Eblée 3:2 - MAWUXÓWÉMA

² Nǔgbó ɔ́, é nɔ gbejí nú Mawu e sɔ́ ɛ nú azɔ̌ énɛ́ ɔ́, Mɔyízi e wú è ɖɔ xó élɔ́ dó ɔ́ ɖɔhun: “É nɔ gbejí ɖo Mawu sín xwédo ɔ́ bǐ mɛ.”

Eblée 3:2 Iomraidhean Croise

Tíntɔ́n 40:16

Mɔyízi bló nǔ e Mawu Mavɔmavɔ ɖɔ n'i lɛ́ɛ bǐ tɛ́nwínlɛnwín:

Kɛ́nsísɔ́ 12:7

Mɔ̌ wɛ é ká nyí gbɔn nú mɛsɛntɔ́ ce Mɔyízi ǎ. Éyɛ́ ɖo gbejí ɖo xwédo ce bǐ mɛ.

Jǎan 15:10

Ényí mi nyi sɛ́n ce lɛ́ɛ ɔ́, mi ná nɔ wǎn yíyí ce mɛ, lě e nyɛ nyi Tɔ́ ce sín sɛ́n lɛ́ɛ, bó ɖo wǎn yíyí tɔn mɛ ɔ́ ɖɔhun.

Jǎan 17:4

Un wa azɔ̌ e a zɔ̌n mì ɔ́, un bló yi fó, bó dó sɔ́ we su ɖo ayǐkúngban jí.

Jǎan 7:18

Mɛ e ka ɖo é ɖésúnɔ sín susu ba wɛ ɔ́, acɛ é ɖésúnɔ tɔn mɛ wɛ é nɔ ɖɔ xó dó. Lo ɔ́, mɛ e ɖo mɛ e sɛ́ ɛ dó ɔ́ sín susu ba wɛ ɔ́, nǔgbó wɛ é nɔ ɖɔ, bɔ xó tɔn ɖě nɔ́ nyí nǔvú ǎ.

Jǎan 8:29

Mɛ e sɛ́ mì dó ɔ́ ka ɖo kpɔ́ xá mì; é jó mì dó ǎ, ɖó nǔ e nyɔ́ nukún tɔn mɛ ɔ́ wɛ un nɔ bló tɛgbɛ.”

Efɛ́zinu 2:22

Đo bǔ e mi ɖe xá Klísu Jezu ɔ́ mɛ ɔ́, mi lɔmɔ̌ nyí blǐki ɖo blǐki e è dǒ mɛ xɔ ɔ́ ná lɛ́ɛ mɛ; bɔ mi kpódó mɛ ɖě lɛ́ɛ bǐ kpó ná kplé bó ná nyí xɔ e mɛ Yɛ Mawu tɔn nɔ́ nɔ é.

Sɛ́nflínmɛ 4:5

“Éɖíe, un kplɔ́n sɛ́n lɛ́ɛ kpó nǔ e Mawu zɔ́n lɛ́ɛ kpó mi lě e Mawu Mavɔmavɔ, Mawu ce ɖɔ nyɛ ní bló gbɔn é, bónú mi ná zé yě dó wa azɔ̌ ná, ɖo to e ná yí wɛ mi ɖe é mɛ.

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

1 Samuwɛ́li 12:6

Bɔ Samuwɛ́li lɛ́ ɖɔ nú togun ɔ́ ɖɔ: “Mawu Mavɔmavɔ wɛ sɔ́ Mɔyízi kpó Aalɔ́ɔn kpó; é wɛ ɖe tɔ́gbó mitɔn lɛ́ɛ tɔ́n sín Ejípu.