Eblée 3:9 - MAWUXÓWÉMA

⁹ Tɔ́gbó mitɔn lɛ́ɛ tɛ́n mì kpɔ́n ɖo fínɛ́, có yě ká mɔ nǔwiwa ce lɛ́ɛ káká nú xwe kanɖé (40).

Eblée 3:9 Iomraidhean Croise

Ɖɛhan 95:9

Tɔ́gbó mitɔn lɛ́ɛ tɛ́n mì kpɔ́n gbɔn fí énɛ́ lɛ́ɛ, yě ko mɔ nǔ e un nɔ jlɛ́ lɛ́ɛ có bó nɔ́ lɛ́ tɛ́n mì kpɔ́n.

Tíntɔ́n 19:4

Mi ɖésúnɔ ɔ́, mi mɔ nǔ e un wa xá Ejípunu lɛ́ɛ é; bó ká mɔ lě e un bɛ́ midɛɛ lɛ́ɛ, lě e gangan nɔ zé vǐ tɔn dó awa jí ɔ́ ɖɔhun, bó kplá mi wá fí gbɔn é.

Tíntɔ́n 20:22

Mawu Mavɔmavɔ ɖɔ nú Mɔyízi ɖɔ: “A nǎ ɖɔ nú Izlayɛ́li ví lɛ́ɛ ɖɔ nyɛ Mawu Mavɔmavɔ ɖɔ: ‘Mi mɔ din ɖɔ jǐxwé wɛ un nɔ bó ɖɔ xó nú mi.

Amɔ́si 2:10

Có nyɛ wɛ ka kplá mi sín Ejípu, bó kplá mi gbɔn gbětótló mɛ xɔ xwe kanɖé (40), bó ná dó ná Amɔliti lɛ́ɛ sín to mi.

Kɛ́nsísɔ́ 14:33

Vǐ mitɔn lɛ́ɛ ná ɖo flúflú wɛ gbɔn gbětótló mɛ xɔ xwe kanɖé (40); lě e yě ná sú gbejí e mi ma nɔ ǎ ɔ́ sín axɔ́ gbɔn káká bɔ mi bǐ ná kú vɔ ɖo gbětótló mɛ ɔ́ nɛ́.

Luki 7:22

É yí gbe nú mɛ e Jǎan sɛ́ dó lɛ́ɛ ɖɔ: “Mi yi ɖɔ nǔ e mi se lɛ́ɛ kpódó nǔ e mi mɔ lɛ́ɛ kpó nú Jǎan: nukúntíntɔ́nnɔ lɛ́ɛ ɖo nukúnnú mɔ wɛ, sékúnɔ lɛ́ɛ ɖo zɔnlin ɖi wɛ, gudunɔ lɛ́ɛ sín wǔtu ɖo te jɛ wɛ, tókúnɔ lɛ́ɛ ɖo nǔ se wɛ, è ɖo mɛkúkú lɛ́ɛ fɔ́n wá gbɛ wɛ, bó ɖo Wɛn Ɖagbe Mawu tɔn jlá wamamɔnɔ lɛ́ɛ wɛ.

Mɛsɛ́dó 13:8

lo ɔ́, Elimasi e è nɔ ylɔ́ ɖɔ majíkiblótɔ́ ɔ́, (mɔ̌ wɛ è nɔ ylɔ́ ɛ ɖɔ dó Glɛ̌sigbe mɛ) ka ná tɛn tɔn yě ǎ, é ɖo biba ná ɖe ayi tokpɔngán ɔ́ tɔn sín nǔɖiɖi ɖó nú Jezu Klísu xó e ɖɔ n'i wɛ è ɖe ɔ́ wú wɛ.

Mɛsɛ́dó 7:36

Mɔyízi énɛ́ wɛ kplá Izlayɛ́li ví lɛ́ɛ tɔ́n sín Ejípu, gbɔn nǔdábaɖa e é ɖe tɔ́n lɛ́ɛ kpódó nǔ e é jlɛ́ ɖo to énɛ́ ɔ́ mɛ, bó jlɛ́ ɖo Xu Vɔvɔ ɔ́ tó, bó jlɛ́ ɖo gbětótló mɛ, káká xɔ xwe kanɖé (40) ɔ́ kpó gbla mɛ.

Sɛ́nflínmɛ 11:7

Nukún mitɔn mɛ wɛ Mawu Mavɔmavɔ bló nǔ ɖaxó ɖaxó énɛ́ lɛ́ɛ ɖe.

Sɛ́nflínmɛ 29:2

Mi ɖésú mɔ ya tobutóbú e Mawu Mavɔmavɔ dó nú yě lɛ́ɛ, nǔjíwǔ ɖaxó ɖaxó lɛ́ɛ kpó nǔdábaɖa e é jlɛ́ lɛ́ɛ kpó.

Sɛ́nflínmɛ 4:3

Mi mɔ lě e Mawu Mavɔmavɔ, Mawu mitɔn wa nǔ gbɔn hwenu e vodún Baalu-Peɔ́ɔ sín xó wá é kpó nukún mitɔn kpó: Mawu Mavɔmavɔ, Mawu mitɔn sú mɛ e sɛn vodún Baalu-Peɔ́ɔ ɖo tɛ́ntin mitɔn lɛ́ɛ bǐ sín kún dó.

Sɛ́nflínmɛ 4:9

Mɔyízi ɖɔ: “Nǔ ɖokpó e mi ná bló é wɛ nyí ɖɔ mi ná nɔ acéjí, bɔ ayi mitɔn ná ɖo te hwebǐnu, bó má wɔn nǔ e nukún mitɔn lɛ́ɛ mɔ é ó. Mi kplɔ́n yě vǐ mitɔn lɛ́ɛ kpó vǐvú mitɔn lɛ́ɛ kpó.

Sɛ́nflínmɛ 8:2

Mi flín zɔnlin tobutóbú e Mawu Mavɔmavɔ kplá mi bɔ mi zun ɖo gbětótló mɛ xɔ xwe kanɖé (40) é. Mawu Mavɔmavɔ tɛ́n mi kpɔ́n gbɔn wǔvɛ́ tɛnmɛ tɛnmɛ lɛ́ɛ mɛ, bó ná dó mɔ nǔ jɛ nǔ e ɖo ayi mitɔn mɛ é wú; énɛ́ ɔ́, mi ná sixú nyi sɛ́n tɔn lɛ́ɛ kpó mi ná gbɔ kpó ɔ́, é ná tunwun.

Sɛ́nflínmɛ 8:4

Xwe kanɖé énɛ́ lɛ́ɛ mɛ ɔ́, awu mitɔn lɛ́ɛ gbi ǎ, afɔ mitɔn lɛ́ɛ ka tɛ ǎ.

Jozuwée 23:3

Mi ka mɔ lě e Mawu Mavɔmavɔ, Mawu mitɔn wa nǔ xá togun e ɖo ayǐkúngban énɛ́ lɛ́ɛ jí gbɔn ɖó mi wútu é. É ɖésúnɔ fun ahwan nú mi.

Jozuwée 24:7

Énɛ́ ɔ́, tɔ́gbó mitɔn lɛ́ɛ ylɔ́ mì ɖɔ má wá dó alɔ émí, bɔ un sɛ́ akpɔ́kpɔ́ wiwi dó bɔ é wá nɔ tɔ́gbó mitɔn lɛ́ɛ kpó Ejípunu lɛ́ɛ kpó tɛ́ntin. Énɛ́ ɔ́ gúdo ɔ́, un bló bɔ xu ɔ́ cyɔ́n Ejípunu lɛ́ɛ. Mi tunwun lě e un wa nǔ xá Ejípunu lɛ́ɛ gbɔn ɔ́ ganjí. Bɔ tɔ́gbó mitɔn lɛ́ɛ nɔ gbětótló mɛ xɔ xwe mɔ̌kpán.

Jozuwée 5:6

Đó xwe kanɖé (40) wɛ Izlayɛ́li ví lɛ́ɛ ɖi zɔnlin xɔ ɖo gbětótló mɛ. Yě ɖo gbětótló ɔ́ mɛ káká bɔ súnnu e ko su ahwan yi ɖo yě mɛ hwenu e yě gosín Ejípu lɛ́ɛ bǐ kú, ɖó yě se tónú nú Mawu Mavɔmavɔ ǎ; bɔ Mawu Mavɔmavɔ xwlé nǔ ɖɔ émí kún ná jó yě dó, bɔ yě ná mɔ to e sín akpá émí dó nú tɔ́gbó yětɔn lɛ́ɛ ɖɔ émí ná ná yě ɔ́ ó. Anɔ̌sin kpó wǐin kpó wɛ gɔ́ to énɛ́ ɔ́ mɛ.