Eblée 4:11 - MAWUXÓWÉMA

¹¹ Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 4:11 Iomraidhean Croise

Matíe 11:12

Sín Jǎan Yɛhwesinlɛnúmɛtɔ́ ɔ́ hwenu káká wá jɛ din ɔ́, axɔ́súɖuto sɛ́xwé tɔn ɔ́, hlɔ̌nhlɔ́n nú wɛ é nyí, bɔ mɛ e dó gǎn ɖésú lɛ́ɛ wɛ nɔ́ ba ná klá jɛ nu.

Matíe 7:13

“Mi gbɔn hɔn kpɛví ɔ́ nu; ɖó fí e è nɔ gbɔn, bó nɔ yi dɔn ɔ́, hɔn tɔn d'agba, bɔ ali tɔn gbló, bo vɛ́ gbɔn ǎ; mɛ gěgé wɛ nɔ gbɔn fínɛ́.

Luki 13:24

“Mi dó gǎn, bó gbɔn hɔn kpɛví ɔ́ nu; ɖó má ɖɔ nú mi, mɛ gěgé na ba ɖɔ émí ná gbɔn hɔnli énɛ́ nu, bó ka ná kpé wú ǎ.

Luki 16:16

Nǔ e Mɔyízi sɛ́n ɔ́ zɔ́n lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán wɛ ɖo te káká bɔ Jǎan Yɛhwesinlɛnúmɛtɔ́ ɔ́ wá; bɛ́ sín hwenu e é wá ɔ́, mɛ lɛ́ɛ jɛ Wɛn Ɖagbe e ɖɔ xó dó axɔ́súɖuɖu Mawu tɔn wú ɔ́ jlá mɛ lɛ́ɛ jí; bɔ mɛ ɖokpó ɖokpó nɔ ɖo gǎn dó wɛ, bó na byɔ́ axɔ́súɖuɖu Mawu tɔn mɛ.

Jǎan 6:27

Mi ma nɔ jɛ tagba dó nǔɖuɖu e nɔ gblé ɔ́ tamɛ ó; lo ɔ́, mi ní nɔ jɛ tagba dó nǔɖuɖu e nɔ́ nɔ ayǐ sɔ́yi gbɛ mavɔ mavɔ é tamɛ. Nǔɖuɖu énɛ́ ɔ́, Gbɛtɔ́ví ɔ́ wɛ ná ná mi, ɖó Mawu Tɔ́ ɔ́ ná acɛ tɔn ɛ.”

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Efɛ́zinu 2:2

Mi nɔ xwedó gbɛ nyanya e mɛ e nyí gbɛ élɔ́ tɔn lɛ́ɛ nɔ zán é. Mi nɔ se tónú nú gǎn e kpa acɛ nú nǔ e ɖo yɛswímɛ ɖo hwe glɔ́ lɛ́ɛ. Gǎn énɛ́ ɔ́ wɛ nyí yɛ e ɖo azɔ̌ wa wɛ din ɖo gbɛtɔ́ e ma nɔ se tónú nú Mawu ǎ lɛ́ɛ mɛ é.

Efɛ́zinu 5:6

Mɛ ɖé ma sɔ́ xó gbló bó dó blɛ́ mi ná ó, ɖó nǔ énɛ́ lɛ́ɛ wútu wɛ Mawu nɔ sin xomɛ dó mɛ e ma nɔ se tónú n'i ǎ lɛ́ɛ.

Filípunu 2:12

Énɛ́ ɔ́, mɛvívɛ́ná ce lɛ́ɛ mi, hwenu e un ɖo kpɔ́ xá mi ɔ́, mi nɔ se tónú nú mì tɛgbɛ; din e un ma ka sɔ́ ɖo kpɔ́ xá mi ǎ ɔ́, é lɛ́ ɖo tají ɖɔ mi ní lɛ́ se tónú nú mì. Mi wa azɔ̌ kpó xɛsi kpó, kpódó sísɔ́sísɔ́ kpán nú hwlɛngán mitɔn ná nyí hwlɛngán kpíkpé.

Kolósinu 3:6

Nǔwanyido mɔ̌hunkɔtɔn lɛ́ɛ wútu wɛ xomɛsin Mawu tɔn ná kɔn nyi mɛ e ma nɔ se tónú n'i ǎ lɛ́ɛ jí.

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

Eblée 3:12

Nɔví lɛ́ɛ mi, mi cɔ́ miɖée, bónú mɛɖé má ɖo mi mɛ, bó ɖó ayi nyanya, ayi e ma nɔ ɖi nǔ ǎ é, bó lɛ́ kɔ sín Mawu gbɛɖe ɔ́ gúdo ó.

Eblée 3:18

Hwenu e Mawu xwlé nǔ bó ɖɔ: “Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ” ɔ́, mɛ̌ e mɛ̌ e xó ɖɔ wɛ é ka ɖe? Mɛ e fɔ́n gǔ lɛ́ɛ xó ɖɔ wɛ é ɖe.

Eblée 4:6

Énɛ́ ɔ́ wú ɔ́, mɛ ɖěvo lɛ́ɛ hɛn ɔ́, yě ná byɔ́ mɛ, ɖó mɛ nukɔntɔn e se Wɛn Ɖagbe ɔ́ lɛ́ɛ byɔ́ gbɔjɛ́ énɛ́ mɛ ǎ, ɖó yě tlí tó.

Eblée 6:11

Amɔ̌ mǐ jló ɖɔ ɖokpó ɖokpó mitɔn ní ɖe bǐbí dó nǔ wú énɛ́ xlɛ́ káká sɔ́yi vivɔnu, bónú nǔ e ɖó nukún wɛ mi ɖe ɔ́ ná jɛ.

Jozuwée 7:3

yě lɛ́ kɔ wá ɖɔ nú Jozuwée ɖɔ: “É byɔ́ ɖɔ è nǐ sɛ́ ahwangɔnu ɔ́ bǐ dó ahwan fun xá toxo énɛ́ ɔ́ gbé ǎ. Gbɛtɔ́ afɔwó (2.000) abǐ afɔwó-afatɔ́n (3.000) yi ɔ́, é kó kpé, ɖó mɛ e ɖo toxo ɔ́ mɛ lɛ́ɛ sukpɔ́ ɖěbǔ ǎ. È nǎ xaji dó tagba nú ahwangɔnu mǐtɔn ɔ́ bǐ ǎ.”

2 Piyɛ́ɛ 2:6

Mawu ɖó hwɛ nú Sodɔ́mu kpó Gomɔ́ɔ kpó, bó zé myɔ dó vɔ yě ná; é bló mɔ̌, bó dó ná nǔ e ɖo ná jɛ dó mɛdídá e ná wá lɛ́ɛ jí wɛ ɔ́ sín xlɛ́ ɖokpó yě.