Eblée 4:1 - MAWUXÓWÉMA

¹ Ée akpá e Mawu dó nú mǐ ɖɔ mǐ ná byɔ́ fí e émí ná ná gbɔjɛ́ mǐ ɖe ɔ́ lɛ́ kpo ɖo te ɔ́, hǔn mǐ ní bó cɔ́ mǐɖée, bónú mi mɛ ɖěbǔ ní ma gɔn gbɔjɛ́ énɛ́ ɔ́ mɛ byɔ́ ó.

Eblée 4:1 Iomraidhean Croise

Nǔnywɛ́xó 14:16

Gbɛtɔ́ e ɖó nǔnywɛ́ ɔ́ nɔ́ ɖi xɛsi nú nǔ nyanya bó nɔ́ kpa kɛ́n ná; xlonɔ ka nɔ ɖo wǔyámɛsin dun wɛ bó nɔ́ jɛ nǔ nyanya mɛ.

Nǔnywɛ́xó 28:14

Nǔ nyɔ́ nú mɛ e nɔ ɖó sísí nú Mawu hwebǐnu é; amɔ̌, mɛ e nɔ syɛ́n ta lɛ́ɛ ɔ́, awě wɛ nɔ́ xo yě.

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Kɛ́nsísɔ́ 14:34

Azǎn kanɖé (40) wɛ mi sɔ́ ɖó te bo dó ba do nú to ɔ́; mɔ̌ ɖokpó ɔ́, mi ná hɛn hwɛgban mitɔn lɛ́ɛ xɔ xwe kanɖé (40); xwe ɖokpó ɖo azǎn ɖokpó tɛnmɛ. Énɛ́ ɔ́, nú un húzú kpan nukɔn mɛ ɔ́ nǔ e ɖ'é mɛ ɔ́ mi ná tunwun.

Matíe 24:48

Amɔ̌, é ka nyí ɖɔ mɛsɛntɔ́ nyanya wɛ é nyí, bó nɔ́ ɖɔ dó ayi mɛ ɖɔ: ‘Gǎn ce sín wǐwá ɖíe ɖo lǐnlín wɛ e,’

Mɛsɛ́dó 3:19

Hǔn mi bo lɛ́ kɔ sín hwɛ mitɔn lɛ́ɛ gúdo, bó wá Mawu gɔ́n, bónú é ná súnsún hwɛ mitɔn lɛ́ɛ.

Hlɔ̌manu 11:20

Nǔgbó wɛ é nyí. È gbo yě síin ɖó nǔmaɖi yětɔn wútu, bɔ a ɖo tɛn énɛ́ mɛ, ɖó nǔ e a ɖi ɔ́ wú. Hǔn ma yí go ó, lo ɔ́, ɖi xɛsi.

Hlɔ̌manu 3:23

Đó gbɛtɔ́ lɛ́ɛ bǐ wɛ hu hwɛ bɔ susu e Mawu nɔ́ ná mɛ ɔ́, yě ɖó ɖě ɖ'é mɛ ǎ.

1 Kɔlɛ́ntinu 10:12

Énɛ́ ɔ́ wú ɔ́, mɛ e lin ɖɔ émí ɖo te ɔ́ ɖó ná cɔ́ éɖée, bó ma wá jɛ ayǐ ó.

2 Kɔlɛ́ntinu 6:1

Énɛ́ ɔ́, mǐ mɛ e ɖo azɔ̌ wa xá Mawu wɛ lɛ́ɛ ɔ́, mǐ ɖo byɔ̌byɔ́ mi wɛ ɖɔ mi ma jó fɛ́nú e mi yí ɖo Mawu sí ɔ́ dó, bónú é bú ó.

Galatinu 5:4

Mi mɛ e nɔ ba ná nyi sɛ́n ɔ́, bó ná dó nyí hwɛjijɔnɔ ɖo Mawu nukɔn lɛ́ɛ ɔ́, mi tunwun ɖɔ émí kpó Klísu kpó klán, bɔ émí ba fɛ́nú Mawu tɔn kpo.

2 Timɔtée 2:13

Ényí mǐ ma nɔ gbejí ǎ ɔ́, éyɛ́ ɖo gbejí tɛgbɛ; ɖó é sixú gbɛ́ ɖɔ émí kún nyí nǔ e émí nyí ɔ́ ó ǎ.”

Eblée 12:15

Mi cɔ́ miɖée, bónú mɛɖé ma sú fɛ́nú Mawu tɔn sín ali dó éɖée ó. Mɛɖěbǔ ní ma cí atín aɖǐvɛ́nɔ e nɔ wú, bó nɔ gba kún kpé fí bǐ, lobɔ aɖǐvɛ́ tɔn nɔ dó azɔn gbɛtɔ́ gěgé ɔ́ ɖɔhun ó.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 13:7

Mi flín agunnukɔntɔ́ mitɔn xóxó e ɖɔ Mawuxó nú mi lɛ́ɛ é. Mi lin tamɛ dó lě e yě zán gbɛ yětɔn gbɔn ɔ́ kpó lě e yě kú gbɔn ɔ́ kpó wú, bó ɖó nǔɖiɖi yě ɖɔhun.

Eblée 3:11

Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ”

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 4:9

Énɛ́ ɔ́, gbɔjɛ́ ɖé ɖo te nú togun Mawu tɔn, bó cí gbɔjɛ́ e Mawu gbɔjɛ́ azǎn tɛ́nwegɔ́ ɔ́ gbe ɔ́ ɖɔhun.

1 Samuwɛ́li 2:30

Énɛ́ ɔ́ wútu ɔ́, nǔ e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Un ɖɔ xwédo towe kpó tɔ́gbó towe xwédo kpó ná nyí vɔ̌sánú-xwlémawutɔ́ ce káká sɔ́yi. Amɔ̌, din ɔ́, nǔ sɔ́ sixú nyí mɔ̌ gbeɖé ǎ. Đó mɛɖé sɔ́ mì su ɔ́, un ná sɔ́ ɛ su; mɛɖé ka dó vɛ̌ nú mì lɛ́ɛ ɔ́, un ná dó vɛ̌ nú yě.