Eblée 4:12 - MAWUXÓWÉMA

¹² Đó Mawuxó ɔ́ ɖo gbɛ, bó ɖó hlɔ̌nhlɔ́n; é ɖá hú jǐví nuwenɔ bǐ. É nɔ byɔ́ káká fí e lǐndɔ̌n kpó yɛ kpó kplé ɖe ɔ́, bó nɔ má yě ɖó vovo. É nɔ byɔ́ káká fí e gǒflɛ́mɛ lɛ́ɛ kpódó fɔn lɛ́ɛ kpó kplé ɖe ɔ́, bó nɔ má yě ɖó vovo. É nɔ ɖe ɖɛ jlǒ kpódó linlin e ɖo gbɛtɔ́ sín ayi mɛ lɛ́ɛ kpán ɖó vovo.

Eblée 4:12 Iomraidhean Croise

Ɖɛhan 110:2

Mawu Mavɔmavɔ ná vlɔ́n kan nú axɔ́súɖuto towe, Sinyɔ́ɔ wɛ é ná bɛ́ sín; hwɛ ɔ́, a nǎ kpa acɛ nú kɛntɔ́ towe lɛ́ɛ.

Ɖɛhan 119:130

È tín xó towe mɛ nú mɛɖé ɔ́, mɛ ɔ́ nɔ́ mɔ wěziza; è tínmɛ nú xlonɔ ɔ́, é nɔ́ mɔ nukúnnú jɛ nǔ mɛ.

Ɖɛhan 139:2

A nɔ tunwun hwenu e un nɔ jínjɔ́n ayǐ é, bó nɔ́ tunwun hwenu e un nɔ sí te é. Un ɖo nǔɖé lin wɛ ɔ́, a nɔ ko mɔ sɛ́ dó.

Ɖɛhan 149:6

Yě ní sɔ́ nu yětɔn dó ɖo Mawu mlá wɛ, bónú dɛnkpe ɖíɖá nuwenɔ ka ɖo alɔ yětɔn mɛ,

Ɖɛhan 45:3

A nyɔ̌ ɖɛkpɛ hú gbɛtɔ́ lɛ́ɛ bǐ; a nyɔ̌ xó ɖɔ; énɛ́ ɔ́ wú wɛ Mawu xo ɖɛ ɖumavɔ dó jǐ towe.

Nǔnywɛ́xó 5:4

É ká wá yá ɔ́, é nɔ́ vɛ́ amavívɛ́ ɖɔhun, é nɔ́ ɖá hwǐ nuwenɔ ɖɔhun.

Nǔnywɛ́tɔ́xó 12:11

Nǔnywɛ́tɔ́ sín xó lɛ́ɛ cí kpo nu xwíɖíxwíɖí e è nɔ sɔ́ kanlin lɛ́ɛ bɔ zɔnlin yětɔn nɔ́ yá ɔ́ ɖɔhun. È dɔn nǔnywɛ́ yětɔn lɛ́ɛ kplé ɔ́, yě cí hǔnjɛ́n e è xwe ganjí ɔ́ ɖɔhun. Nǔnywɛ́ énɛ́ lɛ́ɛ bǐ ɔ́, Mawu wɛ nɔ ná. Mawu ɖokpó wɛ nyí lɛ̌ngbɔ́nyitɔ́ nǔgbó ɖokpó e ɖe é.

Ezayíi 11:4

É nɔ́ dó hwɛjijɔ nú wamamɔnɔ; hwɛjijɔ wɛ é nɔ́ xwedó dó ɖɔ hwɛ xá mɛ e ma ɖó mɛɖé ǎ é; xó tɔn cí kpo ɖɔhun, bɔ é ná dó xo to ɔ́, xó e ná tɔ́n sín nu tɔn mɛ ɔ́ wɛ ná hu mɛdídá.

Ezayíi 49:2

É sɔ́ nu ce dó húzú hwǐ ɖíɖá, é cyɔ́n alɔ jǐ ce. É sɔ́ mì dó húzú gǎ nuxwíɖíxwíɖí, bó sɔ́ dó gǎgo tɔn mɛ.

Ezayíi 55:11

Mɔ̌ ɖokpó ɔ́, xó e nɔ́ tɔ́n sín nu ce mɛ ɔ́ nɔ́ lɛ́ kɔ wá gɔ̌n ce agba ǎ; é nɔ́ bló nǔ e un lɛ́n é, é nɔ́ bló nǔ e gbé un sɛ́ ɛ dó é.”

Jelemíi 17:10

Nyɛ Mawu Mavɔmavɔ ɔ́, un nɔ tunwun nǔ e lin wɛ gbɛtɔ́ ɖe ɖo ayi tɔn mɛ é. Nǔ e ɖo mɛ xomɛ ɔ́, un nɔ mɔ bó nɔ́ da kpɔ́n. Énɛ́ ɔ́, un nɔ wa nǔ nú mɛ lě e walɔ mɛ ɔ́ tɔn byɔ́ gbɔn é; nǔ e mɛɖé wa ɔ́ sín axɔ́ wɛ un nɔ sú mɛ ɔ́.

Jelemíi 23:29

Xó ce ɔ́, myɔ ɖɔhun wɛ é cí ǎ cé? Zǔnkpé e nɔ gba só é ɖɔhun wɛ é cí ǎ cé?

Luki 8:11

“Lǒ e un dó ɔ́, tínmɛ tɔn ɖíe: nǔkún ɔ́, Mawuxó ɔ́ wɛ.

Jǎan 12:48

Mɛ e gbɛ́ mì, bó ma yí xó ce lɛ́ɛ ǎ ɔ́, é ko ɖó nǔ e na ɖɔ hwɛ xá ɛ lɛ́ɛ; xó e un ɖɔ lɛ́ɛ wɛ ja hwɛ ɖɔ xá ɛ gbé ɖo azǎn gǔdo gúdo tɔn ɔ́ gbe.

Jǎan 6:51

Nyɛ wɛ nyí nǔɖuɖu gbɛɖe e jɛ te sín jǐxwé é. Mɛ e ná ɖu ɖo nǔɖuɖu élɔ́ mɛ ɔ́ ná nɔ gbɛ káká sɔ́yi. Nǔɖuɖu e un ka ná ná mi ɔ́, agbaza ce e un ná sɔ́ jó dó gbɛtɔ́ lɛ́ɛ tamɛ ɔ́ wɛ.”

Mɛsɛ́dó 2:37

Ée yě se xó énɛ́ ɔ́, é hɛn hǔn nú yě ɖésú, bɔ yě kanbyɔ́ Piyɛ́ɛ kpódó mɛsɛ́dó lɛ́ɛ kpán ɖɔ: “Nɔví ce lɛ́ɛ mi! Étɛ́ mǐ ká ɖó ná wa?”

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 5:33

Ée toxóɖɔtɔ́ lɛ́ɛ se xó énɛ́ lɛ́ɛ ɔ́, xomɛ sin yě tlala, bɔ yě jló ná hu mɛsɛ́dó lɛ́ɛ.

Mɛsɛ́dó 7:38

Hwenu e togun ɔ́ kplé ɖo gbětótló mɛ ɔ́, é wɛ nɔ kpɔ́ xá yě; é nɔ kpɔ́ xá tɔ́gbó mǐtɔn lɛ́ɛ, kpó wɛnsagun e ɖɔ xó n'i ɖo Sinayíi só jí ɔ́ kpó, bó yí Mawuxó e nɔ́ ná gbɛ mɛ ɔ́, bó ɖɔ nú mǐ.

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

1 Kɔlɛ́ntinu 1:24

Lo ɔ́, Klísu ɔ́, hlɔ̌nhlɔ́n Mawu tɔn kpódó nǔnywɛ́ Mawu tɔn kpó wɛ é nyí nú mɛ e Mawu ylɔ́ lɛ́ɛ; Jwifu kpódó Glɛ̌sinu kpó.

2 Kɔlɛ́ntinu 2:17

Mǐ cí mɛ tobutóbú e nɔ zé Mawuxó ɔ́ dó wa ajɔ̌ ná lɛ́ɛ ɖɔhun ǎ. É nyɔ́ wa ɔ́, ée é nyí ɖɔ Mawu wɛ sɛ́ mǐ dó ɔ́, mǐ nɔ ɖɔ xó kpódó nǔgbó kpó ɖo nukɔn tɔn azɔ̌watɔ́ Klísu tɔn ɖɔhun.

2 Kɔlɛ́ntinu 4:2

Nǔglɔ́nú e mǐ nɔ wa lɛ́ɛ kpó winnyánú e mǐ nɔ́ wa lɛ́ɛ kpó ɔ́, mǐ jó dó; mǐ nɔ sɔ́ sísɛ́ ɖó nukɔn dó wa nǔ ǎ; mǐ nɔ́ kpé ta do nú Mawuxó ɔ́ ǎ; é nyɔ́ wa ɔ́, mǐ nɔ́ ɖɔ nǔgbó ɔ́ nyi wɛn nú mɛ, bɔ è nɔ tunwun; énɛ́ ɔ́, gbɛtɔ́ bǐ nɔ mɔ ɖo ayi mɛ ɖo Mawu nukɔn ɖɔ azɔ̌ mɔ̌hunkɔtɔn wa tɔ́ wɛ mǐ nyí.

Efɛ́zinu 5:13

Ényí è ɖe nǔ énɛ́ lɛ́ɛ bǐ gba ɖo wěziza nu ɔ́, è nɔ mɔ nukúnnú jɛ nǔ e yě nyí ɔ́ wú céɖécéɖé.

Efɛ́zinu 5:26

É bló mɔ̌, bó sɔ́ sin kpódó xó tɔn kpó dó lɛ agun ɔ́ wé, bónú é ná sixú nyí agun e jɛ xá bó ná nyí agun Mawu tɔn é.

Efɛ́zinu 6:17

Hwlɛngán ní nyí gangbákún ɖo ta nú mi, bónú Mawuxó ɔ́ ní nyí hwǐ e Yɛsinsɛn sɔ́ dó alɔ mɛ nú mi é.

1 Tɛsalonikinu 2:13

Mǐ nɔ lɛ́ gɔn kú dó nú Mawu ɖó nǔ élɔ́ wú ǎ; é wɛ nyí ɖɔ hwenu e mǐ jlá Mawuxó ɔ́ mi ɔ́, mi se lobo yí dó ayi mɛ; mi ka yí dó yí gbɛtɔ́ xó ǎ; lo ɔ́ mi yí dó yí Mawuxó ná; Mawuxó ɔ́ wɛ é ka nyí nǔgbó; ée mi yí i mɔ̌ ɔ́, é ɖo azɔ̌ wa ɖo mi mɛ e ɖi nǔ lɛ́ɛ mɛ wɛ.

1 Tɛsalonikinu 5:23

Mawu e nɔ ná fífá mɛ ɔ́ ní bló bónú mi ní nyí étɔn bǐ dégbédégbé, ní cɔ́ mi ɖésúnɔ ɔ́ bǐ, ní cɔ́ yɛ mitɔn, bó cɔ́ lǐndɔ̌n mitɔn kpódó agbaza mitɔn kpó, bónú blɔ̌ ɖé ma nɔ mi wú ó, nú gbe e gbe Aklúnɔ mǐtɔn Jezu Klísu ná wá é.

Eblée 13:7

Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

1 Piyɛ́ɛ 1:23

Nǔgbó ɔ́, mi vɔ́ jɔ; é ka nyí nǔkún e nɔ kú ɔ́ jí wɛ mi vɔ́ jɔ gbɔn ǎ; lo ɔ́, nǔkún e ma nɔ kú ǎ ɔ́ jí wɛ mi vɔ́ jɔ gbɔn; xó gbɛɖe, xó mavɔ mavɔ Mawu tɔn ɔ́ wɛ zɔ́n bɔ mi vɔ́ jɔ.

Nǔɖexlɛ́mɛ 1:16

É hɛn sunví tɛ́nwe dó alɔ tɔn ɖisí ɔ́ mɛ, bɔ hwǐ ɖíɖá nu we nɔ ɖé nɔ tɔ́n sín nu tɔn mɛ; nukún tɔn mɛ nɔ kɔ́n lě e hwe nɔ kɔ́n gbɔn ɖo hwemɛ cíɖíɖí é ɖɔhun.

Nǔɖexlɛ́mɛ 19:15

Hwǐ ɖíɖá ɖé nɔ tɔ́n sín nu tɔn mɛ; hwǐ ɔ́ wɛ é ná sɔ́ dó xo to lɛ́ɛ ná. É ná kpa acɛ dó yě nu, bɔ acɛkpikpa tɔn ná syɛ́n gankpo ɖɔhun; é ná li vǐwun sínsɛ́n ɔ́ ɖo xomɛsin ɖaxó Mawu Nǔbǐwúkpétɔ́ ɔ́ tɔn sín vǐwunto ɔ́ mɛ.

Nǔɖexlɛ́mɛ 19:21

È sɔ́ hwǐ e nɔ tɔ́n sín mɛ e ɖo sɔ́ jí ɔ́ sín nu mɛ ɔ́ dó hu mɛ e kpo lɛ́ɛ ná, bɔ xɛ lɛ́ɛ bǐ ɖu lan yětɔn gɔ́ xo.

Nǔɖexlɛ́mɛ 2:16

Hǔn, bo lɛ́ kɔ sín hwɛ towe lɛ́ɛ gúdo; é ma nyí mɔ̌ ǎ ɔ́, un ná wá mɔ we ɖo malín málín mɛ din, bó ná zé hwǐ e nɔ tɔ́n sín nu ce mɛ ɔ́ dó fun ahwan xá mɛ énɛ́ lɛ́ɛ.

Nǔɖexlɛ́mɛ 2:23

Un ná hu vǐ tɔn lɛ́ɛ; énɛ́ ɔ́, agun Klísu tɔn lɛ́ɛ bǐ ná tunwun ɖɔ nyɛ wɛ nyí mɛ e nɔ tunwun linlin kpódó jlǒ gbɛtɔ́ tɔn lɛ́ɛ kpán é. Un ná sú lě e mi mɛ ɖokpó ɖokpó wa nǔ gbɔn ɔ́ sín axɔ́ mi.

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).

Hwɛɖɔtɔ́ 3:16

Ehúdi bló hwǐ ɖíɖá nuwenɔ ɖokpó, bó sɔ́ hwlá dó avɔ glɔ́ ɖo ɖisíxwé; hwǐ ɔ́ ga tɔn ná yi mɛ̌tlu vlɔ́ mɔ̌.