Eblée 3:3 - MAWUXÓWÉMA

³ Mɛ lɛ́ɛ nɔ kpa susu nú mɛ e gbá xɔ ɔ́ hú xɔ ɔ́ ɖésú. Mɔ̌ ɖokpó ɔ́ wɛ susu e jɛ xá Jezu ɔ́ hú gǎn Mɔyízi tɔn.

Eblée 3:3 Iomraidhean Croise

Zakalíi 4:9

“Zolobabɛ́li wɛ dó sinsɛnxɔ ɔ́ do, bó ká ná gbá yi fó.” Ényí nǔ cí mɔ̌ ɔ́, a nǎ tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó mi gɔ́n nǔgbó.

Matíe 16:18

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

1 Kɔlɛ́ntinu 3:9

Đó azɔ̌ wa ɖó kpɔ́ wɛ mǐ ɖe nú Mawu, bɔ midɛɛ lɛ́ɛ ka nyí gle Mawu tɔn, bó lɛ́ nyí xɔ Mawu tɔn.

2 Kɔlɛ́ntinu 3:7

Sɛ́n ɔ́, awǐnnya sín atɛ lɛ́ɛ jí wɛ è wlǎn ɖó, wěkwín ɖě jɛ ɖě gúdo, bɔ susu Mawu tɔn tɔ́n hwe énɛ́ nu. Mɔyízi sín nukún mɛ nɔ kɔ́n, bó nɔ ná wěziza ɖaxó ɖé, bɔ Izlayɛ́li ví lɛ́ɛ nɔ sixú kpɔ́n ɛ ǎ, có wěziza énɛ́ ɔ́ ka ɖó ná bú. Nú sɛ́n e azɔ̌ tɔn ɔ́ ko nyí ɖɔ mɛ wɛ é nɔ dɔn yi kú ɔ́, ka wá kpó susu ɖaxó mɔ̌hunkɔtɔn kpó ɔ́,

Kolósinu 1:18

É wɛ nyí ta nú agbaza ɔ́: agbaza ɔ́ wɛ ɖo agun ɔ́ nyí wɛ; é mɛ wɛ gbɛ yɔ̌yɔ́ ɔ́ bɛ́ ɖe; é wɛ nyí mɛ nukɔn tɔn e Mawu fɔ́n sín kú é, bónú é ná dó nɔ nukɔn ɖo nǔ bǐ mɛ.

Eblée 2:9

Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

Eblée 3:4

Nǔgbó ɔ́, è mɔ xɔ ɖé ɖo te hǔn, mɛɖé jɛ́n gbá; Mawu wɛ ka nyí mɛ e bló nǔ bǐ é.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.