú towe wá fí.”

Mɛsɛ́dó 17:31

Đó é sɔ́ azǎn ɖokpó ɖó te, bɔ azǎn énɛ́ gbe ɔ́, é ná xwedó hwɛjijɔ, bó ɖɔ hwɛ xá gbɛtɔ́ lɛ́ɛ bǐ, gbɔn mɛ e é ɖésúnɔ ko ɖe ɖó vo ɔ́ jí. É fɔ́n ɛ sín kú, bó dó ɖe nǔ énɛ́ ɔ́ xlɛ́ mɛ bǐ.”

Hlɔ̌manu 2:16

Nǔ e ná jɛ gbe e gbe Mawu ná gbɔn Jezu Klísu jí, bó ɖɔ hwɛ dó nǔ e gbɛtɔ́ lɛ́ɛ nɔ wa ɖo nǔglɔ́ lɛ́ɛ é nɛ́, lě e Wɛn Ɖagbe e jlá wɛ un ɖe ɔ́ ɖɔ gbɔn é.

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

2 Kɔlɛ́ntinu 5:10

Đó mǐ bǐ ɔ́, mǐ ɖó ná wá Klísu nukɔn, bɔ é ná ɖɔ hwɛ dó mǐ, bónú mɛ ɖokpó ɖokpó ná mɔ lě e é wa nǔ gbɔn hwenu e é ɖo agbaza tɔn mɛ ɔ́ sín ajɔ yí; nú nǔ ɖagbe wɛ mɛ ɔ́ wa, abǐ nǔ nyanya wɛ mɛ ɔ́ wa ɔ́, é ná mɔ ajɔ tɔn yí.

Nǔɖexlɛ́mɛ 2:23

Un ná hu vǐ tɔn lɛ́ɛ; énɛ́ ɔ́, agun Klísu tɔn lɛ́ɛ bǐ ná tunwun ɖɔ nyɛ wɛ nyí mɛ e nɔ tunwun linlin kpódó jlǒ gbɛtɔ́ tɔn lɛ́ɛ kpán é. Un ná sú lě e mi mɛ ɖokpó ɖokpó wa nǔ gbɔn ɔ́ sín axɔ́ mi.

1 Samuwɛ́li 16:7

Mawu Mavɔmavɔ ká ɖɔ nú Samuwɛ́li ɖɔ: “Ma nú ninɔmɛ tɔn blɛ́ we ó, ma ka nú ga tɔn blɛ́ we ó, ɖó é wɛ un sɔ́ ǎ. Nǔ e nyí nǔxɔ-akwɛ́ ɖo gbɛtɔ́ lɛ́ɛ nukún mɛ ɔ́ nɔ xɔ akwɛ́ nyɛ Mawu nukún mɛ ǎ. Nǔ e ɖo wěxo ɔ́ wɛ gbɛtɔ́ nɔ kpɔ́n, ayixa mɛ wɛ nyɛ Mawu Mavɔmavɔ ká nɔ́ kpɔ́n.”