Eblée 3:6 - MAWUXÓWÉMA

⁶ Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Eblée 3:6 Iomraidhean Croise

Ɖɛhan 2:12

Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.

Ezekiyɛ́li 46:10

Hwe ɖokpó ɔ́ nu wɛ gǎn ɔ́ kpó togun ɔ́ kpó ná byɔ́ xwé ɔ́ gbe bó ná lɛ́ tɔ́n hwe ɖokpó ɔ́ nu.”

Matíe 10:22

Mɛ bǐ ná gbɛ́ wǎn nú mi ɖó nyɛ wú. Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

Matíe 16:18

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

Matíe 24:13

Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

Hlɔ̌manu 11:22

Kpɔ́n lě e Mawu ɖe xomɛnyínyɔ́ tɔn kpó hunnylánylá tɔn kpó xlɛ́ gbɔn é: é nɔ́ nylá hun dó mɛ e hu hwɛ lɛ́ɛ, bó ka nyɔ́ xomɛ dó wú we; lo ɔ́, a ɖǒ ná nɔ xomɛnyínyɔ́ tɔn mɛ; é ma nyí mɔ̌ ǎ ɔ́, é ná gbo hwi lɔ síin atínla ɖɔhun.

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

1 Kɔlɛ́ntinu 3:16

Mi tunwun ɖɔ sinsɛnxɔ Mawu tɔn wɛ émí nyí, bɔ Yɛ Mawu tɔn ɖo émí mɛ.

1 Kɔlɛ́ntinu 6:19

Mi tunwun ɖɔ agbaza mitɔn ɔ́, Yɛsinsɛn e Mawu ná mi, bɔ é ɖo mi mɛ ɔ́ sín sinsɛnxɔ wɛ é nyí ǎ cé? Mi nyí mi ɖésúnɔ tɔn ǎ:

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Galatinu 6:10

Ényí mɔ̌ hǔn nɔví lɛ́ɛ mi, ényí mǐ mɔ ɖagbewiwa sín ali hweɖěbǔnu hǔn, mǐ ní nɔ wa nú mɛ bǐ, ɖo tají ɔ́, nú nɔví ɖo nǔɖiɖi mɛ lɛ́ɛ.

Galatinu 6:9

Hǔn awakanmɛ ní má kú mǐ dó nǔ ɖagbe wiwa wú ó. Đó nú awakanmɛ ma kú mǐ ǎ, bónú hwe tɔn nu wá su ɔ́, mǐ ná mɔ ajɔ tɔn yí.

Efɛ́zinu 3:12

Bǔ e mǐ ɖe xá Klísu é kpó nǔɖiɖi e mǐ ɖó n'i é kpó zɔ́n bɔ mǐ glá bó sɛkpɔ́ ɛ kpó jiɖiɖe ɖaxó ɖé kpó.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.

1 Tɛsalonikinu 5:16

Mi nɔ jɛ awǎ hwebǐnu.

2 Tɛsalonikinu 2:16

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Eblée 10:19

Énɛ́ hǔn nɔví ce lɛ́ɛ mi, mǐ ɖó jiɖiɖe kpíkpé ɖɔ mǐ ná yi Tɛn mímɛ́ bǐ ɔ́ mɛ gbɔn hun Jezu tɔn gbla mɛ.

Eblée 10:21

Mǐ ɖó vɔ̌sánú-xwlémawutɔ́ ɖaxó ɖokpó bɔ é kpa acɛ dó Mawu xwé ɔ́ nu.

Eblée 10:23

Mi nú mǐ ná hɛn nukúnɖíɖó e sín xó jlá wɛ mǐ ɖe ɔ́ syɛ́nsyɛ́n, ɖó Mawu e dó akpá nú mǐ ɔ́ ɖo gbejí.

Eblée 10:35

Hǔn mi bo ma jó jiɖiɖe e mi ɖó dó Mawu wú ɔ́ dó ó; ɖó ajɔ ɖaxó ɖé ɖ'é mɛ.

Eblée 11:1

Nǔɖiɖi ɖíɖó wɛ nyí è nǐ ɖeji dó nǔ e ɖó nukún wɛ è ɖe ɔ́ wú; è nǐ gán jɛ nǔ e è ma mɔ ǎ é wú ɖɔ é tíin.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

Eblée 4:14

Hǔn, mi bo nú mǐ ná hɛn nǔɖiɖixó e ɖɔ wɛ mǐ ɖe ɔ́ syɛ́nsyɛ́n. Nǔgbó ɔ́, mǐ ɖó vɔ̌sánú-xwlémawutɔ́gán ɖaxó ɖokpó; Jezu Mawu ví ɔ́ wɛ; é hun káká yi Mawu ɖésú nukɔn.

Eblée 4:16

Hǔn, mi bo nú mǐ ná sɛkpɔ́ axɔ́súzinkpo Mawu tɔn, fí e fɛ́nú ɖe ɔ́, kpódó jiɖiɖe kpán; é ná sɔ́ hwɛ kɛ mǐ ɖo fínɛ́. Mǐ ná mɔ fɛ́nú ɖo fínɛ́, bónú é ná d'alɔ mǐ ɖo nǔ e hudó mǐ lɛ́ɛ mɛ, ɖo hwe tɔn nu.

Eblée 6:11

Amɔ̌ mǐ jló ɖɔ ɖokpó ɖokpó mitɔn ní ɖe bǐbí dó nǔ wú énɛ́ xlɛ́ káká sɔ́yi vivɔnu, bónú nǔ e ɖó nukún wɛ mi ɖe ɔ́ ná jɛ.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

1 Piyɛ́ɛ 1:8

Mi mɔ ɛ ǎ, có mi ka yí wǎn n'i; mi ɖo mimɔ ɛ wɛ din ǎ, có mi ka ɖi nǔ n'i; énɛ́ ɔ́ wú wɛ xomɛ ɖaxó ɖé ɖo mi hun wɛ; xomɛ hun mi sɔ mɔ̌, bɔ nu sixú ɖɔ ǎ.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?

Nǔɖexlɛ́mɛ 2:18

Wlǎn wěma sɛ́ dó agun Klísu tɔn e ɖo Tiatíi ɔ́ sín wɛnsagun, bó ɖɔ n'i ɖɔ: “Mawu ví e nukún tɔn lɛ́ɛ nɔ kán zo myɔ ɖɔhun, bɔ afɔ tɔn lɛ́ɛ nɔ kɔ́n ganvɔ e è ɖiɖi wǔ ná ɔ́ ɖɔhun ɔ́, xó e é ɖɔ ɔ́ ɖíe:

Nǔɖexlɛ́mɛ 2:25

Lo ɔ́, mi hɛn nǔ e mi ɖó ɔ́ wú syɛ́nsyɛ́n káká bónú ma wá.

Nǔɖexlɛ́mɛ 2:26

“Mɛ e ná ɖu ɖ'é jí, bó ná wa nǔ e un jló ɔ́ káká yi vivɔnu ɔ́, un ná ná ɛ acɛ e nyɛ ɖésúnɔ un yí ɖo Tɔ́ ce sí é: un ná ná bɔ é ná kpa acɛ nú akɔta lɛ́ɛ. Acɛkpikpa tɔn ná syɛ́n gankpo ɖɔhun, bó ná gba yě hánnyá lě e è nɔ gba kozɛ́n hánnyá gbɔn é.

Nǔɖexlɛ́mɛ 3:11

Un ná wá ɖo malín málín mɛ din. Hɛn nǔ e ɖo así towe ɔ́ syɛ́nsyɛ́n, bónú mɛɖé ma yí ɖuɖéjí towe sín ajɔ ɔ́ sín así towe ó.